完整藏文原文 · 德格版页 当前仅加载第 51 函德格 33b 版页；藏文 NFD、目录标记与异常页序保留在来源切片中，重复版页行以稳定序号区分。
སྟོབས་དང་མི་འཇིགས་པའི་མཛོད་མང་བར་མཁྱེན་ཏེ། དེ་དག་ཐམས་ཅད་ཀྱང་བདག་ཉིད་ཀྱི་བུ་ཡིན་པར་ཐུགས་སུ་ཆུད་ནས་སེམས་ཅན་དེ་དག་ཐམས་ཅད་ཀྱང་སངས་རྒྱས་ཀྱི་ཐེག་པ་ཉིད་ཀྱིས་ཡོངས་སུ་མྱ་ངན་ལས་འདའ་བར་མཛད་ཀྱི། སེམས་ཅན་གང་ལ་ཡང་སོ་སོར་བདག་གི་མྱ་ངན་
D113.051.0033b01.01ལས་འདས་པ་མི་གསུང་སྟེ། སེམས་ཅན་དེ་དག་ཐམས་ཅད་ཀྱང་དེ་བཞིན་གཤེགས་པའི་མྱ་ངན་ལས་འདའ་བར་མྱ་ངན་ལས་འདའ་བ་ཆེན་པོས་ཡོངས་སུ་མྱ་ངན་ལས་འདའ་བར་མཛད་དོ། །ཤཱ་རིའི་བུ་སེམས་ཅན་གང་དག་ཁམས་གསུམ་ནས་ཐར་བར་གྱུར་པ་དེ་དག་ལ་ཡང་དེ་
D113.051.0033b02.01བཞིན་གཤེགས་པས་བསམ་གཏན་དང་རྣམ་པར་ཐར་པ་དང་ཏིང་ངེ་འཛིན་དང་སྙོམས་པར་འཇུག་པ། འཕགས་པའི་བདེན་པའི་མཆོག་དང་རྩེན་པ་དགའ་བར་འགྱུར་བ་ཐམས་ཅད་ཁ་དོག་གཅིག་པ་སྦྱིན་པར་མཛད་དོ། །ཤཱ་རིའི་བུ་འདི་ལྟ་སྟེ་དཔེར་ན། སྐྱེས་བུ་དེས་འདི་ལྟར་གཞོན་
D113.051.0033b03.01ནུ་དེ་དག་ལ་བཞོན་པ་གསུམ་བསྟན་ནས་དེ་དག་ཐམས་ཅད་ལ་བཞོན་པ་ཆེན་པོ་གཅིག་བྱིན་ཏེ། རིན་པོ་ཆེ་སྣ་བདུན་ལས་བྱས་པ། རྒྱན་ཐམས་ཅད་ཀྱིས་བརྒྱན་པ། ཁ་དོག་གཅིག་པ། བཞོན་པ་རླབས་པོ་ཆེ་བཞོན་པའི་མཆོག་ཐམས་ཅད་ལ་བྱིན་པའི་ཕྱིར། {བརྫུན་,རྫུན་}དུ་སྨྲ་
D113.051.0033b04.01བ་མ་ཡིན་པ་དེ་བཞིན་དུ། ཤཱ་རིའི་བུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱང་། འདི་ལྟར་ཐབས་མཁས་པས། དང་པོ་ཐེག་པ་གསུམ་བསྟན་ནས། ཕྱིས་ཐེག་པ་གཅིག་པ་ཉིད་ཀྱིས་སེམས་ཅན་རྣམས་ཡོངས་སུ་མྱ་ངན་ལས་འདའ་བར་
D113.051.0033b05.01མཛད་པའི་ཕྱིར་{བརྫུན་,རྫུན་}དུ་སྨྲ་བ་མ་ཡིན་ནོ། །དེ་ཅིའི་ཕྱིར་ཞེ་ན། ཤཱ་རིའི་བུ་དེ་བཞིན་གཤེགས་པ་ནི་ཡེ་ཤེས་དང་། སྟོབས་དང་མི་འཇིགས་པའི་བང་མཛོད་མང་པོ་དང་ལྡན་ཏེ། སེམས་ཅན་ཀུན་ལ་ཐམས་ཅད་མཁྱེན་པའི་ཡེ་ཤེས་དང་ལྡན་པའི་ཆོས་བསྟན་པའི་མཐུ་མངའ་བའི་
D113.051.0033b06.01ཕྱིར་རོ། །ཤཱ་རིའི་བུ་འདི་ལྟར་ཐབས་མཁས་པ་སྣ་ཚོགས་དང་། ཡེ་ཤེས་མངོན་པར་བསྒྲུབས་པས་དེ་བཞིན་གཤེགས་པ་ཐེག་པ་ཆེན་པོ་གཅིག་པུ་སྟོན་པར་རྣམ་གྲངས་འདིས་ཀྱང་དེ་ལྟ་བུར་རིག་པར་བྱའོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་
D113.051.0033b07.01