完整藏文原文 · 德格版页 当前仅加载第 51 函德格 72b 版页；藏文 NFD、目录标记与异常页序保留在来源切片中，重复版页行以稳定序号区分。
དག་ལ་འདི་སྐད་ཅེས་གྲོང་ཁྱེར་ཆེན་པོ་འདི་ནི་ཁྱེད་ངལ་བསོ་བའི་ཕྱིར་ཁོ་བོས་སྤྲུལ་པ་ཡིན་ཏེ། རིན་པོ་ཆེའི་གླིང་ཆེན་པོ་དེ་དང་ཡང་ཉེ་བས་སེམས་ཅན་ཁྱེད་འདོང་ངོ་ཞེས་བསྒོ་བ་དེ་བཞིན་དུ་དགེ་སློང་དག་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱང་། ཁྱེད་དང་སེམས་
D113.051.0072b01.01ཅན་ཐམས་ཅད་ཀྱི་མཚོན་མའོ། །དགེ་སློང་དག་དེ་ནས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས། འདི་ལྟར་ཉོན་མོངས་པའི་དགོན་པ་ཆེན་པོ་འདི་ལ་སྐྱོ་བར་བྱ། བཟླ་བར་བྱ་སྤང་བར་བྱ་ན། སེམས་ཅན་འདི་དག་སངས་རྒྱས་ཀྱི་ཡེ་ཤེས་གཅིག་པུ་
D113.051.0072b02.01ཐོས་ནས་སྔངས་ཏེ་ཕྱིར་ལྡོག་ཅིང་། སངས་རྒྱས་ཀྱི་ཡེ་ཤེས་བསྒྲུབ་པ་འདི་ཉོན་མོངས་པ་མང་ངོ་ཞེས་མི་འཇུག་པར་མི་འགྱུར་གྲང་ཞེས་གཟིགས་ཏེ། དེ་ལ་དེ་བཞིན་གཤེགས་པས་སེམས་ཅན་བསམ་པའི་སྟོབས་ཆུང་བར་མཁྱེན་ནས། ཇི་ལྟར་མཚོན་མ་དེས་སེམས་ཅན་དེ་དག་ངལ་བསོ་བའི་ཕྱིར་
D113.051.0072b03.01རྫུ་འཕྲུལ་གྱི་གྲོང་ཁྱེར་དེ་མངོན་པར་སྤྲུལ་ཏེ། སེམས་ཅན་དེ་དག་ངལ་བསོས་ནས་འདི་ནི་རྫུ་འཕྲུལ་གྱི་གྲོང་ཁྱེར་ཡིན་ནོ། །ཞེས་བསྒོ་བ་དེ་བཞིན་དུ་དགེ་སློང་དག་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཐབས་མཁས་པ་ཆེན་པོས་སེམས་ཅན་རྣམས་ངལ་
D113.051.0072b04.01བསོ་བའི་ཕྱིར། བར་དུ་མྱ་ངན་ལས་འདའ་བའི་ས་གཉིས་བཤད་ཅིང་རབ་ཏུ་བསྟན་ཏེ། འདི་ལྟར་ཉན་ཐོས་ཀྱི་ས་དང་རང་སངས་རྒྱས་ཀྱི་ས་སྟེ། དགེ་སློང་དག་གང་གི་དུས་ན་སེམས་ཅན་དེ་དག་དེ་ལ་གནས་པར་གྱུར་པ་དེ་ན། དགེ་སློང་དག་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་
D113.051.0072b05.01པའི་སངས་རྒྱས་ཀྱིས་འདི་སྐད་དུ། དགེ་སློང་དག་ཁྱེད་བྱ་བ་བྱས་པ་མ་ཡིན་ཏེ་བྱེད་པ་བྱས་པ་མ་ཡིན་ལ། དགེ་སློང་དག་ཁྱེད་དེ་བཞིན་གཤེགས་པའི་ཡེ་ཤེས་ལ་ཉེ་བར་གྱུར་གྱིས་ལྟོས་ཤིག །རྟོགས་ཤིག །གང་ཁྱེད་ཀྱི་མྱ་ངན་ལས་འདས་པ་དེ་མྱ་ངན་ལས་འདས་པ་མ་ཡིན་ཏེ། དགེ་
D113.051.0072b06.01སློང་དག་གང་ཐེག་པ་གསུམ་དུ་བཤད་པ་དེ་ནི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་ཐབས་མཁས་པའོ་ཞེས་ཡང་དག་པར་སྒྲོགས་སོ། །དེ་ནས་བཅོམ་ལྡན་འདས་ཀྱིས་དོན་འདི་ཉིད་རྒྱས་པར་བསྟན་ཅིང་དེའི་ཚེ་ཚིགས་སུ་བཅད་པ་འདི་དག་
D113.051.0072b07.01