完整藏文原文 · 德格版页 当前仅加载第 51 函德格 128b 版页；藏文 NFD、目录标记与异常页序保留在来源切片中，重复版页行以稳定序号区分。
ཚད་ཀྱང་ཡོང་མེད་དོ། །ཇི་ལྟར་ནམ་མཁའི་ཁམས་ཀྱི་ཚད། །ཕྱོགས་བཅུ་དག་ནི་ཐམས་ཅད་དུ། །རྟག་ཏུ་རྙེད་པར་འགྱུར་མ་ཡིན། །བསོད་ནམས་ཕུང་པོ་འདི་དེ་འདྲ། །བཟོད་ཅིང་དུལ་ཏེ་མཉམ་པར་གཞག །ཚུལ་ཁྲིམས་ལྡན་ཞིང་བསམ་གཏན་པ། །ཡང་དག་ནང་འཇོག་སྤྱོད་
D113.051.0128b01.01ཡུལ་ཅན། །དེ་འདྲ་བ་ལྟ་སྨོས་ཅི་དགོས། །ཁྲོ་བ་མེད་ཅིང་ཕྲ་མ་མེད། །མཆོད་རྟེན་དག་ལ་གུས་པར་གནས། །དགེ་སློང་རྣམས་ལའང་རྟག་ཏུ་འདུད། །ང་རྒྱལ་མེད་ཅིང་ལེ་ལོ་མེད། །ཤེས་རབ་ལྡན་ཞིང་བདེ་བཞིན་བརྟན། །དྲི་བ་དྲིས་ན་མི་ཁྲོ་སྟེ། །སྙིང་རྗེ་བློ་ཡིས་སྲོག་ཆགས་
D113.051.0128b02.01ལ། །རྗེས་སུ་འཐུན་པར་རབ་ཏུ་སྟོན། །གང་ཞིག་དེ་འདྲར་གྱུར་ནས་སུ། །མདོ་འདི་ཡང་ནི་གང་འཛིན་པ། །དེ་ཡི་བསོད་ནམས་ཕུང་པོ་ནི། །ཚད་ཀྱང་རྙེད་པར་མི་འགྱུར་རོ། །མདོ་འདི་འཛིན་པར་བྱེད་པ་ཡི། །དེ་ལྟ་བུ་ཡི་ཆོས་སྨྲ་བ། །གལ་ཏེ་མི་འགས་མཐོང་ན་ཡང་། །དེ་ལ་
D113.051.0128b03.01ཤིན་ཏུ་བཀུར་སྟི་བྱ། །ལྷ་ཡི་མེ་ཏོག་རྣམས་ཀྱིས་དེ་ལ་གཏོར། །ལྷ་ཡི་གོས་རྣམས་ཀྱིས་ཀྱང་མངོན་པར་དགབ། །དེ་ཡི་རྐང་པར་མགོ་བོས་ཕྱག་འཚལ་ཏེ། །དེ་ལ་དེ་བཞིན་གཤེགས་པར་འདུ་ཤེས་སྐྱེད། །དེ་མཐོང་ནས་ནི་དེ་ཚེ་འདི་སྙམ་དུ། །དེ་ནི་ཤིང་ལྗོན་དྲུང་དུ་འགྲོར་འགྱུར་
D113.051.0128b04.01ཏེ། །ལྷ་དང་བཅས་པའི་འཇིག་རྟེན་ཕན་པའི་ཕྱིར། །བླ་མེད་བྱང་ཆུབ་ཞིང་འཚང་རྒྱ་སྙམ་བསམ། །མདོ་སྡེ་འདི་ལས་ཚིགས་བཅད་གཅིག་བརྗོད་ཅིང་། །དེ་འདྲའི་མཁས་དེ་གང་ན་འཆག་པ་འམ། །གང་ན་འགྲེང་ངམ་འོན་ཏེ་འདུག་པ་འམ། །དཔའ་བོ་གང་དུ་ཉལ་བར་བྱེད་པའང་
D113.051.0128b05.01རུང་། །དེར་ནི་འདྲེན་པ་སངས་རྒྱས་བཅོམ་ལྡན་གྱི། །ཆེད་དུ་སྐྱེས་བུ་དམ་པའི་མཆོད་རྟེན་ནི། །བལྟ་ན་སྡུག་པ་སྣ་ཚོགས་བྱེད་དུ་གཞུག །དེ་བཞིན་དེར་ནི་མཆོད་པ་སྣ་ཚོགས་བྱས། །གང་ན་སངས་རྒྱས་བུ་དེ་འདུག་པ་ཡི། །ས་ཕྱོགས་དེ་ནི་ང་ཡིས་ཡོངས་སུ་སྤྱད། །ངས་ནི་དེ་
D113.051.0128b06.01ཉིད་དུ་ཡང་འཆག་པ་བྱས། །དེ་ཉིད་དུ་ཡང་ང་ནི་འདུག་པར་གྱུར། །དམ་པའི་ཆོས་པད་མ་དཀར་པོ་ལས་བསོད་ནམས་ཀྱི་རྣམ་གྲངས་ཀྱི་ལེའུ་ཞེས་བྱ་བ་སྟེ་བཅུ་དྲུག་པའོ།། །།དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་སེམས་དཔའ་ཆེན་པོ་
D113.051.0128b07.01