完整藏文原文 · 德格版页 当前仅加载第 51 函德格 155a 版页；藏文 NFD、目录标记与异常页序保留在来源切片中，重复版页行以稳定序号区分。
པ། འདི་ལྟ་སྟེ་དཔེར་ན་རི་ནག་པོ་དང་ཁོར་ཡུག་དང་ཁོར་ཡུག་ཆེན་པོ་ཐམས་ཅད་ཀྱི་ནང་ན་རི་རབ་ནི་རིའི་རྒྱལ་པོ་སྟེ་མཆོག་ཏུ་གྱུར་པ་ཡིན་ནོ། །སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་མངོན་པར་ཤེས་པ་དེ་བཞིན་དུ། དེ་བཞིན་གཤེགས་པས་གསུངས་པའི་མདོ་སྡེ་ཐམས་
D113.051.0155a01.01ཅད་ཀྱི་ནང་ན། དམ་པའི་ཆོས་པད་མ་དཀར་པོའི་ཆོས་ཀྱི་རྣམ་གྲངས་འདི་རྒྱལ་པོ་སྟེ་མཆོག་ཏུ་གྱུར་པ་ཡིན་ནོ། །སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་མངོན་པར་ཤེས་པ། འདི་ལྟ་སྟེ་དཔེར་ན་སྐར་མ་ཐམས་ཅད་ཀྱི་ནང་ན་ཟླ་བ་ནི་འོད་བྱེད་པའི་མཆོག་ཏུ་གྱུར་པ་ཡིན་ནོ། །སྐར་མའི་རྒྱལ་
D113.051.0155a02.01པོ་མེ་ཏོག་ཀུན་ཏུ་རྒྱས་པ་མངོན་པར་ཤེས་པ། དེ་བཞིན་དུ་དེ་བཞིན་གཤེགས་པས་གསུངས་པའི་མདོ་སྡེ་ཐམས་ཅད་ཀྱི་ནང་ན། དམ་པའི་ཆོས་པད་མ་དཀར་པོའི་ཆོས་ཀྱི་རྣམ་གྲངས་འདི་ནི་ཟླ་བ་བྱེ་བ་ཁྲག་ཁྲིག་བརྒྱ་སྟོང་བས་ལྷག་པར་འོད་བྱེད་པའི་མཆོག་ཏུ་གྱུར་པ་ཡིན་ནོ། །སྐར་མའི་
D113.051.0155a03.01རྒྱལ་པོ་མེ་ཏོག་ཀུན་ཏུ་རྒྱས་པ་མངོན་པར་ཤེས་པ། འདི་ལྟ་སྟེ་དཔེར་ན་ཉི་མའི་དཀྱིལ་འཁོར་ནི་མུན་པ་མུན་གནག་ཐམས་ཅད་སེལ་བར་བྱེད་དོ། །སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་མངོན་པར་ཤེས་པ། དེ་བཞིན་དུ་དམ་པའི་ཆོས་པད་མ་དཀར་པོའི་ཆོས་ཀྱི་རྣམ་གྲངས་འདི་ཡང་
D113.051.0155a04.01མི་དགེ་བའི་མུན་པ་མུན་གནག་ཐམས་ཅད་སེལ་བར་བྱེད་དོ། །སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་མངོན་པར་ཤེས་པ། འདི་ལྟ་སྟེ་དཔེར་ན། སུམ་ཅུ་རྩ་གསུམ་པའི་ལྷ་རྣམས་ཀྱི་ནང་ན་བརྒྱ་བྱིན་ནི་ལྷ་རྣམས་ཀྱི་དབང་པོ་ཡིན་ནོ། །སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་མངོན་པར་
D113.051.0155a05.01ཤེས་པ། དེ་བཞིན་དུ་དམ་པའི་ཆོས་པད་མ་དཀར་པོའི་ཆོས་ཀྱི་རྣམ་གྲངས་འདི་ཡང་དེ་བཞིན་གཤེགས་པས་གསུངས་པའི་མདོ་སྡེ་ཐམས་ཅད་ཀྱི་ནང་ན་དབང་པོ་ཡིན་ནོ། །སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་མངོན་པར་ཤེས་པ་འདི་ལྟ་སྟེ་དཔེར་ན། མི་མཇེད་ཀྱི་བདག་པོ་ཚངས་པ་ནི་
D113.051.0155a06.01ཚངས་རིས་ཀྱི་ལྷ་ཐམས་ཅད་ཀྱི་རྒྱལ་པོ་སྟེ་ཚངས་པའི་འཇིག་རྟེན་ན་ཕའི་བྱ་བ་བྱེད་དོ། །སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་མངོན་པར་ཤེས་པ། དེ་བཞིན་དུ་དམ་པའི་ཆོས་པད་མ་དཀར་པོའི་ཆོས་ཀྱི་རྣམ་གྲངས་འདི་ཡང་སེམས་ཅན་སློབ་པ་དང་མི་སློབ་པ་ཐམས་ཅད་དང་ཉན་ཐོས་དང་བྱང་ཆུབ་
D113.051.0155a07.01