完整藏文原文 · 德格版页 当前仅加载第 51 函德格 75a 版页；藏文 NFD、目录标记与异常页序保留在来源切片中，重复版页行以稳定序号区分。
དགེ་སློང་དེང་ཡང་དེ་བཞིན་མཚོན་མ་སྟེ། །སྲོག་ཆགས་བྱེ་བ་སྟོང་གི་འདྲེན་པ་ཡིན། །ཉོན་མོངས་སྒོ་ངའི་སྦུབས་རྟོལ་མི་ནུས་ཞིང་། །སྐྱོ་བའི་སེམས་ཅན་དག་ཀྱང་དེ་བཞིན་མཐོང་། །དེ་ཕྱིར་དེ་ཡི་དོན་དུ་ངས་བསམས་ཏེ། །བསྟི་བའི་གནས་སུ་མྱ་ངན་འདས་འདི་བྱས། །
D113.051.0075a01.01སྡུག་བསྔལ་ཐམས་ཅད་རྗེས་སུ་རྟོགས་པ་འདི། །དགྲ་བཅོམ་ས་ལ་ཁྱེད་ཅག་བྱ་བ་བྱས། །གང་གི་ཚེ་ན་ཁྱེད་ཅག་ལུགས་གནས་འདིར། །གནས་པར་དགྲ་བཅོམ་ཐམས་ཅད་མཐོང་ནས་ནི། །དེ་ཡི་འོག་ཏུ་ཐམས་ཅད་འདིར་བསྡུས་ཏེ། །ཆོས་འདི་ཇི་བཞིན་ཡང་དག་དོན་བཤད་དོ། །དྲང་
D113.051.0075a02.01སྲོང་ཆེན་པོས་ཐེག་པ་གསུམ་བསྟན་པ། །རྣམ་འདྲེན་རྣམས་ཀྱི་ཐབས་ལ་མཁས་པ་སྟེ། །ཐེག་པ་གཅིག་སྟེ་གཉིས་སུ་ཡོད་མ་ཡིན། །བསྟི་བའི་དོན་དུ་ཐེག་པ་གཉིས་བསྟན་ཏོ། །དགེ་སློང་དག་གོ་དེ་ཕྱིར་དེ་རིང་ངས། །འདི་ཙམ་གྱིས་ནི་མྱ་ངན་མི་འདའ་སྟེ། །ཁྱོད་ཀྱིས་ཐམས་ཅད་མཁྱེན་
D113.051.0075a03.01གྱི་ཡེ་ཤེས་ཕྱིར། །བརྩོན་འགྲུས་རླབས་ཆེན་དམ་པ་བསྐྱེད་པར་གྱིས། །ནམ་ཞིག་ཐམས་ཅད་མཁྱེན་གྱི་ཡེ་ཤེས་ཐོབ། །རྒྱལ་བའི་ཆོས་རྣམས་གང་དག་སྟོབས་བཅུ་དང་། །སུམ་ཅུ་རྩ་གཉིས་མཚན་གྱི་གཟུགས་ལྡན་པ། །སངས་རྒྱས་གྱུར་ནས་མྱ་ངན་འདས་པ་ཡིན། །འདྲེན་པ་རྣམས་
D113.051.0075a04.01ཀྱི་བསྟན་པ་འདི་འདྲ་སྟེ། །བསྟི་བའི་ཕྱིར་ནི་མྱ་ངན་འདས་པ་གསུང་། །ངལ་སོས་རིག་ནས་མྱ་ངན་བཟླ་ཕྱིར་ཀུན། །ཐམས་ཅད་མཁྱེན་གྱི་ཤེས་ལ་བཀྲི་ཞེས་བཤད། །དམ་པའི་ཆོས་པད་མ་དཀར་པོ་ལས་སྔོན་གྱི་སྦྱོར་བའི་ལེའུ་ཞེས་བྱ་བ་སྟེ་བདུན་པའོ།། །།
D113.051.0075a05.01བམ་པོ་བདུན་པ། དེ་ནས་ཚེ་དང་ལྡན་པ་བྱམས་མའི་བུ་གང་པོས། བཅོམ་ལྡན་འདས་ཐབས་མཁས་པའི་ཡེ་ཤེས་གཟིགས་པ་དང་། ལྡེམ་པོར་དགོངས་ཏེ་གསུངས་པ་བསྟན་པ་འདི་ལྟ་བུ་འདི་ཡང་ཐོས་ཉན་ཐོས་ཆེན་པོ་དེ་དག་ལུང་བསྟན་པ་ཡང་ཐོས་སྔོན་གྱི་སྦྱོར་བ་དང་ལྡན་པའི་གཏམ་འདི་དང་
D113.051.0075a06.01བཅོམ་ལྡན་འདས་ཀྱི་ཁྱུ་མཆོག་ཏུ་གྱུར་པ་འདི་ཡང་ཐོས་ནས། ངོ་མཚར་དུ་གྱུར་རྨད་དུ་གྱུར་ཏེ་ཟང་ཟིང་མེད་པའི་སེམས་ཀྱིས་དགའ་བ་དང་མཆོག་ཏུ་དགའ་བས་ཁྱབ་པར་གྱུར་ནས། དེ་མཆོག་ཏུ་དགའ་བ་ཆེན་པོ་དང་ཆོས་ལ་གུས་པ་ཆེན་པོས་སྟན་ལས་ལངས་ཏེ། བཅོམ་ལྡན་འདས་ཀྱི་ཞབས་ལ་
D113.051.0075a07.01