完整藏文原文 · 德格版页 当前仅加载第 51 函德格 113a 版页；藏文 NFD、目录标记与异常页序保留在来源切片中，重复版页行以稳定序号区分。
ལགས་སམ། ལེགས་པར་གོ་བ་ལགས་སམ། གདུལ་སླ་བ་ལགས་སམ། རྣམ་པར་སྦྱང་སླ་བ་ལགས་སམ། བཅོམ་ལྡན་འདས་ལ་སྐྱོ་བ་སྐྱེད་པར་མི་བགྱིད་ལགས་སམ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་བཞི་པོ་དེ་དག་གིས། བཅོམ་ལྡན་འདས་ལ་ཚིགས་སུ་བཅད་པ་
D113.051.0113a01.01འདི་དག་གསོལ་ཏོ། །འཇིག་རྟེན་མགོན་པོ་འོད་མཛད་པ། །བདེ་བར་རེག་ལ་གནས་ལགས་སམ། །གནོད་ལས་རྣམ་པར་རབ་གྲོལ་ལམ། །སྡིག་པ་མི་མངའ་སྐུ་བདེ་འམ། །ཁྱོད་ཀྱི་སེམས་ཅན་ཚུལ་མཛེས་སམ། །གདུལ་སླ་སྦྱང་བར་སླ་ལགས་སམ། །འཇིག་རྟེན་མགོན་གྱིས་བཤད་པ་ན། །སྐྱོ་
D113.051.0113a02.01བ་སྐྱེད་པར་མི་བགྱིད་དམ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའི་ཚོགས་ཆེན་པོ་དང་བྱང་ཆུབ་སེམས་དཔའི་ཕུང་པོ་ཆེན་པོ་དེའི་གཙོ་བོ། བྱང་ཆུབ་སེམས་དཔའ་བཞི་ལ་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ་དག་དེ་བཞིན་ཏེ་བདེ་བར་རེག་པ་ལ་གནས་སོ། །གནོད་པ་ཆུང་ངོ་། །
D113.051.0113a03.01སྙུན་ཉུང་ངོ་། །ངའི་སེམས་ཅན་འདི་དག་ཚུལ་མཛེས་སོ། །གོ་སླའོ། །གདུལ་སླའོ། །རྣམ་པར་སྦྱང་སླའོ། །རྣམ་པར་སྦྱོང་བ་ན་ང་ལ་སྐྱོ་བ་མི་སྐྱེད་དོ། །དེ་ཅིའི་ཕྱིར་ཞེ་ན། རིགས་ཀྱི་བུ་དག་ང་ཉིད་ཀྱིས་སེམས་ཅན་འདི་དག་སྔོན་གྱི་ཡང་དག་པར་རྫོགས་པའི་སངས་རྒྱས་ཀྱི་ཚེ་ཡོངས་སུ་སྦྱང་
D113.051.0113a04.01བ་བྱས་པའི་ཕྱིར་ཏེ། རིགས་ཀྱི་བུ་དག་ང་མཐོང་བ་དང་ཐོས་པ་ཙམ་གྱིས་ཀྱང་མོས་པར་འགྱུར་ལ། སངས་རྒྱས་ཀྱི་ཡེ་ཤེས་ལ་འབབ་ཅིང་འདུག་སྟེ། གང་དག་ཉན་ཐོས་ཀྱིས་ལ་ཡོངས་སུ་འདྲིས་པར་བྱས་པ་རྣམས་ནི་མ་གཏོགས་སོ། །དེ་དག་ཀྱང་ངས་ད་ལྟར་སངས་རྒྱས་ཀྱི་ཡེ་ཤེས་ལ་བཙུད་
D113.051.0113a05.01དེ་དོན་དམ་པ་ཐོས་པར་བྱས་སོ། །དེ་ནས་དེའི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་གིས་ཚིགས་སུ་བཅད་པ་འདི་དག་གསོལ་ཏོ། །དཔའ་བོ་ཆེན་པོ་ལེགས་སོ་ལེགས། །ཁྱོད་ཀྱི་སེམས་ཀྱི་ཚུལ་མཛེས་ཤིང་། །གདུལ་སླ་རྣམ་པར་སྦྱང་སླ་དང་། །འདྲེན་པ་གང་དག་ཁྱོད་
D113.051.0113a06.01ཀྱི་ནི། །ཡེ་ཤེས་ཟབ་མོ་འདི་ཉན་ཅིང་། །ཐོས་ནས་མོས་པར་འགྱུར་བ་དང་། །འདྲེན་པར་འཇུག་པར་འགྱུར་བ་ལ། །བདག་ཅག་རྗེས་སུ་ཡི་རང་ངོ་། །དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་བྱང་ཆུབ་སེམས་དཔའི་ཚོགས་ཆེན་པོ་དང་བྱང་ཆུབ་སེམས་དཔའི་ཕུང་པོ་
D113.051.0113a07.01