完整藏文原文 · 德格版页 当前仅加载第 51 函德格 167b 版页；藏文 NFD、目录标记与异常页序保留在来源切片中，重复版页行以稳定序号区分。
ཡིན་པ་ལ་སྙིང་བརྩེ་བའི་ཕྱིར། བྱང་ཆུབ་སེམས་དཔའ་སེམས་དཔའ་ཆེན་པོ་བློ་གྲོས་མི་ཟད་པ་ལས་མུ་ཏིག་གི་དོ་ཤལ་བླངས་སོ། །བླངས་ནས་ཆ་གཉིས་སུ་བགོས་ཏེ་བགོས་ནས་ཆ་གཅིག་ནི་བཅོམ་ལྡན་འདས་ཤཱཀྱ་ཐུབ་པ་ལ་ཕུལ་ལོ། །ཆ་གཅིག་ནི་དེ་བཞིན་གཤེགས་
D113.051.0167b01.01པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན་མང་གི་རིན་པོ་ཆེའི་མཆོད་རྟེན་ལ་ཕུལ་ལོ། །རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་འཇིག་རྟེན་གྱི་ཁམས་མི་མཇེད་འདི་ན་དེ་ལྟ་བུའི་རྣམ་པར་འཕྲུལ་པས་རྣམ་པར་
D113.051.0167b02.01རྒྱུའོ། །དེ་ལ་དེའི་ཆོས་ཉིད་ནི་འདི་སྐད་ཅེས་བྱའོ། །རྒྱལ་མཚན་ཁྲ་བོས་བློ་གྲོས་མི་ཟད་ལ། །དེ་ཡི་དོན་གྱི་རྒྱུ་ནི་ཀུན་དྲིས་པ། །རྒྱལ་བའི་སྲས་པོ་འདི་ལྟར་ཅི་ཡི་ཕྱིར། །སྤྱན་རས་གཟིགས་ཀྱི་དབང་པོ་ཞེས་འདི་བགྱི། །དེ་ནས་དེ་ཡིས་ཕྱོགས་རྣམས་ཀུན་བལྟས་ཏེ། །སྨོན་
D113.051.0167b03.01ལམ་རྒྱ་མཚོ་བློ་གྲོས་མི་ཟད་པས། །རྒྱལ་མཚན་ཁྲ་བོ་དེ་ལ་འདི་སྐད་སྨྲས། །སྤྱན་རས་གཟིགས་ཀྱི་དབང་པོའི་སྤྱོད་པ་ཉོན། །བསྐལ་པ་བསམ་ཡས་བྱེ་བ་དུ་མ་བརྒྱར། །སངས་རྒྱས་སྟོང་ཕྲག་བྱེ་བ་མང་པོ་ལ། །སྨོན་ལམ་ཇི་ལྟར་རབ་ཏུ་རྣམ་པར་སྦྱངས། །དེ་དག་ཁོ་
D113.051.0167b04.01བོས་རབ་ཏུ་བཤད་ཀྱིས་ཉོན། །མཉན་པར་བྱེད་ཅིང་ལྟ་བར་བྱེད་པ་དང་། །རིམ་གྱིས་དེ་ལྟར་རྗེས་སུ་དྲན་པ་ཡང་། །སྲོག་ཆགས་རྣམས་ནི་འབྲས་བུ་ཡོད་པར་འགྱུར། །སྡུག་བསྔལ་དང་ནི་མྱ་ངན་ཐམས་ཅད་སོལ། །གལ་ཏེ་གསོད་པས་མེ་ཡི་དོང་དུ་ཡང་། །གསད་
D113.051.0167b05.01པར་བྱ་བའི་ཕྱིར་ནི་བོར་བའི་མིས། །སྤྱན་རས་གཟིགས་ཀྱི་དབང་པོ་དྲན་ན་ནི། །ཆུས་བཏབ་བཞིན་དུ་མེ་དག་ཞི་བར་འགྱུར། །རྒྱ་མཚོ་དང་ནི་མྱ་ངམ་རྒལ་ན་ཡང་། །ཀླུ་དང་འབྱུང་པོ་ལྷ་མ་ཡིན་གནས་སུ། །སྤྱན་རས་གཟིགས་ཀྱི་དབང་པོ་དྲན་ན་ནི། །ཆུ་ཡི་ནང་དུ་ནམ་
D113.051.0167b06.01ཡང་མི་ནུབ་བོ། །རབ་ཏུ་སྡང་བའི་ཡིད་ཀྱིས་གསད་པའི་ཕྱིར། །རི་རབ་ལྷུན་པོའི་རྩེ་ནས་བོར་ན་ཡང་། །སྤྱན་རས་གཟིགས་ཀྱི་དབང་པོ་དྲན་ན་ནི། །ཉི་མ་ལྟ་བུར་ནམ་མཁའ་གནས་པར་འགྱུར། །གལ་ཏེ་རྡོ་རྗེ་ཡི་ནི་རི་དག་ཀྱང་། །གསད་པའི་ཕྱིར་ནི་སྤྱི་བོར་འོངས་ན་ཡང་། །
D113.051.0167b07.01