完整藏文原文 · 德格版页 当前仅加载第 51 函德格 57b 版页；藏文 NFD、目录标记与异常页序保留在来源切片中，重复版页行以稳定序号区分。
ཤེལ་གྱི་གཞི་ལ་རིན་པོ་ཆེའི་ཤིང་ལྗོན་པས་རྣམ་པར་སྤྲས་པ། གསེར་གྱི་སྐུད་པ་བྲིས་པ་མེ་ཏོག་གིས་ཆལ་པར་བཀྲམ་པ། སེམས་ཅན་དམྱལ་བ་དང་དུད་འགྲོའི་སྐྱེ་གནས་དང་གཤིན་རྗེའི་འཇིག་རྟེན་དང་ལྷ་མ་ཡིན་གྱི་རིས་མེད་དེ་ལྷ་དང་མི་མང་པོས་ཡོངས་སུ་གང་བ་ཉན་ཐོས་བརྒྱ་སྟོང་
D113.051.0057b01.01མང་པོས་མཛེས་པར་བྱས་པ་བྱང་ཆུབ་སེམས་དཔའ་བརྒྱད་སྟོང་མང་པོས་བརྒྱན་པར་འགྱུར་རོ། །དེའི་ཚེའི་ཚད་ནི་བར་གྱི་བསྐལ་པ་བཅུ་གཉིས་སུ་འགྱུར། དེའི་དམ་པའི་ཆོས་ནི་བར་གྱི་བསྐལ་པ་ཉི་ཤུར་གནས་པར་འགྱུར། དམ་པའི་ཆོས་ཀྱི་གཟུགས་བརྙན་ཡང་བར་གྱི་
D113.051.0057b02.01བསྐལ་པ་ཉི་ཤུར་གནས་པར་འགྱུར་རོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ། །གཞན་དུ་མི་འགྱུར་བ་ཡི་ཚིག་བརྗོད་ཀྱིས། །དེ་རིང་ང་ལས་དགེ་སློང་ཀུན་ཉོན་ཅིག །ང་ཡི་ཉན་ཐོས་གནས་བརྟན་ཀཱ་ཏྱཱའི་བུ། །འདི་ནི་རྣམ་
D113.051.0057b03.01འདྲེན་རྣམས་ལ་མཆོད་པར་འགྱུར། །འཇིག་རྟེན་འདྲེན་པ་མྱ་ངན་ཡོངས་འདས་ནས། །དེ་དག་རྣམས་ཀྱི་མཆོད་རྟེན་རྣམ་མང་བྱེད། །བཀུར་སྟི་རྣམ་པ་མང་པོ་བྱེད་འགྱུར་ཞིང་། །སྤོས་དང་མེ་ཏོག་གིས་ཀྱང་མཆོད་པར་འགྱུར། །དེ་ཡིས་ཐ་མ་ཡི་ནི་ལུས་ཐོབ་ནས། །ཡོངས་སུ་
D113.051.0057b04.01དག་པའི་ཞིང་དུ་རྒྱལ་བར་འགྱུར། །ཡེ་ཤེས་འདི་ཉིད་ཡོངས་སུ་རྫོགས་བྱས་ཏེ། །སྲོག་ཆགས་བྱེ་བ་སྟོང་ལ་འཆད་པར་བྱེད། །ལྷར་བཅས་འཇིག་རྟེན་དག་ན་བཀུར་སྟི་བྱས། །འོད་བྱེད་གཙོ་བོ་བཅོམ་ལྡན་འདས་སུ་འགྱུར། །དེ་མིང་འཛམ་བུའི་ཆུ་བོ་གསེར་གྱི་འོད། །ལྷ་མི་བྱེ་བ་དག་
D113.051.0057b05.01ཀྱང་ཤིན་ཏུ་སྒྲོལ། །བྱང་ཆུབ་སེམས་དཔའ་དེ་བཞིན་ཉན་ཐོས་མང་། །སངས་རྒྱས་ཞིང་དེར་ཚད་མེད་གྲངས་མེད་དེ། །ཐམས་ཅད་འབྱུང་དང་འཇིགས་པ་རབ་སྤངས་ནས། །སངས་རྒྱས་བསྟན་པ་མཛེས་པར་བྱེད་པར་འགྱུར། །དེ་ནས་བཅོམ་ལྡན་འདས་ཀྱིས་ཐམས་ཅད་དང་ལྡན་
D113.051.0057b06.01པའི་དགེ་སློང་གི་དགེ་འདུན་ལ་བཀའ་སྩལ་པ། དགེ་སློང་དག་ཁྱེད་མོས་པར་བྱ་ཁོང་དུ་ཆུད་པར་བྱའོ། །ང་ཡི་ཉན་ཐོས་གནས་བརྟན་མཽད་གལ་གྱི་བུ་ཆེན་པོ་འདི། སངས་རྒྱས་ཉི་ཁྲི་བརྒྱད་སྟོང་མཉེས་པར་བྱེད་པར་འགྱུར་ཏེ། སངས་རྒྱས་བཅོམ་ལྡན་འདས་དེ་དག་ལ་རྣམ་པ་མང་
D113.051.0057b07.01