完整藏文原文 · 德格版页 当前仅加载第 51 函德格 171a 版页；藏文 NFD、目录标记与异常页序保留在来源切片中，重复版页行以稳定序号区分。
བུ་དག་ཁྱེད་ཀྱི་སྟོན་པ་སུ། ཁྱེད་སུའི་སློབ་མ་ཞེས་སྨྲས་སོ། །རིགས་ཀྱི་བུ་དག་དེ་ནས་ཁྱེའུ་དེ་གཉིས་ཀྱིས་རྒྱལ་པོ་དགེ་བ་བཀོད་པ་ལ་འདི་སྐད་ཅེས་སྨྲས་སོ། །རྒྱལ་པོ་ཆེན་པོ་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་
D113.051.0171a01.01པའི་སངས་རྒྱས་འབྲུག་སྒྲ་དབྱངས་སྙན་སྐར་མའི་རྒྱལ་པོ་མེ་ཏོག་ཀུན་ཏུ་རྒྱས་པ་དེ་བཞུགས་ཏེ་འཚོ་ཞིང་གཞེས་ལ་རིན་པོ་ཆེའི་ཤིང་བྱང་ཆུབ་ཀྱི་ཤིང་དྲུང་ན་ཆོས་ཀྱི་གདན་ལ་བཞུགས་ཏེ། ལྷ་དང་བཅས་བདུད་དང་བཅས་ཚངས་པ་དང་བཅས་པའི་འཇིག་རྟེན་གྱི་མདུན་ན་དམ་པའི་
D113.051.0171a02.01ཆོས་པད་མ་དཀར་པོའི་ཆོས་ཀྱི་རྣམ་གྲངས་རྒྱས་པར་རབ་ཏུ་འཆད་པའི་བཅོམ་ལྡན་འདས་དེ་ནི་བདག་ཅག་གི་སྟོན་པ་སྟེ། རྒྱལ་པོ་ཆེན་པོ་བདག་ཅག་ནི་དེའི་སློབ་མའོ། །རིགས་ཀྱི་བུ་དག་དེ་ནས་རྒྱལ་པོ་དགེ་བ་བཀོད་པས་ཁྱེའུ་དེ་གཉིས་ལ་འདི་སྐད་ཅེས་སྨྲས་སོ། །རིགས་
D113.051.0171a03.01ཀྱི་བུ་དག་ཁྱེད་ཀྱི་སྟོན་པ་ལྟ་ཞིང་བཅོམ་ལྡན་འདས་དེའི་དྲུང་དུ་བདག་ཀྱང་འགྲོའོ། །རིགས་ཀྱི་བུ་དག་དེ་ནས་ཁྱེའུ་དེ་གཉིས་བར་སྣང་དེ་ལས་བབས་ནས། བདག་ཅག་སྐྱེད་པའི་མ་ག་ལ་བ་དེར་སོང་སྟེ་ཕྱིན་ནས་སོར་མོ་བཅུའི་ཐལ་མོ་སྦྱར་ཏེ། བདག་ཅག་སྐྱེད་པའི་མ་
D113.051.0171a04.01ལ་འདི་སྐད་ཅེས་སྨྲས་སོ། །ཡུམ་བདག་ཅག་གི་ཡབ་འདི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་བཏུལ་ལགས་སོ། །བདག་ཅག་གིས་ཡབ་ཀྱི་སྟོན་པའི་བགྱི་བ་བགྱིས་སོ། །བདག་ཅག་བཅོམ་ལྡན་འདས་དེ་ལས་རབ་ཏུ་འབྱུང་ན་ཡུམ་ད་ནི་བདག་ཅག་གཏང་བའི་
D113.051.0171a05.01རིགས་སོ། །རིགས་ཀྱི་བུ་དག་དེ་ནས་ཁྱེའུ་དྲི་མ་མེད་པའི་སྙིང་པོ་དང་ཁྱེའུ་དྲི་མ་མེད་པའི་མིག་གིས། དེའི་ཚེ་བདག་ཅག་སྐྱེད་པའི་མ་ལ་ཚིགས་སུ་བཅད་པ་འདི་དག་སྨྲས་སོ། །ཁྱིམ་མེད་རབ་ཏུ་འབྱུང་བར་ནི། །ཡུམ་གྱིས་བདག་ཅག་གནང་བར་མཛོད། །དེ་
D113.051.0171a06.01བཞིན་གཤེགས་པ་རྙེད་པར་དཀའ། །བདག་ཅག་རབ་ཏུ་འབྱུང་བར་བགྱི། །ཨུ་དུམ་བཱ་རའི་མེ་ཏོག་བཞིན། །རྒྱལ་བ་ཤིན་ཏུ་རྙེད་པར་དཀའ། །དལ་བ་འབྱོར་པའང་རྙེད་དཀའ་བས། །རབ་ཏུ་འབྱུང་གིས་གཏང་དུ་གསོལ། །རྒྱལ་པོའི་ཆུང་མ་དྲི་མ་མེད་པས་བྱིན་
D113.051.0171a07.01