完整藏文原文 · 德格版页 当前仅加载第 51 函德格 179a 版页；藏文 NFD、目录标记与异常页序保留在来源切片中，重复版页行以稳定序号区分。
ལ་ཆགས་པ་དང་། ལྷུང་བཟེད་ལ་ཆགས་པར་མི་འགྱུར་རོ། །ཆོས་སྨྲ་བ་དེ་དག་དྲང་པོར་འགྱུར་རོ། །ཆོས་སྨྲ་བ་དེ་དག་རྣམ་པར་ཐར་པ་གསུམ་ཐོབ་པར་འགྱུར་རོ། །དེ་དག་གི་ཚེ་འདི་པ་བཟློག་པར་འགྱུར་རོ། །གང་དག་མདོ་སྡེ་འདི་ལྟ་བུ་འཛིན་པ་
D113.051.0179a01.01ཆོས་སྨྲ་བའི་དགེ་སློང་རྣམས་སྨོད་པར་བྱེད་པའི་སེམས་ཅན་དེ་དག་དམུས་ལོང་དུ་འགྱུར་རོ། །གང་དག་གིས་མདོ་སྡེ་འདི་ལྟ་བུ་འཛིན་པའི་དགེ་སློང་རྣམས་ལ་མི་སྙན་པ་བསྒྲགས་ན། དེ་དག་ཚེ་འདི་ཉིད་ལ་ལུས་ལ་ཤ་བཀྲ་འབྱུང་བར་འགྱུར་རོ། །གང་དག་མདོ་སྡེ་
D113.051.0179a02.01འདི་ལྟ་བུ་ཡི་གེར་འདྲི་བ་རྣམས་ལ་འཕྱ་བ་དང་བསྟིང་བ་དེ་དག་སོ་ཆག་པར་འགྱུར་རོ། །སོ་ཐགས་ངན་པར་འགྱུར་རོ། །མཆུ་མི་སྡུག་པར་འགྱུར་རོ། །སྣ་ལེབ་པར་འགྱུར་རོ། །ལག་པ་དང་རྐང་པ་ལོག་པར་འགྱུར་རོ། །མིག་ལོག་པར་འགྱུར་རོ། །ལུས་དྲི་མི་
D113.051.0179a03.01ཞིམ་པར་འགྱུར་རོ། །ལུས་ལ་འབྲས་དང་འབྲུམ་བུ་ཕྲ་མོ་དང་རྐང་ཤུ་དང་ཤུ་བ་དང་གཡན་པས་གང་བར་འགྱུར་རོ། །གང་དག་མདོ་སྡེ་འདི་ལྟ་བུ་འཛིན་པ་དང་། མདོ་སྡེ་འདི་ལྟ་བུ་ཡི་གེར་འདྲི་བ་དང་། མདོ་སྡེ་འདི་ལྟ་བུ་ཀློག་པ་དང་མདོ་སྡེ་འདི་ལྟ་བུ་འཆད་པ་རྣམས་
D113.051.0179a04.01ལ་མི་སྙན་པའི་ཚིག་བདེན་པའམ། མི་བདེན་པ་བསྒྲགས་ན་སྡིག་པའི་ལས་ཤིན་ཏུ་ལྕི་བར་རིག་པར་བྱའོ། །ཀུན་ཏུ་བཟང་པོ་དེ་བས་ན་ཆོས་ཀྱི་རྣམ་གྲངས་འདི་འཛིན་པའི་དགེ་སློང་ལ་རྒྱང་མ་ནས་ཀྱང་ལྡང་བར་བྱའོ། །ཇི་ལྟར་དེ་བཞིན་གཤེགས་པ་ལ་གུས་པར་བྱ་
D113.051.0179a05.01བ་དེ་བཞིན་དུ་མདོ་སྡེ་འདི་ལྟ་བུ་འཛིན་པའི་དགེ་སློང་དེ་དག་ལ་ཡང་གུས་པར་བྱའོ་ཀུན་ཏུ་བཟང་པོ་སྤྲོ་བར་བྱ་བའི་ལེའུ་འདི་བཤད་པ་ན། བྱང་ཆུབ་སེམས་དཔའ་སེམས་དཔའ་ཆེན་པོ་གང་གཱའི་ཀླུང་གི་བྱེ་མ་སྙེད་ཀྱིས་བྱེ་བ་བརྒྱ་སྟོང་དུ་འཁྱིལ་པ་ཞེས་བྱ་བའི་གཟུངས་ཐོབ་
D113.051.0179a06.01པར་འགྱུར་རོ། །དམ་པའི་ཆོས་པད་མ་དཀར་པོ་ལས་ཀུན་ཏུ་བཟང་པོས་སྤྲོ་བར་བྱ་བའི་ལེའུ་ཞེས་བྱ་བ་སྟེ་ཉི་ཤུ་རྩ་དྲུག་པའོ།། །།དེ་ནས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ཆོས་
D113.051.0179a07.01