完整藏文原文 · 德格版页 当前仅加载第 51 函德格 125b 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱས་ཡེ་ཤེས་ཆེད་ཀྱི་ཕྱིར། །རྫོགས་སངས་རྒྱས་ཀྱིས་བསྔགས་དག་ཅིང་། །མ་ཉམས་ཡང་དག་བསྟོད་པ་ཡི། །ཚུལ་ཁྲིམས་ཕྱིར་ཞིང་སྲུང་བར་བྱེད། །ཕྱིར་ཞིང་བཟོད་པ་སྒོམ་པར་བྱེད། །འདུལ་བའི་ས་ལ་རབ་ཏུ་གནས། །བརྟན་དང་ལྡན་ཞིང་དྲན་དང་ལྡན། །ཁ་ངན་
D113.051.0125b01.01མང་པོ་བཟོད་པར་བྱེད། །དམིགས་པ་ཅན་གྱི་སེམས་ཅན་དག །ང་རྒྱལ་དག་ལ་རབ་གནས་པས། །སྨད་པ་བྱས་པ་དེ་དག་ཀྱང་། །སངས་རྒྱས་ཡེ་ཤེས་ཕྱིར་བཟོད་དོ། །བརྩོན་འགྲུས་ལ་ནི་རྟག་ཏུ་འབད། །དྲན་པ་བརྟན་ཞིང་མངོན་པར་བརྩོན། །ཡིད་ལ་གཞན་དུ་རྟོག་པ་
D113.051.0125b02.01མེད། །བསྐལ་པ་བྱེ་བར་དེ་བཞིན་གྱུར། །དགོན་པའི་གནས་ན་རབ་ཏུ་འདུག །འཆག་སར་མངོན་པར་སོང་ནས་སུ། །གཉིད་དང་རྨུགས་པ་རབ་སྤངས་ཏེ། །བསྐལ་པ་བྱེ་བར་དེ་དག་སྤྱོད། །བསམ་གཏན་བསམ་གཏན་ཆེན་པོ་པ། །བསམ་གཏན་དགའ་ཞིང་མཉམ་
D113.051.0125b03.01པར་གཞག །བསྐལ་པ་བྱེ་བ་སྟོང་ཕྲག་བརྒྱད། །དེ་ལས་མི་ཉུང་བསམ་གཏན་བྱེད། །དཔའ་བོ་དེ་ནི་བསམ་གཏན་དེས། །ཐམས་ཅད་མཁྱེན་པར་བདག་བསྒྱུར་ཞེས། །བྱང་ཆུབ་དམ་པ་དོན་དུ་གཉེར། །བསམ་གཏན་དག་གི་ཕ་རོལ་སོང་། །བསྐལ་པ་བྱེ་བ་ཕྲག་
D113.051.0125b04.01སྟོང་དུ། །བྱ་བ་འདི་ལ་རབ་གནས་པའི། །དེ་དག་བསོད་ནམས་གང་ཡིན་པ། །གང་སྔར་ཡོངས་སུ་བསྒྲགས་པ་བས། །སྐྱེས་པ་རྣམས་སམ་བུད་མེད་དག །གང་གིས་ང་ཡི་ཚེ་ཐོས་ནས། །སྐད་ཅིག་དད་པར་བྱེད་པ་ཡང་། །བསོད་ནམས་དེ་ནི་མཐའ་ཡས་སོ། །
D113.051.0125b05.01གཡོ་བ་དང་ནི་རློམ་སེམས་དང་། །ཐེ་ཚོམ་དག་ཀྱང་རྣམ་སྤངས་ཏེ། །ཡུད་ཙམ་ཤིན་ཏུ་མོས་པ་ཡང་། །དེ་ཡི་འབྲས་བུ་འདི་འདྲའོ། །བསྐལ་པ་བྱེ་བར་སྤྱོད་པ་ཡི། །བྱང་ཆུབ་སེམས་དཔའ་གང་ཡིན་པ། །ང་ཚེ་བསམ་གྱིས་མི་ཁྱབ་པ། །འདི་ཐོས་དེ་དག་མི་སྤང་ངོ་། །སྤྱི་
D113.051.0125b06.01བོ་ཡིས་ཀྱང་ཕྱག་འཚལ་ཏེ། །མ་འོངས་པ་ཡི་དུས་ན་ཡང་། །བདག་ཅག་འདི་འདྲར་རབ་གྱུར་ཅིག །སྲོག་ཆགས་བྱེ་བ་བསྒྲལ་བར་བགྱི། །ཇི་ལྟར་མགོན་པོ་ཤཱཀྱ་ཐུབ། །ཐུབ་ཆེན་ཤཱཀྱ་སེང་གེ་ཡིས། །བྱང་ཆུབ་སྙིང་པོར་བཞུགས་ནས་སུ། །སེང་གེའི་སྒྲ་འདི་བསྒྲགས་
D113.051.0125b07.01