完整藏文原文 · 德格版页 当前仅加载第 51 函德格 130b 版页；藏文 NFD、目录标记与异常页序保留在来源切片中，重复版页行以稳定序号区分。
པའི་ལྔ་བཅུ་པའི་མིས། ཆོས་ཀྱི་རྣམ་གྲངས་འདི་ལས་ཚིགས་སུ་བཅད་པ་གཅིག་གམ་ཚིག་གཅིག་ཐོས་ནས་རྗེས་སུ་ཡི་རང་བ་ནི་ཆེས་མང་སྟེ། མ་ཕམ་པ་རྗེས་སུ་ཡི་རང་བ་དང་ལྡན་པའི་བསོད་ནམས་མངོན་པར་འདུ་བྱེད་པ་དང་དགེ་བ་མངོན་པར་འདུ་བྱེད་པ་འདིའི་མདུན་ན། སྔ་མའི་
D113.051.0130b01.01སྦྱིན་པ་དང་ལྡན་པ་དང་དགྲ་བཅོམ་པ་ཉིད་ལ་བཀོད་པ་དང་ལྡན་པའི་བསོད་ནམས་མངོན་པར་འདུ་བྱེད་པ་དེས་བརྒྱའི་ཆར་ཡང་ཉེ་བར་མི་འགྲོ། སྟོང་གི་ཆར་ཡང་བརྒྱ་སྟོང་གི་ཆར་ཡང་བྱེ་བའི་ཆར་ཡང་བྱེ་བ་བརྒྱའི་ཆར་ཡང་བྱེ་བ་སྟོང་གི་ཆར་ཡང་བྱེ་བ་བརྒྱ་སྟོང་གི་ཆར་ཡང་བྱེ་བ་ཁྲག་ཁྲིག་བརྒྱ་
D113.051.0130b02.01སྟོང་གི་ཆར་ཡང་ཉེ་བར་མི་འགྲོ་སྟེ། བགྲང་བར་ཡང་ཆར་ཡང་གྲངས་སུ་ཡང་དཔེར་ཡང་རྒྱུར་ཡང་མི་བཟོད་དོ། །མ་ཕམ་པ་དེ་ལྟར་ལྔ་བཅུ་པའི་མི་དེ་ཐ་ན་ཆོས་ཀྱི་རྣམ་གྲངས་འདི་ལས་ཚིགས་སུ་བཅད་པ་གཅིག་གམ་ཚིག་གཅིག་ལ་རྗེས་སུ་ཡི་རང་བ་ཡང་། བསོད་ནམས་འདི་སྙེད་
D113.051.0130b03.01སྐྱེད་ན་མ་ཕམ་པ་གང་གིས་ངའི་མངོན་སུམ་དུ་ཆོས་ཀྱི་རྣམ་གྲངས་འདི་མཉན་ཏེ་ཐོས་ནས་རྗེས་སུ་ཡི་རང་བ་ལྟ་ཅི་སྨོས་ཏེ། མ་ཕམ་པ་དེའི་བསོད་ནམས་མངོན་པར་འདུ་བྱེད་པ་ནི་(ཆས་,ཆེས་)དཔག་ཏུ་མེད་ཆེས་གྲངས་མེད་ཅེས་ངས་བཤད་དོ། །མ་ཕམ་པ་ཡང་རིགས་ཀྱི་བུའམ་རིགས་ཀྱི་བུ་མོ་
D113.051.0130b04.01གང་གིས་ཆོས་ཀྱི་རྣམ་གྲངས་འདི་མཉན་པའི་ཕྱིར། བདག་གི་ཁྱིམ་ནས་བྱུང་སྟེ། གཙུག་ལག་ཁང་དུ་སོང་ལ། དེ་ཕྱིན་ནས་དེར་འགྲེང་ངམ་འདུག་སྟེ་ཆོས་ཀྱི་རྣམ་གྲངས་འདི་ཡུད་ཙམ་མཉན་ན། སེམས་ཅན་དེ་བསོད་ནམས་མངོན་པར་འདུ་བྱ་བ་དེ་ཙམ་བྱས་ཤིང་བསགས་
D113.051.0130b05.01པས། དེ་ཚེ་རྗེས་ནས་ལུས་ཕྱི་མ་དང་བདག་གི་ངོ་བོ་ཕྱི་མ་ཐོབ་པ་ལ་གླང་གི་ཤིང་རྟ་འཐོབ་པར་འགྱུར་རོ། །རྟའི་ཤིང་རྟ་དང་། གླང་པོ་ཆེའི་ཤིང་རྟ་དང་། ཁྱོགས་ཀྱི་བཞོན་པ་དང་། གྲུའི་བཞོན་པ་དང་། ཁྱུ་མཆོག་གི་བཞོན་པ་དང་། ལྷའི་གཞལ་མེད་ཁང་ཐོབ་པར་འགྱུར་རོ། །
D113.051.0130b06.01གལ་ཏེ་ཡང་མདོའི་ཆོས་སྒྲོག་པ་དེར་ཡུད་ཙམ་ཞིག་འདུག་སྟེ། ཆོས་ཀྱི་རྣམ་གྲངས་འདི་ཉན་ཏམ་ཕ་རོལ་འདུག་ཏུ་བཅུག་གམ་སེམས་ཅན་གཞན་ལ་སྟན་བགོས་ན། བསོད་ནམས་མངོན་པར་འདུ་བྱེད་པ་དེས། བརྒྱ་བྱིན་གྱི་སྟན་དང་། ཚངས་པའི་སྟན་དང་། འཁོར་ལོས་
D113.051.0130b07.01