完整藏文原文 · 德格版页 当前仅加载第 51 函德格 178b 版页；藏文 NFD、目录标记与异常页序保留在来源切片中，重复版页行以稳定序号区分。
པན་པ་ལ་དགའ་བར་མི་འགྱུར་རོ། །དེ་དག་སྙན་དང་གསལ་ཞུགས་པའི་སེམས་ཅན་རྣམས་ལ་དགའ་བར་མི་འགྱུར་རོ། །དེ་དག་གར་བྱེད་པ་དང་རོལ་མོ་བྱེད་པ་དང་། གྱད་དང་ཤ་འཚོང་བ་དང་ཤན་པ་དང་བྱ་གག་འཚོང་བ་དང་ཕག་འཚོང་བ་དང་བུད་མེད་
D113.051.0178b01.01དག་གསོ་བའི་སེམས་ཅན་རྣམས་ལ་དགའ་བར་མི་འགྱུར་རོ། །མདོ་སྡེ་འདི་ལྟ་བུ་ཐོས་པ་དང་ཡི་གེར་བྲིས་པ་དང་། འཛིན་པ་དང་བཀླགས་པ་དེ་དག་གཞན་ལ་སྲེད་པར་མི་འགྱུར་རོ། །སེམས་ཅན་དེ་དག་ཆོས་ཀྱི་ངོ་བོ་ཉིད་དང་ལྡན་པར་འགྱུར་རོ། །དེ་དག་
D113.051.0178b02.01སོ་སོའི་བདག་ཉིད་ཚུལ་བཞིན་ཡིད་ལ་བྱེད་པར་འགྱུར་རོ། །རང་གི་བསོད་ནམས་ཀྱི་སྟོབས་བསྐྱེད་པར་འགྱུར་རོ། །དེ་དག་སེམས་ཅན་རྣམས་ཀྱིས་མཐོང་ན་དགའ་བར་འགྱུར་རོ། །དགེ་སློང་གང་དག་མདོ་སྡེ་འདི་ལྟ་བུ་འཛིན་པ་དེ་དག་འདོད་ཆགས་ཀྱིས་
D113.051.0178b03.01གཟིར་བར་མི་འགྱུར་རོ། །ཞེ་སྡང་མེད་པ་དང་གཏི་མུག་མེད་པ་དང་སེར་སྣ་མེད་པ་དང་འཆབ་པ་མེད་པ་དང་། ང་རྒྱལ་མེད་པ་དང་ཆེ་བའི་ང་རྒྱལ་མེད་པ་དང་ལོག་པའི་ང་རྒྱལ་མེད་པར་འགྱུར་རོ། །ཀུན་ཏུ་བཟང་པོ་ཆོས་སྨྲ་བ་དེ་དག་བདག་གི་རྙེད་པས་ཆོག་
D113.051.0178b04.01ཤེས་པར་འགྱུར་རོ། །ཀུན་ཏུ་བཟང་པོ་གང་གིས་ཕྱི་མའི་དུས་ཕྱི་མའི་ཚེ་ལྔ་བརྒྱ་པ་ཐ་མ་ལ། དམ་པའི་ཆོས་པད་མ་དཀར་པོའི་ཆོས་ཀྱི་རྣམ་གྲངས་འདི་འཛིན་པའི་དགེ་སློང་མཐོང་ན། འདི་སྙམ་དུ་རིགས་ཀྱི་བུ་འདི་ནི་བྱང་ཆུབ་ཀྱི་སྙིང་པོར་འགྲོ་བར་འགྱུར་
D113.051.0178b05.01རོ། །རིགས་ཀྱི་བུ་འདི་ནི་བདུད་ཀྱི་ཐབ་མོའི་ཚོགས་ལས་རྒྱལ་བར་འགྱུར་རོ། །རིགས་ཀྱི་བུ་འདི་ནི་ཆོས་ཀྱི་འཁོར་ལོ་སྐོར་བར་འགྱུར་རོ། །འདི་ནི་ཆོས་ཀྱི་རྔ་རྡུང་བར་འགྱུར་རོ། །འདི་ནི་ཆོས་ཀྱི་དུང་འབུད་པར་འགྱུར་རོ། །འདི་ནི་ཆོས་ཀྱི་ཆར་རབ་
D113.051.0178b06.01ཏུ་འབེབས་པར་འགྱུར་རོ། །འདི་ནི་ཆོས་ཀྱི་སེང་གེའི་ཁྲི་ལ་འདུག་པར་འགྱུར་རོ། །སྙམ་དུ་སེམས་བསྐྱེད་པར་བྱའོ། །གང་དག་ཕྱི་མའི་དུས་ཕྱི་མའི་ཚེ་ལྔ་བརྒྱ་པ་ཐ་མ་ལ། ཆོས་ཀྱི་རྣམ་གྲངས་འདི་འཛིན་པའི་དགེ་སློང་དེ་དག་བརྐམ་པར་མི་འགྱུར་རོ། །ཆོས་གོས་
D113.051.0178b07.01