完整藏文原文 · 德格版页 当前仅加载第 51 函德格 36a 版页；藏文 NFD、目录标记与异常页序保留在来源切片中，重复版页行以稳定序号区分。
ཏེ། །དཀར་{བཟངས་,བཟང་}བཅོས་བུའི་རས་རྣམས་ཤིན་ཏུ་བཏིང་། །དེ་ན་དེ་བཞིན་འཇམ་པའི་དར་རྣམས་དང་། །ཤིང་རྟ་དེ་ལ་ཤིང་བལ་མཆོག་ཀྱང་བཏིང་། །གོས་རབ་ཀོ་ཏམ་བ་མཆོག་ངང་པའི་མཚན། །བྱེ་བ་ཕྲག་སྟོང་རི་བ་རྣམས་ཀྱིས་གཡོགས། །
D113.051.0036a01.01རིན་ཆེན་ཤིང་རྟ་བཅས་པ་དེ་དག་ནི། །གླང་པོ་དཀར་ཞིང་ཚོ་ལ་སྟོབས་དང་ལྡན། །བལྟ་ན་སྡུག་ཅིང་ཤིན་ཏུ་བོང་ཡང་ཆེ། །སྐྱེས་བུ་དམ་པ་དག་གིས་རབ་ཏུ་བརྟེན། །སྐྱེས་བུ་དེ་ནི་བུ་རྣམས་ཐམས་ཅད་ལ། །དེ་ལྟ་བུ་ཡི་ཤིང་རྟ་མཆོག་བྱིན་ཏེ། །དེས་ནི་དེ་དག་དགའ་ཞིང་
D113.051.0036a02.01རངས་ནས་སུ། །ཕྱོགས་དང་ཕྱོགས་མཚམས་དག་ཏུ་རྩེ་ཞིང་དོང་། །དེ་བཞིན་དྲང་སྲོང་ང་ཡང་ཤཱ་རིའི་བུ། །སེམས་ཅན་རྣམས་ཀྱི་སྐྱབས་དང་ཕ་ཡིན་ཏེ། །སྲོག་ཆགས་འདི་དག་ཐམས་ཅད་ང་ཡི་བུ། །བྱིས་པ་དག་ནི་ཁམས་གསུམ་འདོད་ལ་ཆགས། །ཁམས་
D113.051.0036a03.01གསུམ་དག་ནི་ཁང་པ་དེ་འདྲ་སྟེ། །སྡུག་བསྔལ་ཤིན་ཏུ་མི་བཟད་བརྒྱ་ཡིས་དཀྲུགས། །ན་བ་དང་ནི་སྐྱེ་རྒ་དུ་མ་རྒྱས། །མ་ལུས་ཐམས་ཅད་ནས་ཀྱང་རབ་ཏུ་འབར། །ང་ནི་ཁམས་གསུམ་དག་ལས་ཐར་ཅིང་ཞི། །ནགས་ཚལ་དག་ན་གནས་ཤིང་དབེན་པར་འདུག །ངས་
D113.051.0036a04.01ནི་ཁམས་གསུམ་འདི་དག་ཡོངས་བཟུང་སྟེ། །འདི་ན་གང་རྣམས་སྲེག་པ་ང་ཡི་བུ། །ང་ཉིད་དེ་ཡི་སྐྱབས་སུ་རིག་ནས་སུ། །དེ་ལ་ཉེས་པ་དག་ནི་ངས་བསྟན་ཏེ། །འདི་ལྟར་འདོད་ལ་རྣམ་པར་ཆགས་པའི་བློ། །བྱིས་པ་འདི་ཀུན་ང་ཡི་མི་ཉན་ཏོ། །ཐབས་ལ་མཁས་པ་དག་ནི་ངས་
D113.051.0036a05.01སྦྱར་ཏེ། །དེ་དག་ལ་ཡང་ཐེག་པ་གསུམ་དུ་བཤད། །ཁམས་གསུམ་དག་གི་ཉེས་པ་མང་མཁྱེན་ནས། །གདོན་པར་བྱ་བའི་ཕྱིར་ནི་ཐབས་བཤད་དོ། །བུ་གང་ང་ལ་རྟེན་པར་གྱུར་པ་དག །མངོན་ཤེས་དྲུག་དང་གསུམ་རིག་མཐུ་ཆེན་དང་། །འདི་ན་རང་རྒྱལ་རྣམས་ནི་
D113.051.0036a06.01གང་ཡོད་དང་། །ཕྱིར་མི་ལྡོག་པའི་བྱང་ཆུབ་སེམས་དཔའ་གང་། །ངས་ནི་བུ་འདྲར་མཁས་པ་དེ་དག་ལ། །དེ་ཡི་ཚེ་ན་དཔེ་མཆོག་འདི་དག་གིས། །སངས་རྒྱས་ཐེག་པ་གཅིག་པུ་འདི་བཤད་དེ། །ཐམས་ཅད་རྒྱལ་བར་འགྱུར་གྱིས་འདི་ཟུང་ཤིག །སངས་རྒྱས་རྐང་
D113.051.0036a07.01