完整藏文原文 · 德格版页 当前仅加载第 51 函德格 25a 版页；藏文 NFD、目录标记与异常页序保留在来源切片中，重复版页行以稳定序号区分。
ལྟ་བུའི་ཆོས་ནི་བཅོམ་ལྡན་འདས་ལས་བདག་གིས་མ་ཐོས་ལ། བདག་དེ་བཞིན་གཤེགས་པའི་ཡེ་ཤེས་གཟིགས་པ་འདི་ལྟ་བུ་ལས་ཉམས་སོ་སྙམ་ནས་ཤིན་ཏུ་མྱ་ངན་དུ་གྱུར། ཤིན་ཏུ་ཡོངས་སུ་གདུང་བར་གྱུར་པའི་སླད་དུའོ། །བཅོམ་ལྡན་འདས་བདག་རི་དང་རི་སུལ་
D113.051.0025a01.01དང་ནགས་ཁྲོད་དང་ཀུན་དགའ་ར་བ་དང་། ཆུ་འགྲམ་དང་ཤིང་དྲུང་དབེན་པར་གདུགས་ལ་གནས་པའི་སླད་དུ་རྟག་པར་ནམ་མཆི་བ་དེའི་ཚེ་ཡང་བཅོམ་ལྡན་འདས་འདི་ལྟར་ཆོས་ཀྱི་དབྱིངས་ལ་འཇུག་པར་མཚུངས་ན། བཅོམ་ལྡན་འདས་ཀྱིས་བདག་ཅག་ཐེག་པ་དམན་པ་བས་ངེས་པར་བཏོན་
D113.051.0025a02.01པ་སྙམ་དུ་གནས་པ་དེ་ལྟ་བུའི་མང་དུ་གནས་ཏེ། བཅོམ་ལྡན་འདས་དེ་ཡང་བདག་ཅག་གིས་ནོངས་ཀྱིས། བཅོམ་ལྡན་འདས་ཀྱིས་མ་ནོངས་སོ་ཞེས་དེའི་ཚེ་བདག་དེ་སྙམ་དུ་སེམས་སོ། །དེ་ཅིའི་སླད་དུ་ཞེ་ན། གང་འདི་བཅོམ་ལྡན་འདས་ཀྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་
D113.051.0025a03.01ལས་བརྩམས་ཏེ། ཡང་དག་ཕུལ་གྱི་ཆོས་བསྟན་པ་གསུང་བ་བདག་ཅག་གིས་བསྙད་ན་ནི། བཅོམ་ལྡན་འདས་བདག་ཅག་ཀྱང་ཆོས་འདི་ཉིད་ལ་ངེས་པར་འབྱུང་བར་འགྱུར་བ་ཞིག་ན། བཅོམ་ལྡན་འདས་བྱང་ཆུབ་སེམས་དཔའ་མ་ཚོགས་པར། བཅོམ་ལྡན་འདས་ཀྱིས་ལྡེམ་པོར་
D113.051.0025a04.01དགོངས་ཏེ་བཤད་པ་དེ་བདག་ཅག་གིས་མ་རྟོགས་ཏེ། {རིངས་,རིང་}ཐབས་སུ་དེ་བཞིན་གཤེགས་པས་ཆོས་བསྟན་པ་ཐོག་མར་གསུངས་པ་ཉིད་ཐོས་ནས་གཟུང་ཞིང་བསྒོམས་ཏེ་བསམས་ཤིང་ཡིད་ལ་བཟུང་བས། བཅོམ་ལྡན་འདས་བདག་ཉིད་ལ་བདག་གིས་དེ་ལྟར་འགྱོད་པས་མང་དུ་གདུགས་
D113.051.0025a05.01མཚན་བས་པར་འགྱུར་རོ། །བཅོམ་ལྡན་འདས་རྨད་དུ་བྱུང་བའི་ཆོས་ཀྱི་སྒྲ་སྔོན་མ་ཐོས་པ་འདི་ལྟ་བུ་བཅོམ་ལྡན་འདས་ལས་ཐོས་པས། བཅོམ་ལྡན་འདས་དེང་བདག་མྱ་ངན་ལས་འདས་པ་ཐོབ་སྟེ། བཅོམ་ལྡན་འདས་དེང་བདག་བསིལ་བར་གྱུར་ཏོ། །བཅོམ་ལྡན་འདས་དེང་བདག་
D113.051.0025a06.01ཡོངས་སུ་མྱ་ངན་ལས་འདས་སོ། །བཅོམ་ལྡན་འདས་དེང་བདག་གིས་དགྲ་བཅོམ་པ་ཐོབ་བོ། །བཅོམ་ལྡན་འདས་དེང་བདག་བཅོམ་ལྡན་འདས་ཀྱི་སྲས་ཐུ་བོ། །ཐུགས་ཀྱི་སྲས་ཞལ་ནས་སྐྱེས་པ་ཆོས་ལས་སྐྱེས་པ། ཆོས་ཀྱི་སྤྲུལ་པ། ཆོས་ཀྱི་བགོ་སྐལ་ལ་སྤྱོད་པ་ཆོས་ཀྱིས་གྲུབ་པ་
D113.051.0025a07.01