完整藏文原文 · 德格版页 当前仅加载第 63 函德格 8a 版页；藏文 NFD、目录标记与异常页序保留在来源切片中，重复版页行以稳定序号区分。
མེད། སེམས་ཅན་མེད། སྲོག་མེད། གསོ་བ་མེད། སྐྱེས་བུ་མེད། གང་ཟག་མེད། ཤེད་ལས་སྐྱེས་མེད། ཤེད་བུ་མེད། བརྟན་པ་མེད། དྲི་ཟ་མེད། དངོས་པོ་མེད། དངོས་པོ་མ་ཡིན་པ་མེད། འགོག་པ་མེད། མི་འགོག་པ་མེད། ཐོབ་པ་མེད།
D220.063.0008a01.01མ་ཐོབ་པ་མེད། འཕོ་བ་མེད། གནོན་པ་མེད། སྐྱེ་བ་མེད། འབྱུང་བ་མེད། འདས་པ་མེད། མ་འོངས་པ་མེད། ད་ལྟར་བྱུང་བ་མེད། སྐྱེ་བ་མེད། རྒ་བ་མེད། ན་བ་མེད། འཆི་བ་མེད། མྱ་ངན་མེད། སྨྲེ་སྔགས་འདོན་པ་མེད། སྡུག་བསྔལ་བ་དང་། ཡིད་མི་བདེ་
D220.063.0008a02.01བ་དང་། འཁྲུག་པ་རྣམས་མེད། མངོན་པར་རྫོགས་པར་བྱང་ཆུབ་པ་མེད། མངོན་པར་རྫོགས་པར་བྱང་མ་ཆུབ་པ་མེད། སྔོན་གྱི་མཐའ་མེད། ཕྱི་མའི་མཐའ་མེད། དབུས་མེད། ཞི་བ་མེད། དུལ་བ་མེད། བྲི་བ་མེད། འཕེལ་བ་མེད། འཇུག་པ་མེད། བཏགས་པ་མེད།
D220.063.0008a03.01མ་བཏགས་པ་མེད། བཏགས་པ་དང་མ་བཏགས་པ་མེད། ནམ་མཁའ་མེད། མངོན་པར་སྐབས་ཡོད་པ་མེད། ཡིད་བྱུང་བ་མེད། འདོད་ཆགས་དང་བྲལ་བ་མེད། འགོག་པ་མེད། མྱ་ངན་ལས་འདས་པ་མེད་དོ། །དེ་ཅིའི་ཕྱིར་ཞེ་ན། ཤཱ་རིའི་བུ་འདི་ལྟར་དེ་བཞིན་གཤེགས་
D220.063.0008a04.01པས་ཆོས་འགའ་ཡང་མ་དམིགས་པ་གང་ཡིན་པ་ནི་མྱ་ངན་ལས་འདས་པ་ཡིན་ནོ། །དེ་བཞིན་གཤེགས་པས་ཐ་སྙད་འགའ་ཡང་མ་དམིགས་པ་གང་ཡིན་པ་ནི་མྱ་ངན་ལས་འདས་པ་ཡིན་ནོ། །དེ་བཞིན་གཤེགས་པས་དངོས་པོ་འགའ་ཡང་མ་དམིགས་པ་གང་ཡིན་པ་ནི་མྱ་ངན་ལས་
D220.063.0008a05.01འདས་པ་ཡིན་ནོ། །ཤཱ་རིའི་བུ་འདི་ལྟར་དེ་བཞིན་གཤེགས་པ་ནི་མྱ་ངན་ལས་འདས་པ་ལ་རློམ་སེམས་མི་མངའ། མྱ་ངན་ལས་འདས་པས་རློམ་སེམས་སུ་མི་མཛད། མྱ་ངན་ལས་འདས་པ་རྣམས་ཀྱིས་རློམ་སེམས་སུ་མི་མཛད། མྱ་ངན་ལས་འདས་པ་ལ་མངོན་པར་ཞེན་པ་མི་མངའ།
D220.063.0008a06.01མྱ་ངན་ལས་འདས་པ་ལ་མངོན་པར་དགའ་བར་མི་མཛད་དོ། །ཤཱ་རིའི་བུ་དེ་ལྟ་བས་ན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ནས་འདི་ལྟ་སྟེ། འདུས་བྱས་ཐམས་ཅད་མངོན་པར་འདུ་བྱེད་པ་མེད་པ་དང་། འབྱུང་བ་མེད་པ་དང་།
D220.063.0008a07.01