完整藏文原文 · 德格版页 当前仅加载第 63 函德格 59a 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱིར་རོ། །ཤཱ་རིའི་བུ་བྱིས་པ་སོ་སོའི་སྐྱེ་བོ་ཐམས་ཅད་ནི་ཕལ་ཆེར་བདག་ཏུ་སྨྲ་བ་ལ་མངོན་པར་ཞེན་པ་ཡིན་ཏེ། དེ་བཞིན་དུ་སེམས་ཅན་དུ་སྨྲ་བ་དང་། སྲོག་ཏུ་སྨྲ་བ་དང་། གང་ཟག་ཏུ་སྨྲ་བ་ལ་མངོན་པར་ཞེན་པ་ཡིན་ནོ། །ཤཱ་རིའི་བུ་དེ་ལྟ་བས་ན་ལོག་པའི་ལྟ་བ་དང་ལྡན་པ་ཐམས་ཅད་
D220.063.0059a01.01ཡོངས་སུ་མྱ་ངན་ལས་འདའ་བར་འགྱུར་རོ། །ཤཱ་རིའི་བུ་གང་ཞིག་འདི་སྙམ་དུ་གང་ཟག་ཏུ་ལྟ་བ་མ་སྤངས་པ་ལ་ཡོངས་སུ་མྱ་ངན་ལས་འདའ་བར་འགྱུར་བ་ཡོད་དོ་སྙམ་ན། དེ་ལྟ་ན་ནི་བྱིས་པ་སོ་སོའི་སྐྱེ་བོ་ཐམས་ཅད་འཕགས་པའི་ལམ་དང་ལྡན་པར་འགྱུར་ཏེ། དེ་དག་གི་འཕགས་པའི་ལམ་མ་ཚང་བ་
D220.063.0059a02.01མེད་པའི་ཕྱིར་རོ། །ཤཱ་རིའི་བུ་གང་ཞིག་འདི་སྙམ་དུ་ལོག་པའི་ལྟ་བ་ཡོངས་སུ་མྱ་ངན་ལས་འདའ་བར་འགྱུར་བ་ཡོད་དོ་སྙམ་དུ་སེམས་པ་དེའི་ལྟ་ན། དེའི་དེ་ཉིད་འཕགས་པའི་ལམ་ཡིན་པར་འགྱུར་ཏེ། དེའི་ཡིད་ལ་བྱེད་པ་གཞན་མ་རྙེད་པའི་ཕྱིར་རོ། །དེ་ཅིའི་ཕྱིར་ཞེ་ན། འདི་ལྟར་བྱིས་པ་སོ་སོའི་སྐྱེ་
D220.063.0059a03.01བོ་ཐམས་ཅད་ནི་གང་ཟག་ཏུ་ལྟ་བ་དང་མི་འགལ་བའི་ཕྱིར་རོ། །སྐྱེས་བུ་བླུན་པོ་དེ་དག་ནི་ཡང་སྐྱོན་འདི་འཐོབ་པར་འགྱུར་ཏེ། བྱིས་པ་སོ་སོའི་སྐྱེ་བོ་ཐམས་ཅད་འཕགས་པའི་ལམ་འཐོབ་པ་དང་། འཕགས་པའི་ལམ་ཐོབ་པ་རྣམས་ལམ་གོམས་པར་བྱ་བའི་ཕྱིར་ཀུན་གྱི་སྲོག་གཅོད་པར་བྱེད་པ་དང་།
D220.063.0059a04.01འདོད་པ་ལ་བསྟེན་པ་དང་། མཚམས་མེད་པ་བྱེད་པར་འགྱུར་རོ། །དེ་ལྟར་སྐྱེས་བུ་བླུན་པོ་དེ་དག་གི་འཕགས་པའི་ལམ་གང་ཡིན་པ་དེ་ནི་མཚམས་མེད་པ་ཡིན་པར་འགྱུར་རོ། །དེ་ཅིའི་ཕྱིར་ཞེ་ན། འདི་ལྟར་བྱིས་པ་སོ་སོའི་སྐྱེ་བོ་ཐམས་ཅད་ནི་གང་ཟག་ཏུ་སྨྲ་བ་ཡིན་པའི་ཕྱིར་རོ། །ཡང་ན་དེ་འདི་སྐད་
D220.063.0059a05.01ཅེས་མཚམས་མེད་པ་དང་ལྡན་པ་ལ་ནི་ཡོངས་སུ་མྱ་ངན་ལས་འདའ་བ་མེད་ཀྱི། གང་ཟག་ཏུ་སྨྲ་བ་ལ་ནི་ཡོངས་སུ་མྱ་ངན་ལས་འདའ་བ་ཡོད་དོ་ཞེས་སྨྲ་ན། དེ་ནི་{བརྫུན་,རྫུན་}གྱི་ཚིག་སྨྲ་བས་ང་ལ་ཡང་སྐུར་པ་འདེབས་པ་ཡིན་ཏེ། དེ་ནི་རབ་ཏུ་བྱུང་ཞིང་བསྙེན་པར་རྫོགས་ན་ཡང་དོན་མེད་པར་གྱུར་པ་ཡིན་
D220.063.0059a06.01ནོ། །ཤཱ་རིའི་བུ་ཁྱོད་ལ་གོ་བར་བྱའོ། །ཁོང་དུ་ཆུད་པར་བྱའོ། །དམིགས་པའི་འདུ་ཤེས་ཅན་ལ་ནི་ཡོངས་སུ་མྱ་ངན་ལས་འདའ་བ་མེད་དོ། །ཤཱ་རིའི་བུ་གལ་ཏེ་དམིགས་པའི་འདུ་ཤེས་ཅན་ཡོངས་སུ་མྱ་ངན་ལས་འདས་པར་གྱུར་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་
D220.063.0059a07.01