完整藏文原文 · 德格版页 当前仅加载第 63 函德格 46b 版页；藏文 NFD、目录标记与异常页序保留在来源切片中，重复版页行以稳定序号区分。
ཤཱ་རིའི་བུ་འདི་ལྟར་དེ་སངས་རྒྱས་ཀྱི་བྱང་ཆུབ་ལ་སྨོད་པ་དང་། བདུད་ཀྱི་ཕྱོགས་འབར་བར་བྱེད་པ་དང་། སེམས་ཅན་རྣམས་ལ་ཡང་སྲིད་པ་བྱེ་བ་བརྒྱ་སྟོང་རྣམས་སུ་གནོད་པ་ཆེན་པོ་བྱེད་པ་དང་། རྨོངས་པར་བྱེད་པའི་ཕྱིར་རོ། །སྐྱེས་བུ་བླུན་པོ་དེ་ནི་གྲོལ་བར་མི་བྱེད་པས་དེའི་ཕྱིར་དེ་ནི་སེམས་ཅན་ཐམས་
D220.063.0046b01.01ཅད་ཀྱི་སྡིག་པའི་གྲོགས་པོ་བདེན་པ་མ་ཡིན་པར་སྨྲ་བ་ཡིན་ནོ། །སྐྱེས་བུ་དམ་པ་མ་ཡིན་པ་གང་ཡིན་པ་དེ་འཁོར་གྱི་ནང་དུ་སོང་སྟེ། སངས་རྒྱས་ལ་སྨོད་པར་བྱེད་དེ། དེའི་ཕྱིར་དེ་ནི་སེམས་ཅན་དམྱལ་བ་ཆེན་པོ་ཞེས་བྱའོ། །སྐྱེ་བོ་མང་པོ་ལོག་པའི་ལྟ་བ་འཛིན་དུ་འཇུག་པ་ཡིན་ནོ། །སྲིད་པ་བརྒྱ་
D220.063.0046b02.01ཕྲག་སྟོང་དུ་སངས་རྒྱས་ཀྱི་བྱང་ཆུབ་ལ་དགའ་བར་མི་འགྱུར་ཏེ། ཤཱ་རིའི་བུ་གང་ཟག་ཏུ་ལྟ་བ་ནི་ཕལ་ཆེར་ལོག་པ་ཉིད་དུ་ལྟུང་བར་འགྱུར་རོ། །སྟོང་པར་ལྟ་བ་ནི་ཕལ་ཆེར་ཆོས་ཀུན་མྱུར་དུ་ཤེས་པར་འགྱུར་རོ། །དེ་ཅིའི་ཕྱིར་ཞེ་ན། ལྟ་བ་དེ་མྱུར་དུ་སྤོང་བའི་ཕྱིར་རོ། །ཤཱ་རིའི་བུ་མཚོན་རྣོན་པོས་ལྕེ་
D220.063.0046b03.01གཏུབས་པ་ནི་བླའི། འཁོར་གྱི་ནང་དུ་སོང་ནས་སམ། དབེན་པར་སོང་ནས་སམ། བདག་དང་གཉིས་ཀྱིས་ཡོངས་སུ་མ་དག་པའི་ཆོས་སྟོན་པ་ནི་དེ་ལྟ་མ་ཡིན་ནོ། །ཤཱ་རིའི་བུ་འདི་ནི་ཡོངས་སུ་མ་དག་པའི་ཆོས་སྟོན་པའི་དགེ་སློང་རྣམས་ཀྱི་སྐྱོན་ཡིན་ཏེ། ངན་སོང་རབ་ཏུ་རྫོགས་པར་བྱ་བའི་
D220.063.0046b04.01ཕྱིར་ཀུན་ཏུ་ཞུགས་པ་ཡིན་ནོ། །ཡོངས་སུ་མ་དག་པའི་ཆོས་བསྟན་པའི་ལེའུ་སྟེ་དྲུག་པའོ།། །།ཤཱ་རིའི་བུ་ཁྱོད་ཀྱིས་རྣམ་གྲངས་འདི་དག་གིས་ཀྱང་དེ་ལྟར་ཁོང་དུ་ཆུད་པར་བྱ་སྟེ། སྔོན་བྱུང་བ་འདས་པའི་བསྐལ་པ་གྲངས་མེད་པའི་ཡང་ཆེས་གྲངས་མེད་པ། ཡོངས་
D220.063.0046b05.01པ། རྒྱ་ཆེན་པོ། ཚད་མེད་པར་གྱུར་པ་དེའི་ཚེ་དེའི་དུས་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། བླ་ན་མེད་པ། སྐྱེས་བུ་འདུལ་བའི་ཁ་ལོ་སྒྱུར་བ། ལྷ་དང་མི་རྣམས་ཀྱི་སྟོན་པ།
D220.063.0046b06.01སངས་རྒྱས་བཅོམ་ལྡན་འདས་བཀོད་པ་ཆེན་པོ་ཞེས་བྱ་བ་བྱུང་ངོ་། །ཤཱ་རིའི་བུ་བཅོམ་ལྡན་འདས་དེ་བཞིན་གཤེགས་པ་བཀོད་པ་ཆེན་པོ་དེའི་ཚེའི་ཚད་ནི་ལོ་བྱེ་བ་སྟོང་ཕྲག་དྲུག་ཅུ་རྩ་བརྒྱད་དུ་གྱུར་ཏོ། །ཉན་ཐོས་ཀྱི་དགེ་སློང་ནི་བརྒྱ་སྟོང་བྱེ་བ་ཕྲག་དྲུག་ཅུ་རྩ་བརྒྱད་འདུས་པར་གྱུར་ཏོ། །བཅོམ་ལྡན་
D220.063.0046b07.01