完整藏文原文 · 德格版页 当前仅加载第 63 函德格 29a 版页；藏文 NFD、目录标记与异常页序保留在来源切片中，重复版页行以稳定序号区分。
མ་དད་པ་སྐྱེད་པར་བྱེད་དེ། དེ་བཞིན་གཤེགས་པས་གསུངས་པའི་མདོ་སྡེ་འདི་ལྟ་བུ་འདི་ལ་འདི་ནི་སངས་རྒྱས་ཀྱིས་གསུངས་པ་མ་ཡིན་ནོ་ཞེས་སྨོད་ཅིང་སྐྱེ་བོ་མང་པོ་ལ་འདུ་ཤེས་སུ་བྱེད་དོ། །དེ་ཅིའི་ཕྱིར་ཞེ་ན། ཤཱ་རིའི་བུ་འདི་ལྟར་ཚུལ་ཁྲིམས་འཆལ་པའི་དགེ་སློང་ནི་
D220.063.0029a01.01ཚུལ་བཞིན་མ་ཡིན་པ་དང་ལྡན་པའི་ཕྱིར་རོ། །ཤཱ་རིའི་བུ་ཡང་ཚུལ་བཞིན་ལ་སྦྱོར་བའི་དགེ་སློང་རྣམས་ནི་སྟོན་པའི་གསུང་ལ་སྨོད་པར་མི་བྱེད་དོ། །དེ་ཅིའི་ཕྱིར་ཞེ་ན། ཤཱ་རིའི་བུ་ཚུལ་ཁྲིམས་འཆལ་པའི་ལས་འདི་ནི་བྱིས་པའི་ལས་ཡིན་པའི་ཕྱིར་རོ། །རིགས་པ་མེད་པའི་ལས་འདི་ནི་འདི་ལྟ་སྟེ།
D220.063.0029a02.01དམ་པའི་ཆོས་ལ་སྨོད་པ་ཡིན་པའི་ཕྱིར་རོ། །དེ་བདག་ཉིད་རྨ་དང་བཅས་པ་དང་། ཟུག་རྔུ་དང་བཅས་པར་ཤེས་ནས་ཟུག་རྔུ་རྣམས་གླེངས། གནད་རྣམས་ལེགས་པར་བསྟན། ལྟ་བར་གྱུར་པ་རྣམས་བསྐུལ་བ་ན་མངོན་དུ་ཁྲོ་བར་བྱེད། འཁྲུག་པར་བྱེད། གནོད་སེམས་སྐྱེད། སླར་
D220.063.0029a03.01གནོད་པར་བྱེད། ཡོངས་སུ་ཡི་ཆད་པར་བྱེད། ཞུམ་ཞུམ་པོར་གྱུར་ཅིང་ཁྲོ་བ་དང་། སྐྱོན་རབ་ཏུ་སྟོན་པར་བྱེད་དོ། །དེ་སངས་རྒྱས་ལ་མི་སྙན་པ་རྗོད། ཆོས་ལ་སྨོད། དགེ་འདུན་ལ་སྐུར་པ་འདེབས་པར་བྱེད་དོ། །ཤཱ་རིའི་བུ་ཟབ་མོ་དམིགས་སུ་མེད་པ་དོན་དམ་པ་སྟོང་པ་སངས་རྒྱས་ཀྱི་བྱང་
D220.063.0029a04.01ཆུབ་ལ་མ་མོས་པའི་དགེ་སློང་ཇི་སྙེད་པ་དག་གིས་དེ་བཞིན་གཤེགས་པས་གསུངས་པའི་མདོ་སྡེ་འདི་ལྟ་བུ་འདི་ཐོས་ན། འདི་ནི་སངས་རྒྱས་ཀྱིས་གསུངས་པ་མ་ཡིན་ནོ་ཞེས་སྨོད་པར་བྱེད་ཅིང་། དེ་ལྟར་སྐྱེ་བོ་ལ་འདུ་ཤེས་སུ་བྱེད་པར་འགྱུར་རོ། །ཤཱ་རིའི་བུ་འདི་ནི་དེ་བཞིན་གཤེགས་པས་ཆོས་
D220.063.0029a05.01ལ་སྨོད་པ་ཡིན་ནོ་ཞེས་གསུངས་ཏེ། སྨོད་པ་གང་ཡིན་པ་ནི་དགེ་སྦྱོང་མ་ཡིན། ཤཱཀྱའི་སྲས་མ་ཡིན་ནོ། །སྐྱེས་བུ་གཏི་མུག་ཅན་དེ་ནི་སྲིད་པ་བྱེ་བ་ཕྲག་བརྒྱ་སྟོང་རྣམས་སུ་ཆད་པ་ཆེན་པོ་འཐོབ་ཅིང་། གནོད་པ་བྱེད་པར་འགྱུར་བས་ཉམས་པའི་འོས་ཡིན་ནོ། །ཤཱ་རིའི་བུ་ཡང་དེ་ལྟ་བུའི་དགེ་
D220.063.0029a06.01སློང་རྣམས་ལ་ནི་གལ་ཏེ་སངས་རྒྱས་སྟོང་ངམ། སངས་རྒྱས་བྱེ་བ་བརྒྱ་ཕྲག་སྟོང་གིས་ཆོ་འཕྲུལ་རྣམ་པ་གསུམ་གྱི་ཆོས་བསྟན་ཀྱང་། དེ་དག་ཁོ་ན་ཆོས་ཀུན་ཤེས་པར་མི་འགྱུར་ཞིང་འབྲས་བུ་ཐོབ་པར་མི་ནུས་སོ། །དེ་ཅིའི་ཕྱིར་ཞེ་ན། འདི་ལྟར་སྐྱེས་བུ་དམ་པ་མ་ཡིན་པ་དེ་དག་གིས་
D220.063.0029a07.01