完整藏文原文 · 德格版页 当前仅加载第 63 函德格 11b 版页；藏文 NFD、目录标记与异常页序保留在来源切片中，重复版页行以稳定序号区分。
ཡིན་ནོ། །དེ་ཅིའི་ཕྱིར་ཞེ་ན། ཤཱ་རིའི་བུ་དེ་བཞིན་གཤེགས་པས་ཆོས་གང་གིས་རང་གི་དེ་ཁོ་ན་ཉིད་མ་དམིགས་ཏེ། རང་གི་ངོ་བོ་དམིགས་པ་མ་ཡིན། གཞན་གྱི་ངོ་བོ་དམིགས་པ་མ་ཡིན། མཉམ་པ་དམིགས་པ་མ་ཡིན། མི་མཉམ་པ་དམིགས་པ་མ་ཡིན་པའི་
D220.063.0011b01.01ཕྱིར་རོ། །ཤཱ་རིའི་བུ་ཅིའི་ཕྱིར་དྲན་པ་ཉེ་བར་གཞག་པ་ཞེས་བྱ་ཞེ་ན། ཤཱ་རིའི་བུ་ངས་དྲན་པ་ཉེ་བར་གཞག་པ་དམིགས་པ་དང་། རང་བཞིན་དམིགས་པ་དང་། རང་གི་དེ་ཁོ་ན་ཉིད་དམིགས་པ་དང་། རང་གནས་པ་དམིགས་པ་གང་ཡིན་པ་དེ་ནི་གནས་མ་ཡིན་ཞིང་
D220.063.0011b02.01གོ་སྐབས་མེད་དོ་ཞེས་དེ་བཞིན་གཤེགས་པས་གསུངས་ཏེ། རང་གི་མཚན་ཉིད་ཀྱིས་སྟོང་པའི་ཆོས་རྣམས་ལ་ངེས་པར་རྟོགས་པའི་དོན་གྱིས་དྲན་པ་ཉེ་བར་གཞག་པ་ཞེས་བྱའོ། །ཞེན་པ་མེད་པ་དང་། མངོན་པར་ཞེན་པ་མེད་པ་དང་། གནས་པ་མེད་པ་དང་། སོ་སོ་
D220.063.0011b03.01ཉེ་བར་གནས་པ་མེད་པ་དང་། ཀུན་ཏུ་གནས་པ་མེད་པ་དང་། གནས་པ་དང་བྲལ་བ་སྟེ། དེ་དག་ལ་དྲན་པ་ཉིད་ཀྱང་མེད་ན་དྲན་པ་ཉེ་བར་གཞག་པ་ལྟ་ཅི་སྨོས་ཏེ། དེས་ན་དྲན་པ་ཉེ་བར་གཞག་པ་ཞེས་བྱའོ། །ཤཱ་རིའི་བུ་གལ་ཏེ་ཆོས་འགའ་ཞིག་གི་རང་གི་དེ་ཁོ་ན་ཉིད་ཐ་ན་
D220.063.0011b04.01སྐྲའི་རྩེ་མོ་བརྒྱར་གཤེགས་པའི་ཆ་ཤས་ཙམ་ཞིག་ཡོད་པར་གྱུར་ན་ཡང་། ཤཱ་རིའི་བུ་དེ་བཞིན་གཤེགས་པ་འཇིག་རྟེན་དུ་བྱུང་ནས་ཆོས་ཐམས་ཅད་རང་བཞིན་མེད་དོ་ཞེས་ཆོས་སྟོན་པར་མི་འགྱུར་རོ། །ཤཱ་རིའི་བུ་གང་གི་ཕྱིར་ཆོས་ཐམས་ཅད་རང་བཞིན་མེད་པ་དང་། རང་བཞིན་
D220.063.0011b05.01གྱིས་སྟོང་པ་དང་། མཚན་ཉིད་གཅིག་པ་དང་། མཚན་ཉིད་མེད་པར་མཁྱེན་པ་དེའི་ཕྱིར། དེ་བཞིན་གཤེགས་པས་དྲན་པ་ཉེ་བར་གཞག་པ་ཞེས་དྲན་པ་ཉེ་བར་གཞག་པ་བསྟན་པ་ཡིན་ནོ། །གང་ལ་གནས་པ་མེད་པ་དང་། རྣམ་པར་གནས་པ་མེད་པ་དང་། དྲན་པ་
D220.063.0011b06.01མེད་པ་དང་། དྲན་པའི་ལས་མེད་པ་དང་། རྟོག་པ་མེད་པ་དང་། རྣམ་པར་རྟོག་པ་མེད་པ་དང་། སེམས་པ་མེད་པ་དང་། སེམས་པའི་ལས་མེད་པ་དང་། ཡིད་མེད་པ་དང་། ཡིད་ཀྱི་ལས་མེད་པ་དང་། ཆོས་མེད་པ་དང་། ཆོས་ཀྱི་འདུ་ཤེས་མེད་པ་དང་། རྣམ་པ་
D220.063.0011b07.01