完整藏文原文 · 德格版页 当前仅加载第 63 函德格 33a 版页；藏文 NFD、目录标记与异常页序保留在来源切片中，重复版页行以稳定序号区分。
འགྱུར་རོ་ཞེས་སྲུང་ཞིང་སྦེད་པར་བྱེད་དོ། །ཤཱ་རིའི་བུ་དེ་ལ་འགའ་ཞིག་འདི་སྙམ་དུ་སུ་ཡང་རུང་སྦྲང་རྩིའི་བུམ་པ་འདི་ལས་ཐ་ན་སྐྲའི་རྩེ་མོའི་ཆ་ཤས་ཙམ་ཞིག་ཟོས་ན་ཡང་དེ་ཁོ་ནས་ན་བ་དང་འཆི་བར་མི་འགྱུར་བས་མ་ལ་བདག་གིས་སྲོག་དང་ཡང་བསྡོས་ཏེ། སྦྲང་རྩིའི་
D220.063.0033a01.01བུམ་པ་འདི་ལས་ཟོས་ན། གལ་ཏེ་མཚོན་ཆ་རྣམས་མངོན་དུ་འབབ་མོད་ཀྱི། སྦྲང་རྩིའི་བུམ་པ་འདི་ལས་ཅུང་ཟད་ཅིག་མྱང་བར་ནུས་ན་བདག་ལ་མཚོན་གྱིས་གསོད་པའི་འཇིགས་པ་ཡང་མི་འབྱུང་ཞིང་རྒ་བ་དང་འཆི་བ་མེད་པ་ཡང་འཐོབ་པར་འགྱུར་གོར་མ་ཆག་གོ་སྙམ་དུ་བསམས་ནས་
D220.063.0033a02.01དེས་སྲོག་དང་བསྡོས་ཤིང་སྲོག་ལ་མི་བལྟ་བར་བྱས་ཏེ། སྦྲང་རྩིའི་བུམ་པ་དེ་ལ་རེག་པ་ན་སྲོག་ཆགས་བརྒྱ་སྟོང་ཕྲག་དུ་མའི་ལག་པ་ནས་མཚོན་ཆ་མངོན་དུ་འཕེན་ནོ། །དེ་ལྟར་མཚོན་ཆ་མངོན་དུ་འཕེན་པས་འཇིགས་བཞིན་དུ་སྦྲང་རྩིའི་བུམ་པ་ལས་སྐྲའི་རྩེ་མོའི་ཆ་ཤས་ཙམ་
D220.063.0033a03.01ཞིག་ཟོས་ནས་དེ་དེ་ནས་ལངས་པ་དང་། རྒ་བ་དང་། འཆི་བ་ལས་ཡོངས་སུ་ཐར་བར་གྱུར་ཏོ། །ཤཱ་རིའི་བུ་དེ་བཞིན་དུ་ཆོས་དཀར་པོ་རྣམས་ཀྱི་བར་ཆད་བྱ་བའི་ཕྱིར་བདུད་དམ་བདུད་ཀྱི་རིས་ཀྱི་ལྷ་རྣམས་སམ། བདུད་ཀྱིས་མངགས་པའི་དགེ་སློང་ངམ། དགེ་སློང་མའམ། དགེ་བསྙེན་ནམ།
D220.063.0033a04.01དགེ་བསྙེན་མ་མང་པོ་གང་ཡིན་པ་དག་རབ་ཏུ་ཞུགས་པ་ཡིན་ནོ། །ཤཱ་རིའི་བུ་གང་དག་དེ་བཞིན་གཤེགས་པ་ཡོངས་སུ་མྱ་ངན་ལས་འདས་པ་ན་སྟོང་པ་ཉིད་དམིགས་སུ་མེད་པའི་ཆོས་དེ་ལ་སོམ་ཉི་མེད་ཅིང་ཡིད་གཉིས་མི་ཟ་སྟེ་འཇུག་པ་དང་། གང་ཡང་ཆོས་དེ་དག་ལ་མོས་པར་བྱེད་པའི་སངས་
D220.063.0033a05.01རྒྱས་ཀྱི་སྲས་དམིགས་སུ་མེད་པའི་སྤྱོད་པ་བཟོད་པ་མཆོག་དང་ལྡན་པ་དེ་དག་དང་། གང་དག་ཡང་ཆོས་དེ་དག་ལ་མངོན་པར་བརྩོན་པར་འགྱུར་བ་སྟེ། དེ་རྣམས་ནི་དེའི་ཚེ་ཅི་ནས་ཀྱང་ཤིན་ཏུ་ཟིལ་གྱིས་གནོན་པར་འགྱུར་རོ། །སྲོག་ལ་ཡང་མི་ལྟོས་པར་ཞེས་བྱ་བ་ནི་དེ་བཞིན་དུ་དེ་དག་
D220.063.0033a06.01མངོན་པར་འདུ་བྱེད་པ་མེད་པར་སོ་སོར་རྟོགས་པར་འགྱུར་ཞིང་སྡུག་བསྔལ་ཐམས་ཅད་ལས་ཡོངས་སུ་གྲོལ་བར་འགྱུར་རོ། །ཤཱ་རིའི་བུ་སྦྲང་རྩིའི་བུམ་པ་ཞེས་བྱ་བ་ནི་དེ་བཞིན་གཤེགས་པས་ཆོས་འདུལ་བ་འདི་སོ་སོར་བསྟན་པའི་ཚིག་{བླ་དགས་,བླ་དྭགས་}ཡིན་ཏེ། འདི་ལྟ་སྟེ་སྟོང་པ་ཉིད་དང་།
D220.063.0033a07.01