完整藏文原文 · 德格版页 当前仅加载第 63 函德格 56b 版页；藏文 NFD、目录标记与异常页序保留在来源切片中，重复版页行以稳定序号区分。
བྱུང་བ་དེ་ཡང་ང་འཁོར་ལོས་སྒྱུར་བའི་རྒྱལ་པོར་གྱུར་པ་ན། ཉན་ཐོས་ཀྱི་དགེ་འདུན་དང་བཅས་པར་ཆོས་གོས་དང་། བསོད་སྙོམས་དང་། གནས་མལ་དང་། ནད་ཀྱི་རྐྱེན་སྨན་དང་། མཁོ་བའི་ཡོ་བྱད་རྣམས་ཀྱིས་ཐམས་ཅད་དུ་བདེ་བར་གནས་པར་བྱ་བའི་ཕྱིར། བཀུར་སྟིར་བྱས། བླ་མར་
D220.063.0056b01.01བྱས། མཆོད། རྗེད་དེ་མཉེས་པར་བྱས་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་འདི་ཉིད་བསྒྲུབས་ན། སངས་རྒྱས་དེ་དག་གིས་ང་ལ་ཁྱོད་མ་འོངས་པའི་དུས་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སུ་འགྱུར་རོ་ཞེས་ལུང་མ་བསྟན་ཏོ། །དེ་
D220.063.0056b02.01ཅིའི་ཕྱིར་ཞེ་ན། འདི་ལྟར་ངས་ཆོས་རྣམས་ཀྱི་རང་གི་མཚན་ཉིད་མི་ཤེས་ཤིང་། བདག་ཏུ་སྨྲ་བ་ལ་མངོན་པར་ཞེན་པ་དང་། དམིགས་པ་ཅན་གྱི་ལྟ་བ་ལ་མངོན་པར་ཞེན་པར་གྱུར་པའི་ཕྱིར་རོ། །ཤཱ་རིའི་བུ་གཞན་ཡང་ངས་མངོན་པར་དྲན་ཏེ། བསྐལ་པ་གྲངས་མེད་པ་བདུན་བརྒྱའི་ཚེ་
D220.063.0056b03.01སངས་རྒྱས་འཛམ་བུ་འདུད་པ་ཞེས་བྱ་བ་སྟོང་ཡོངས་སུ་ཚང་བར་བྱུང་བ་ཞེས་བྱ་བ་ནས་དེ་དག་ཀྱང་ངས་ཞེས་བྱ་བའི་བར་དུ་བརྗོད་པར་བྱའོ། །བསྐལ་པ་གྲངས་མེད་པ་བརྒྱ་པོ་དེ་ཉིད་ལ་སངས་རྒྱས་དོན་ཐམས་ཅད་གཟིགས་པ་ཞེས་བྱ་བ་ཤ་སྟག་དྲུག་ཁྲི་ཉིས་སྟོང་ཞེས་བྱ་བ་ནས་དེ་དག་ཀྱང་
D220.063.0056b04.01ངས་བཀུར་སྟི་བྱས་ཞེས་བྱ་བ་ནས། ཇི་ལྟར་ཡང་དམིགས་པ་ཅན་གྱི་འདུ་ཤེས་སུ་གྱུར་པའི་ཕྱིར་རོ་ཞེས་བྱ་བའི་བར་དུ་བརྗོད་པར་བྱའོ། །གྲངས་མེད་པའི་བསྐལ་པ་བརྒྱ་པོ་དེ་ཉིད་ལ་སངས་རྒྱས་དབང་པོའི་རྒྱལ་མཚན་ཞེས་བྱ་བ་ཤ་དག་བརྒྱད་ཁྲི་བཞི་སྟོང་ཞེས་བྱ་བ་ནས། དེ་དག་ཡང་
D220.063.0056b05.01ངས་བཀུར་སྟི་བྱས་ཞེས་བྱ་བ་དང་། ཇི་ལྟར་ཡང་དམིགས་པ་ཅན་གྱི་འདུ་ཤེས་སུ་གྱུར་པའི་ཕྱིར་རོ་ཞེས་བྱ་བའི་བར་དུ་བརྗོད་པར་བྱའོ། །ཤཱ་རིའི་བུ་གཞན་ཡང་ངས་མངོན་པར་དྲན་ཏེ། སངས་རྒྱས་ཉི་མ་ཞེས་བྱ་བ་ཤ་དག་ལྔ་བརྒྱ་ཞེས་བྱ་བ་ནས། དེ་དག་ཀྱང་ངས་ཞེས་བྱ་བ་དང་། ཇི་ལྟར་
D220.063.0056b06.01ཡང་དམིགས་པ་ཅན་གྱི་འདུ་ཤེས་སུ་གྱུར་པའི་ཕྱིར་རོ་ཞེས་བྱ་བའི་བར་དུ་བརྗོད་པར་བྱའོ། །ཤཱ་རིའི་བུ་གཞན་ཡང་ངས་མངོན་པར་དྲན་ཏེ། སངས་རྒྱས་བཅོམ་ལྡན་འདས་ཞི་བར་མཛད་ཅེས་བྱ་བ་ཤ་སྟག་དྲུག་ཁྲི་ཉིས་སྟོང་ཉན་ཐོས་ཀྱི་ཚོགས་དང་བཅས་པ་དེ་དག་ཡང་ང་འཁོར་ལོས་སྒྱུར་བའི་
D220.063.0056b07.01