完整藏文原文 · 德格版页 当前仅加载第 63 函德格 57a 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱལ་པོར་གྱུར་པ་ན། ཆོས་གོས་དང་། བསོད་སྙོམས་དང་། གནས་མལ་དང་། ནད་ཀྱི་རྐྱེན་སྨན་དང་། མཁོ་བའི་ཡོ་བྱད་རྣམས་ཀྱིས་བཀུར་སྟིར་བྱས། བླ་མར་བྱས། རྗེད་མཆོད་དེ་མཉེས་པར་བྱས་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་འདི་ཉིད་བསྒྲུབས་ན། སངས་
D220.063.0057a01.01རྒྱས་བཅོམ་ལྡན་འདས་དེ་དག་གིས་ང་ལ་ལུང་མ་བསྟན་ཏོ་ཞེས་བྱ་བ་ནས། ཇི་ལྟར་ཡང་དམིགས་པའི་འདུ་ཤེས་ཅན་དུ་གྱུར་ཅིང་བདག་ཏུ་སྨྲ་བ་ལ་མངོན་པར་ཞེན་པའི་ཕྱིར་རོ་ཞེས་བྱ་བའི་བར་དུ་བརྗོད་པར་བྱའོ། །ཤཱ་རིའི་བུ་དེ་ལྟར་རིམ་གྱིས་བཅོམ་ལྡན་འདས་མར་མེ་མཛད་ཀྱིས་ང་ལུང་བསྟན་ཏོ། །
D220.063.0057a02.01དེ་ཅིའི་ཕྱིར་ཞེ་ན། ཤཱ་རིའི་བུ་བཅོམ་ལྡན་འདས་མར་མེ་མཛད་དེ་ངས་མཐོང་མ་ཐག་ཁོ་ནར་ཆོས་རྣམས་ལ་མ་སྐྱེས་པའི་བཟོད་པ་ཐོབ་ནས། བཅོམ་ལྡན་འདས་མར་མེ་མཛད་ཀྱིས་ཐོག་མ་རང་ལ་ཁྱོད་མ་འོངས་པའི་དུས་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་
D220.063.0057a03.01སངས་རྒྱས་ཤཱཀྱ་ཐུབ་པ་ཞེས་བྱ་བར་འགྱུར་རོ་ཞེས་ལུང་བསྟན་པའི་ཕྱིར་རོ། །ཤཱ་རིའི་བུ་གཞན་ཡང་ངས་མངོན་པར་དྲན་ཏེ། རྒྱལ་པོ་ང་ལས་ནུ་ཞེས་བྱ་བ་ཤ་སྟག་བྱེ་བ་ཕྲག་བཅུ་གཉིས་བྱུང་སྟེ། ཐམས་ཅད་ཀྱང་འཁོར་ལོས་སྒྱུར་བའི་རྒྱལ་པོར་གྱུར་ཏོ་ཞེས་བྱ་བའི་བར་དུ་བརྗོད་པར་བྱའོ། །
D220.063.0057a04.01ཤཱ་རིའི་བུ་གཞན་ཡང་ངས་མངོན་པར་དྲན་ཏེ། རྒྱལ་པོ་མང་པོས་བཀུར་བ་ཞེས་བྱ་བ་ཤ་དག་བྱེ་བ་སྟོང་ཕྲག་སུམ་ཅུ་རྩ་གཉིས་བྱུང་སྟེ། ཐམས་ཅད་ཀྱང་འཁོར་ལོས་སྒྱུར་བའི་རྒྱལ་པོར་གྱུར་ཏོ། །ཤཱ་རིའི་བུ་གཞན་ཡང་ངས་མངོན་པར་དྲན་ཏེ། རྒྱལ་པོ་ལྷ་ཆེན་པོ་ཞེས་བྱ་བ་ཤ་དག་བྱེ་བ་
D220.063.0057a05.01ཕྲག་བཞི་བཅུ་བྱུང་སྟེ། ཐམས་ཅད་ཀྱང་འཁོར་ལོས་སྒྱུར་བའི་རྒྱལ་པོར་གྱུར་ཏོ། །ཤཱ་རིའི་བུ་གཞན་ཡང་ངས་མངོན་པར་དྲན་ཏེ། རྒྱལ་པོ་ཚངས་བྱིན་ཞེས་བྱ་བ་ཤ་སྟག་བྱེ་བ་ཕྲག་བརྒྱད་ཅུ་རྩ་བཞི་བྱུང་སྟེ། ཐམས་ཅད་ཀྱང་འཁོར་ལོས་སྒྱུར་བའི་རྒྱལ་པོར་གྱུར་ཏོ། །ཤཱ་རིའི་བུ་གཞན་ཡང་ངས་
D220.063.0057a06.01མངོན་པར་དྲན་ཏེ། རྒྱལ་པོ་བུ་རམ་ཤིང་པ་ཞེས་བྱ་བ་ཤ་དག་བྱེ་བ་བྱུང་སྟེ། ཐམས་ཅད་ཀྱང་འཁོར་ལོས་སྒྱུར་བའི་རྒྱལ་པོར་གྱུར་ཏོ། །ཤཱ་རིའི་བུ་གཞན་ཡང་ངས་མངོན་པར་དྲན་ཏེ། འདས་པའི་དུས་ན་རྒྱལ་པོ་རབ་འབར་ཞེས་བྱ་བ་ཤ་དག་ཁྲི་བྱུང་སྟེ། ཐམས་ཅད་ཀྱང་འཁོར་ལོས་སྒྱུར་བའི་
D220.063.0057a07.01