完整藏文原文 · 德格版页 当前仅加载第 63 函德格 75a 版页；藏文 NFD、目录标记与异常页序保留在来源切片中，重复版页行以稳定序号区分。
ཐག་བསིང་ངོ་། །ཚུལ་ཁྲིམས་འཆལ་པའི་ཕྱོགས་ནི་ཀུན་ཏུ་གཟུང་བར་བྱའོ། །དེ་ནས་ཚུལ་ཁྲིམས་འཆལ་པ་རྣམས་ཀྱིས་སངས་རྒྱས་ཀྱི་གསུང་འདི་ལ་འཛིན་པར་མི་འགྱུར་བ་དང་། ཀུན་ཏུ་བཟུང་བ་དེ་རྣམས་ཀྱི་རྗེས་སུ་སྒྲུབ་པ་མང་པོ་རྨོངས་པར་བྱ་ཞིང་། དེ་དག་གིས་མདོ་སྡེ་འདི་ཐོས་ནས་
D220.063.0075a01.01དེ་བཞིན་གཤེགས་པའི་གསུང་འདི་ལ། རིག་པ་མེད་པས་འདི་ནི་སངས་རྒྱས་ཀྱི་གསུང་མ་ཡིན་ནོ་ཞེས་སྤྲོ་བ་སྐྱེ་བར་མི་འགྱུར་བར་བྱའོ་སྙམ་དུ་དེ་ལྟ་བུའི་སེམས་བསྐྱེད་པའི་བསམ་པ་ཤེས་ནས་དགེ་སྦྱོང་གཽ་ཏ་མས་མ་འོངས་པ་དེ་ཉིད་ཉན་ཐོས་རྣམས་ལ་ཡང་དག་པར་རྟོགས་པར་བྱས་ཏེ། མ་འོངས་
D220.063.0075a02.01པའི་སྐྱབས་བྱས་ཤིང་། མཁས་པ་རྣམས་སྤྲོ་བར་བྱས། གསལ་བར་བྱས་ནས་བསྟན་ཏེ། ལྷ་དང་བཅས་པའི་འཇིག་རྟེན་འདི་ལ་རབ་ཏུ་བཤད་ཀྱིས་མ་འོངས་པ་ན་ཚོལ་བར་མི་འགྱུར་བ་དེ་ལྟར་འབད་པར་བྱའོ་སྙམ་ནས། དེ་ནས་བདུད་སྡིག་ཅན་དེ་ཉིད་དུ་མི་སྣང་བར་གྱུར་ཏོ། །དེ་ནས་བཅོམ་ལྡན་འདས་
D220.063.0075a03.01ཀྱིས་དོན་འདི་ཉིད་རྒྱས་པར་བྱ་བའི་ཕྱིར། ལྷག་པར་ཡང་ཚིགས་སུ་བཅད་པ་འདི་དག་གསུངས་སོ། །དེ་དག་ཕན་ཚུན་རྩོད་པ་ཡིས། །མྱ་ངན་འདས་པ་མཐོང་མི་འགྱུར། །ཇི་སྲིད་དགེ་སློང་ཁྱིམ་པ་ལ། །འདི་ལྟར་དེ་སྲིད་སྨྲ་བ་ན། །དེ་སྲིད་དུ་ནི་འདྲེན་པའི་ཆོས། །ཁྱད་པར་དག་ཀྱང་མེད་པར་
D220.063.0075a04.01འགྱུར། །བདག་གི་ཡ་མཚན་ཤེས་ཀྱིས་ཤེས། །དགེ་སློང་ཁྱིམ་པར་སྨྲ་བ་ནི། །སངས་རྒྱས་རྣམས་ཀྱི་བྱང་ཆུབ་ཤེས། །བདག་གིས་དང་པོའི་འབྲས་ཐོབ་ཅེས། །དགེ་སློང་ཇི་སྐད་སྨྲ་བ་བཞིན། །དེ་ཉིད་བདེན་གྱི་གཞན་ནི་མིན། །མཐོང་བའི་ཆོས་ལ་བདག་དད་དེ། །དེ་དང་བདག་ཏུ་མཉམ་མོ་ཞེས། །
D220.063.0075a05.01དགེ་སློང་ཁྱིམ་པ་དེ་དག་ནི། །མཐོང་བའི་ཆོས་ལ་རློམ་སེམས་བྱེད། །དེ་དང་དེར་ནི་གསུང་རབ་ལ། །ཕན་ཚུན་ཡོད་དོ་མེད་དོ་ཞེས། །ཇི་ལྟར་གཞན་ཡང་སྤྱོད་འགྱུར་བ། །དམ་པའི་ཆོས་ལ་གནས་མ་ཡིན། །སངས་རྒྱས་བྱང་ཆུབ་གཞིག་པའི་ཕྱིར། །སྡིག་པའི་རང་བཞིན་སྐྱེས་པ་ཡིན། །བདག་ནི་
D220.063.0075a06.01སྟེན་ཅིག་དེ་མ་སྟེན། །ལམ་སྟོན་པ་ནི་བདག་ཡིན་ཏེ། །ཇི་ལྟར་བདག་བཞིན་ཁྱོད་ཀྱང་ནི། །མྱུར་དུ་ཐོབ་པར་འགྱུར་རོ་ཞེས། །དེ་བཞིན་ཕན་ཚུན་སྒྲ་དག་ཀྱང་། །རྣམ་པ་ཀུན་ཏུ་སྒྲོགས་པར་འགྱུར། །ཐམས་ཅད་འཐུན་པར་གྱུར་ནས་ནི། །བསྟན་པ་འདི་ནི་འཇིག་པར་འགྱུར། །ཇི་ལྟར་ཆོམ་རྐུན་མི་བཟད་པས། །འདི་
D220.063.0075a07.01