完整藏文原文 · 德格版页 当前仅加载第 63 函德格 66a 版页；藏文 NFD、目录标记与异常页序保留在来源切片中，重复版页行以稳定序号区分。
དང་། མངོན་པའི་ང་རྒྱལ་དུ་ལྟུང་བ་དང་། འདི་ལྟ་བུ་ནི་དམ་པ་ཡིན་ནོ་སྙམ་དུ་རློམ་སེམས་པ་དང་། ཡོངས་སུ་མ་དག་པའི་ཆོས་སྟོན་པ་དང་། གཅེར་བུ་པའི་སྨྲ་བ་ལ་གཞོལ་བ་དང་། སྙིང་པོ་མེད་པ་འཛིན་པ་དང་། སོར་བཞིར་རྟོག་པ་དང་། འཇིག་རྟེན་གྱི་ཟང་ཟིང་གཙོ་བོར་བྱེད་པ་དང་།
D220.063.0066a01.01སྨྲ་བ་ལ་དགའ་བ་དང་། འདུ་འཛི་ལས་སྐྱེས་པ་དང་། འཇིག་རྟེན་རྒྱང་པན་པའི་གཏམ་དང་ལྡན་པ་སྟེ། དེ་དག་གིས་སྟོང་པ་ཉིད་ཤེས་པའམ། འཇུག་པའམ། རྟོགས་པར་མི་ནུས་ཏེ། དེ་ནི་གནས་ཡོད་པ་མ་ཡིན་ནོ། །ཤཱ་རིའི་བུ་གང་དག་དགེ་སློང་གནས་བརྟན་གནས་བརྟན་ཆེན་པོ། གླང་པོ་གླང་པོ་ཆེན་པོ། སེང་
D220.063.0066a02.01གེ་སེང་གེ་ཆེན་པོ། བསམ་གཏན་པ་བསམ་གཏན་པ་ཆེན་པོ། ཚུལ་ཁྲིམས་དང་ལྡན་པ། ལྷག་མཐོང་དང་ལྡན་པ། དམིགས་སུ་མེད་པ། སྟོང་པ་ཉིད་ཀྱི་ཆོས་རྣམས་ལ་མོས་པ། ཆོས་རྣམས་ཀྱི་རང་གི་མཚན་ཉིད་སྟོང་པ་དང་། བདག་མེད་པ་དང་། སེམས་ཅན་མེད་པ་དང་། སྲོག་མེད་པ་དང་། གང་ཟག་མེད་པ་ལ་མོས་པ།
D220.063.0066a03.01འདུ་འཛི་ལ་མི་དགའ་བ། འདུ་འཛི་ལ་དགའ་བ་མེད་པ། འདུ་འཛི་ལ་དགའ་བར་སྦྱོར་བའི་རྗེས་སུ་མི་བརྩོན་པ། སྨྲ་བ་ལ་མི་དགའ་བ། སྨྲ་བ་ལ་དགའ་བ་མེད་པ། སྨྲ་བ་ལ་དགའ་བར་སྦྱོར་བའི་རྗེས་སུ་མི་བརྩོན་པ། གཉིད་ལ་མི་དགའ་བ། གཉིད་ལ་དགའ་བ་མེད་པ། གཉིད་ལ་དགའ་བར་སྦྱོར་བའི་རྗེས་
D220.063.0066a04.01སུ་མི་བརྩོན་པ། ལས་ལ་མི་དགའ་བ། ལས་ལ་དགའ་བ་མེད་པ། ལས་ལ་དགའ་བར་སྦྱོར་བའི་རྗེས་སུ་མི་བརྩོན་པ། ཁྱིམ་པའི་ལས་ཀྱི་མཐའ་བྱེད་དུ་མི་འཇུག་པ། ཕོ་ཉ་མི་བྱེད་པ། སྤྲིང་ཡིག་སྐྱེལ་བ་མི་བྱེད་པ། སྨན་པ་མ་ཡིན་པ། སྨན་པའི་ཐ་སྙད་ལ་མངོན་པར་མི་བརྩོན་པ། འཇིག་རྟེན་རྒྱང་པན་
D220.063.0066a05.01པའི་གཏམ་ལ་མངོན་པར་མི་བརྩོན་པ། འཇིག་རྟེན་རྒྱང་པན་པ་ལ་མི་ལྟོས་པ། འཇིག་རྟེན་ལས་འདས་པའི་གཏམ་ཁོ་ན་སྨྲ་བ་དེ་དག་ནི་ཆོས་ཐམས་ཅད་སྟོང་པ་ཡིན་པར་མོས་པས་བྱེད་པ་མེད་ཅིང་མི་བྱེད་པ་ཡང་མེད་དོ། །དེ་དག་ནི་ཡང་དག་པའི་མཐས་མགུ་བར་བྱས་ནས་ཡང་དག་པའི་སེང་གེའི་སྒྲ་
D220.063.0066a06.01སྒྲོགས་པར་བྱེད་ཀྱི། ཝའི་སྒྲ་ནི་མ་ཡིན་ནོ། །ཤཱ་རིའི་བུ་གང་དག་དགེ་སློང་འཇིག་རྟེན་རྒྱང་པན་པའི་གཏམ་ལྷུར་ལེན་པ། སངས་རྒྱས་ཀྱི་གསུང་སྤངས་ནས་གཞན་མུ་སྟེགས་ཅན་གྱི་གསང་ཚིག་སྨྲ་བ་དེ་དག་ནི་འཁོར་གྱི་ནང་དུ་དོང་ནས་དེ་དག་ཆོས་ཀྱི་སྒྲས་འཁོར་དགའ་བར་བྱེད་དེ། སྐྱེས་བུ་དམ་པ་
D220.063.0066a07.01