完整藏文原文 · 德格版页 当前仅加载第 63 函德格 14b 版页；藏文 NFD、目录标记与异常页序保留在来源切片中，重复版页行以稳定序号区分。
དཀོན་པ་ཡིན་ཏེ། འདི་ལྟ་སྟེ་ཕྱིན་ཅི་མ་ལོག་པར་ཡང་དག་པའི་ལྟ་བ་དང་ལྡན་པ་དེས་ན་ཡང་དག་པའི་ལྟ་བ་ཞེས་བྱའོ། དེ་ལྟ་མོད་ཀྱི་ཤཱ་རིའི་བུ་ཡང་དག་པའི་ལྟ་བ་དང་། ཡང་དག་པའི་བཟོད་པ་དང་། ཡང་དག་པའི་མོས་པ་ནི་འདི་ལྟ་སྟེ། ཕྱིན་ཅི་མ་ལོག་པར་ཡང་
D220.063.0014b01.01དག་པར་རྗེས་སུ་ལྟ་བ་དེ་ནི་དེ་བཞིན་གཤེགས་པས་ཡང་དག་པའི་ལྟ་བ་ཞེས་གསུངས་སོ། །ཤཱ་རིའི་བུ་གང་སུ་ཡང་རུང་ཕྱིན་ཅི་མ་ལོག་པར་ཡང་དག་པར་ལྟ་བ་མེད་པ་དེ་ནི་ཡང་དག་པའི་ལྟ་བ་མ་ཡིན་ནོ། །ཤཱ་རིའི་བུ་བདག་ཏུ་སྨྲ་བ་དང་། སེམས་ཅན་དུ་སྨྲ་བ་དང་།
D220.063.0014b02.01སྲོག་ཏུ་སྨྲ་བ་དང་། གང་ཟག་ཏུ་སྨྲ་བ་དང་། རྟག་པར་སྨྲ་བ་དང་། ཆད་པར་སྨྲ་བ་གང་ཅི་ཡང་རུང་བ་དེ་དག་ཐམས་ཅད་ནི་ལོག་པར་ཞུགས་པ་ཡིན་ནོ། །ཤཱ་རིའི་བུ་དེ་བཞིན་གཤེགས་པ་རྣམས་སམ། དེ་བཞིན་གཤེགས་པའི་ཉན་ཐོས་རྣམས་ནི་བདག་ཏུ་སྨྲ་བ་མ་
D220.063.0014b03.01ཡིན། སེམས་ཅན་དུ་སྨྲ་བ་མ་ཡིན། སྲོག་ཏུ་སྨྲ་བ་མ་ཡིན། གང་ཟག་ཏུ་སྨྲ་བ་མ་ཡིན། རྟག་པར་སྨྲ་བ་མ་ཡིན། ཆད་པར་སྨྲ་བ་མ་ཡིན་ཏེ། དེ་ནི་དེ་བཞིན་གཤེགས་པ་རྣམས་དང་། དེ་བཞིན་གཤེགས་པའི་ཉན་ཐོས་རྣམས་ཀྱི་ཡང་དག་པའི་ལྟ་བ་ཞེས་བྱའོ། །
D220.063.0014b04.01ཡང་དག་པར་ལྟ་བ་དང་། ཕྱིན་ཅི་མ་ལོག་པར་ལྟ་བ་དང་། ཇི་ལྟ་བ་བཞིན་དུ་ལྟ་བ་མ་གཏོགས་པ་ནི་བྱིས་པ་སོ་སོའི་སྐྱེ་བོ་ཡིན་ནོ། །དེ་ཅིའི་ཕྱིར་ཞེ་ན། ཤཱ་རིའི་བུ་འདི་ལྟར་བྱིས་པ་སོ་སོའི་སྐྱེ་བོ་ནི་འགའ་ལ་ཡང་ཡང་དག་པའི་ལྟ་བ་མེད་དོ། །གཞན་དུ་ན་རྗེས་སུ་འཐུན་པའི་
D220.063.0014b05.01བཟོད་པ་དང་ལྡན་པ་གང་དག་ཡིན་པ་དེ་དག་ལ་ནི་ཡང་དག་པའི་ལྟ་བའི་ཆ་ཤས་ཡོད་པ་ཡིན་ཡང་ཇི་ལྟ་བ་བཞིན་དུ་མཐོང་བས་ནི་མ་ཡིན་པའི་ཕྱིར་རོ། །ཤཱ་རིའི་བུ་དེ་ལྟར་ཡང་དག་པའི་ལྟ་བ་དང་། ལོག་པའི་ལྟ་བ་ཡིན་ཏེ། ཡང་དག་པ་མཐོང་བས་ནི་ཡང་དག་པའི་ལྟ་བ་
D220.063.0014b06.01ཡིན་ལ། འཇིག་རྟེན་གྱི་ཟང་ཟིང་གི་སྦྱིན་པས་ནི་ལོངས་སྤྱོད་འཕེལ་བ་ཡིན་ནོ། །ཤཱ་རིའི་བུ་འདི་ལྟར་སླུ་བར་བྱེད་པ་འཁོར་བར་རྒྱུ་བར་བྱེད་པ། སྨད་པའི་ཆོས་གང་ཡིན་པ་ནི་དེ་བཞིན་གཤེགས་པས་ཚངས་པར་སྤྱད་པའི་ཐ་སྙད་ཡིན་ནོ་ཞེས་གསུངས་སོ། །ཤཱ་རིའི་བུ་
D220.063.0014b07.01