完整藏文原文 · 德格版页 当前仅加载第 63 函德格 31b 版页；藏文 NFD、目录标记与异常页序保留在来源切片中，重复版页行以稳定序号区分。
སྡུག་བསྔལ་བ་ཉིད་དང་། ཕུང་པོ་སྟོང་པ་ཉིད་དང་། ཕུང་པོ་ཉམ་ཆུང་བ་ཉིད་དུ་ཡིད་ལ་བྱེད་པ་ན་ལན་ཅིག་ཕྱིར་འོང་བའི་འབྲས་བུ་འཐོབ་པར་འགྱུར་རོ། །དེ་བཞིན་དུ་ཕྱིར་མི་འོང་བའི་འབྲས་བུ་དང་། དེ་བཞིན་དུ་དགྲ་བཅོམ་པ་ཉིད་འཐོབ་པར་འགྱུར་རོ། །འདི་ནི་སངས་རྒྱས་ཀྱི་གསུང་དོན་
D220.063.0031b01.01དམ་པ་ཡིན་ཏེ། འདི་ལྟ་སྟེ་དགྲ་བཅོམ་པ་ཉིད་ཐོབ་པ་ཡིན་ནོ་ཞེས་སྨྲ་བར་བྱེད་དོ། །ཤཱ་རིའི་བུ་དེ་ལ་དགེ་སློང་ཤེས་རབ་རྣོན་པོ་འབྱུང་བར་འགྱུར་བ་གང་ཡིན་པ་དེ་དག་གིས་འདི་སྐད་ཅེས། བདག་ཅག་ཀྱང་སངས་རྒྱས་ཀྱི་གསུང་དོན་དམ་པ་ནི་འདི་ཡིན་ཏེ། འདི་ལྟ་སྟེ་དགྲ་བཅོམ་པ་ཉིད་ཐོབ་པ་
D220.063.0031b02.01ཡིན་པར་དེ་ལྟར་ནི་ཤེས་ན། ཇི་ག་ཕུང་པོ་ལྔ་རྣམས་ཡིད་ལ་བྱེད་པས་འཐོབ་པར་འགྱུར་རམ། འོན་ཏེ་ཡིད་ལ་བྱེད་པ་མེད་པས་འགྱུར་ཞེས་དྲིས་པ་དང་། དེ་དག་འདི་སྐད་ཅེས་འདི་ལྟར་ཕུང་པོ་ལྔ་རྣམས་ཡིད་ལ་བྱེད་པས་འཐོབ་པར་འགྱུར་གྱི། ཡིད་ལ་བྱེད་པ་མེད་པས་ནི་མ་ཡིན་
D220.063.0031b03.01ནོ་ཞེས་སྨྲས་སོ། །དེ་དག་གིས་ཡང་འདི་སྐད་ཅེས་ཇི་ག་ཕུང་པོ་ཡང་གཞན་ཡིན་ལ། ཡིད་ལ་བྱེད་པ་ཡང་གཞན་ཡིན་ནམ་ཞེས་དྲིས་པ་དང་། དེ་དག་གིས་འདི་སྐད་ཅེས་ཕུང་པོ་ཡང་གཞན་ཡིན་ལ་ཡིད་ལ་བྱེད་པ་ཡང་གཞན་ཡིན་ནོ་ཞེས་སྨྲས་སོ། །དེ་དག་གིས་འདི་སྐད་ཅེས་གལ་ཏེ་ཕུང་
D220.063.0031b04.01པོ་ཡང་གཞན་ཡིན་ལ། ཡིད་ལ་བྱེད་པ་ཡང་གཞན་ཡིན་ཞིང་དེས་ལམ་བསྒོམས་ན་མྱ་ངན་ལས་འདའ་བར་འགྱུར་བའི་ཕུང་པོ་གང་ཡིན་པ་དེ་དག་དང་། ཡིད་ལ་བྱེད་པ་གཞན་གང་ཡིན་པ་དེ་འགའ་ཞིག་ཀྱང་ཡོད་པར་འགྱུར་རམ་ཞེས་དྲིས་པ་དང་། དེ་དག་གིས་འདི་སྐད་ཅེས་ཕུང་པོ་
D220.063.0031b05.01གང་ཡིན་པ་དེ་དག་དང་། ཡིད་ལ་བྱེད་པ་གང་ཡིན་པ་དེ་ཡང་དེ་ལྟར་མ་གྱུར་ན། ཡོངས་སུ་མྱ་ངན་ལས་འདའ་བར་མི་འགྱུར་བ་ཞིག་ན། གང་གི་ཕྱིར་ཕུང་པོ་གང་ཡིན་པ་དེ་དག་དང་། ཡིད་ལ་བྱེད་པ་གང་ཡིན་པ་དེ་ཡང་ཡོད་པས། དེས་ལམ་བསྒོམས་ནས་ཡོངས་སུ་མྱ་ངན་ལས་
D220.063.0031b06.01འདའ་བར་འགྱུར་རོ་ཞེས་སྨྲའོ། །ཤཱ་རིའི་བུ་འདི་ལྟར་དེའི་ཚེ་དགེ་སློང་དེ་དག་ཕལ་ཆེར་དེ་ལྟ་བུའི་བཟོད་པ་ཅན་དུ་འགྱུར་རོ། །ཤཱ་རིའི་བུ་དེ་ན་ཡང་སངས་རྒྱས་ཀྱི་གསུང་དོན་དམ་པར་ཉན་པར་འདུས་པའི་ལྷ་གང་ཡིན་པ་དེ་དག་གིས་དེ་ལྟ་བུའི་བཤད་པ་ཐོས་ནས། གཡང་ས་ཆེན་
D220.063.0031b07.01