完整藏文原文 · 德格版页 当前仅加载第 63 函德格 11a 版页；藏文 NFD、目录标记与异常页序保留在来源切片中，重复版页行以稳定序号区分。
སྟོང་པ་ཉིད་ཅེས་བྱའོ། །ཤཱ་རིའི་བུ་འདི་ལྟར་སྟོང་པ་ཉིད་ལ་དགེ་བའམ། མི་དགེ་བ་མེད་པ་དེས་ན་སྟོང་པ་ཉིད་ཅེས་བྱ་སྟེ། ཤཱ་རིའི་བུ་ཐ་ན་དེ་ལ་སྟོང་པ་ཉིད་ཀྱི་འདུ་ཤེས་ཀྱང་མེད་པ་དེས་ན་སྟོང་པ་ཉིད་ཅེས་བྱའོ། །ཤཱ་རིའི་བུ་འདུ་བྱེད་ཐམས་ཅད་ཤེས་
D220.063.0011a01.01པར་བྱ་སྟེ། དེ་ཡང་ཤེས་པ་མེད་པ་དང་། རྣམ་པར་ཤེས་པ་མེད་པ་དང་། ཡོངས་སུ་ཤེས་པ་མེད་པ་དང་། རྣམ་པར་དཔྱད་པ་མེད་པ་དང་། གནས་པ་མེད་པ་ཡིན་ཏེ། དེས་ན་སྟོང་པ་ཉིད་ཅེས་བྱའོ། །ཤཱ་རིའི་བུ་སྟོང་པ་ཉིད་ནི་སུས་ཀྱང་ཡིད་ལ་བྱ་བར་མི་ནུས་ཏེ།
D220.063.0011a02.01མཚན་མ་མེད་པར་མ་ཡིན། སྨོན་པ་མེད་པར་མ་ཡིན། མཚན་མ་ཡིད་ལ་བྱེད་པ་མེད་པར་མ་ཡིན་ཏེ། དེས་ན་སྟོང་པ་ཉིད་ཅེས་བྱའོ། །ཤཱ་རིའི་བུ་ཅིའི་ཕྱིར་སྟོང་པ་ཉིད་ཀྱིས་གནས་པ་ཞེས་གསུངས་ཞེ་ན། མཚན་མ་ཐམས་ཅད་དང་། ཐ་ན་སྟོང་པ་ཉིད་ཀྱི་མཚན་མ་ཡང་ཡིད་ལ་
D220.063.0011a03.01མི་བྱེད་པས་དེས་ན་སྟོང་པ་ཉིད་ཀྱིས་གནས་པ་ཞེས་བྱའོ། །མཚན་མ་སྤངས་པ་དེས་ན་མཚན་མ་མེད་པ་ཞེས་བྱའོ། །ཤཱ་རིའི་བུ་མཚན་མ་འདི་དག་གང་དུ་ཡང་ཅི་ཡང་ཡིད་ལ་མི་བྱེད་པ་དང་། ཡིད་ལ་བྱེད་པ་མེད་པ་དང་། མཚན་མ་མེད་པ་དང་། བརྡ་མེད་པ་དེས་ན་མཚན་མ་
D220.063.0011a04.01མེད་པ་ཞེས་བྱའོ། །ཤཱ་རིའི་བུ་གང་ཅུང་ཟད་མཚན་མར་འཛིན་ཅིང་དམིགས་པ་དེ་ནི་ལོག་པའི་ལྟ་བ་ཡིན་ནོ་ཞེས་གསུང་ངོ་། །དེ་ཅིའི་ཕྱིར་ཞེ་ན། ཤཱ་རིའི་བུ་ཆོས་འདུལ་བ་འདི་ལ་ཉེ་བར་ཞི་བར་དམིགས་ན་ཡང་ལོག་པར་ཞུགས་པ་ཡིན་ན་ཐ་སྙད་ལྟ་ཅི་སྨོས། གང་གི་ཐ་
D220.063.0011a05.01སྙད་ལྟ་ཅི་སྨོས། གང་དེའི་ཐ་སྙད་ལྟ་ཅི་སྨོས། ཤཱ་རིའི་བུ་ཅིའི་ཕྱིར་སངས་རྒྱས་བཅོམ་ལྡན་འདས་རྣམས་ཐ་སྙད་ལོག་པ་ཡིན་པར་རྒྱ་ཆེར་སྟོན་ཅེ་ན། ཤཱ་རིའི་བུ་ཐ་སྙད་འདི་དག་བདེན་པ་མ་ཡིན་པར་ཁྱོད་ཀྱིས་མི་ཤེས་ཏེ། དེས་ན་ལོག་པ་ཡིན་པར་དེ་བཞིན་གཤེགས་
D220.063.0011a06.01པས་ཐུགས་སུ་ཆུད་ནས་ཅུང་ཟད་ཙམ་གྱི་ཐ་སྙད་ཀྱང་དམིགས་སུ་མེད་པས། ཤཱ་རིའི་བུ་ཐ་སྙད་ནི་ལོག་པའི་ལྟ་བ་ཡིན་ནོ་ཞེས་གསུངས་སོ། །ཤཱ་རིའི་བུ་དེ་བཞིན་གཤེགས་པ་རྣམས་ཀྱི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ནི་དྲན་པ་མེད་པ་ཡིད་ལ་བྱེད་པ་མེད་པ་
D220.063.0011a07.01