完整藏文原文 · 德格版页 当前仅加载第 63 函德格 68a 版页；藏文 NFD、目录标记与异常页序保留在来源切片中，重复版页行以稳定序号区分。
འབྲས་བུ་ཐོབ་པ་ལྟ་ཅི་སྨོས་ཏེ་དེ་ནི་གནས་ཡོད་པ་མ་ཡིན་ནོ། །གང་ཟག་ཏུ་ལྟ་བ་ལ་ཀུན་ཏུ་རྟེན་པར་འགྱུར་བ་དེ་དག་གི་ལྟ་བ་གང་ཡིན་པ་དེ་ནི་སངས་རྒྱས་ཀྱིས་ཀྱང་དབྲལ་བར་མི་སྤྱོད་ན། ཉན་ཐོས་རྣམས་ཀྱིས་ལྟ་ཅི་སྨོས་ཏེ་དེ་ནི་གནས་ཡོད་པ་མ་ཡིན་ནོ། །ཤཱ་རིའི་བུ་
D220.063.0068a01.01གང་དག་གི་བདག་ཏུ་མངོན་པར་ཞེན་ཅིང་ཆགས་པ་དང་། སེམས་ཅན་དང་། སྲོག་དང་། གང་ཟག་ཏུ་མངོན་པར་ཞེན་ཅིང་ཆགས་པ་དེ་ལྟ་བུའི་འཛིན་པ་དེ་དག་གིས་རྣམ་པར་ཐར་པའི་སྒོ་རྣམས་ཐོས་ན། སྐྲག་པར་འགྱུར། དངང་བར་འགྱུར། ཀུན་ཏུ་དངང་བར་འགྱུར་རོ། །དེ་དག་
D220.063.0068a02.01སྔོན་གྱི་དུས་སུ་སྡིག་པ་མི་དགེ་བའི་ཆོས་ཀྱིས་ཕོངས་པར་འགྱུར་བའི་ལས་དང་ལྡན་པས་དེ་དག་འདི་ལྟ་བུའི་བདག་ཏུ་འཛིན་པ་དང་། སེམས་ཅན་དང་། སྲོག་དང་། གང་ཟག་ཏུ་འཛིན་པ་དེར་གདོན་མི་ཟ་བར་འགྲོ་བར་འགྱུར་ཏེ། དེ་དག་ལ་སངས་རྒྱས་བྱེ་བ་ཕྲག་བརྒྱ་སྟོང་གིས་ཆོ་འཕྲུལ་
D220.063.0068a03.01གསུམ་གྱིས་ཆོས་བསྟན་ཀྱང་དེ་དག་གིས་ཆོས་ཀུན་ཤེས་པར་མི་ནུས་སོ། །ཤཱ་རིའི་བུ་ལྕགས་ཀྱི་མཚོན་རྣོན་པོས་ལྕེ་ཀུན་ཏུ་བཅད་ཅིང་གཏུབས་པ་ནི་བླའི། ཚུལ་ཁྲིམས་ཉམས་པའམ། ལྟ་བ་ཉམས་པའམ། སྤྱོད་པ་ཉམས་པའམ། འཚོ་བ་ཉམས་པའི་རྒྱུས་མངོན་སུམ་
D220.063.0068a04.01དུ་མ་མཐོང་བར་གླེང་བ་དང་། སངས་རྒྱས་ཀྱིས་གསུངས་པའི་མདོ་སྡེའི་ཚིག་དང་ཡི་གེ་རྣམས་ལ་མ་བརྟགས་པར་སྨོད་པར་བྱེད་པ་ནི་དེ་ལྟ་མ་ཡིན་ནོ། །ཤཱ་རིའི་བུ་མ་འོངས་པའི་དུས་ན་དགེ་སློང་དག་སོ་སོར་ཐར་པའི་སྡོམ་པས་མ་བསྡམས་པ་དག་འབྱུང་བར་འགྱུར་ཏེ། དེ་དག་ཚུལ་
D220.063.0068a05.01ཁྲིམས་ཀྱིས་རྒྱགས་པ་སྐྱེད་པར་བྱེད་དེ། བདག་ནི་ཚུལ་ཁྲིམས་དང་ལྡན་གྱི། འདི་དག་ནི་དེ་བཞིན་དུ་མ་ཡིན་ཏེ། སྤྱོད་པ་གཞན་ཡིན་ནོ་ཞེས་དེ་དག་ཕན་ཚུན་དུ་ཟིལ་གྱིས་གནོན་པར་འགྱུར་རོ། །ཤཱ་རིའི་བུ་དགེ་སློང་དག་ཕལ་ཆེར་བདག་ནི་ཚུལ་ཁྲིམས་དང་ལྡན་གྱི། འདི་ནི་དེ་
D220.063.0068a06.01ལྟར་ཚུལ་ཁྲིམས་དང་ལྡན་པ་མ་ཡིན་ནོ། །བདག་ནི་མང་དུ་ཐོས་པ་ཡིན་ཏེ། འདི་ནི་དེ་ལྟར་མང་དུ་ཐོས་པ་མ་ཡིན་ནོ་ཞེས་ཚུལ་ཁྲིམས་ལ་གཙོ་བོར་བྱེད་པར་འགྱུར་རོ། །ཤཱ་རིའི་བུ་དགེ་སློང་དེ་དག་ནི་ཕལ་ཆེར་དགོན་གནས་སུ་འབྱུང་བར་འགྱུར་ཏེ། ཚུལ་ཁྲིམས་སྲུང་བར་བྱེད་པ།
D220.063.0068a07.01