完整藏文原文 · 德格版页 当前仅加载第 63 函德格 74a 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱིན་ཅི་ལོག་པ་རྣམས་ཀྱིས་ཆོས་ཀྱི་རྣམ་གྲངས་འདི་ཀུན་ཏུ་ཤེས་པའམ། འཇུག་པའམ། མོས་པའམ། ཁོང་དུ་ཆུད་པར་མི་ནུས་ཏེ། དེ་ནི་གནས་ཡོད་པ་མ་ཡིན་ནོ། །དེ་ཅིའི་ཕྱིར་ཞེ་ན། ཀུན་དགའ་བོ་འདི་ལྟར་སྐྱེས་བུ་དམ་པ་མ་ཡིན་པ་དེ་དག་ནི་དམན་པ་ཡིན་ལ། སངས་རྒྱས་ཀྱི་བྱང་ཆུབ་འདི་ནི་རྒྱ་
D220.063.0074a01.01ཆེན་པོ་ཡིན་པའི་ཕྱིར་རོ། །ཀུན་དགའ་བོ་དཔེར་ན་འཇིག་རྟེན་གྱི་ཁམས་བྱེ་བ་སྟོང་པས་ལྷག་པ་བས་ཀྱང་སྐྱེས་བུ་གཏི་མུག་དེ་རྣམས་ཀྱི་དགེ་སྦྱོང་གི་ཚུལ་ཁྲིམས་དེ་ལྟར་ཐག་རིང་ན། དགེ་སྦྱོང་གིས་འཐོབ་པར་འགྱུར་བ་ལྟ་ཅི་སྨོས། རྗེས་སུ་འཐུན་པའི་བཟོད་པ་ལྟ་ཅི་སྨོས། མྱ་ངན་ལས་འདས་པ་ལྟ་ཅི་སྨོས། ཀུན་
D220.063.0074a02.01དགའ་བོ་ཇི་ཙམ་དུ་དགེ་སློང་ཡོན་ཏན་མ་ཡིན་པ་དང་ལྡན་པ་རྣམས་དང་། ཇི་ཙམ་དུ་ཡོན་ཏན་མེད་པ་རྣམས་དང་། ཇི་ཙམ་དུ་དམན་པ་རྣམས་དང་། ཇི་ཙམ་དུ་ཤིན་ཏུ་དམན་པ་རྣམས་དང་། ཇི་ཙམ་དུ་ལེ་ལོ་ཅན་རྣམས་དང་། ཇི་ཙམ་དུ་བརྐམ་ཆགས་པ་རྣམས་དང་། ཇི་ཙམ་དུ་ཁྲོ་བ་རྣམས་དང་། ཇི་ཙམ་དུ་མ་དད་པ་
D220.063.0074a03.01རྣམས་དང་། ཇི་ཙམ་དུ་གནོད་སེམས་མང་བ་རྣམས་དང་། ཇི་ཙམ་དུ་འཁུ་བ་རྣམས་དང་། ཇི་ཙམ་དུ་ཉེས་པ་འཕེལ་བ་རྣམས་འབྱུང་བར་འགྱུར་བ་དེའི་ཚེ། ཇི་ཙམ་དུ་འདི་གསུངས་ཀྱང་ཁྱེད་ཀྱིས་ཤེས་པར་སླ་བ་མ་ཡིན་ནོ། །ཤཱ་རིའི་བུ་དཔེར་ན་སྐྱེས་བུ་ཞིག་རང་གི་འབྲས་ཀྱི་ཞིང་ལ་མེ་གཏོང་བ་དང་། ཁ་ཟས་གཡོས་
D220.063.0074a04.01ཟིན་པ་ལ་དུག་འདེབས་པ་དང་། མེ་འདེ་བར་འདོད་ནས་རང་གི་ཁྱིམ་སྲེག་པར་བྱེད་ན། ཇི་ག་དེའི་དེ་འོས་པར་འགྱུར་རམ། གསོལ་པ། བཅོམ་ལྡན་འདས་དེ་ནི་འོས་པ་མ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་དེ་བཞིན་དུ་སྐྱེས་བུ་དམ་པ་མ་ཡིན་པ་འདི་ཡང་ངའི་སངས་རྒྱས་ཀྱི་བྱང་ཆུབ་འདི་
D220.063.0074a05.01ལ་བརྟེན་ཏེ་རབ་ཏུ་འབྱུང་བས་ཉེ་བར་འཚོ་བར་འགྱུར་ཡང་དེ་བཞིན་གཤེགས་པའི་ཡོན་ཏན་རྣམས་ལ་ནི་རྟོག་པར་མི་འགྱུར། མངོན་པར་དད་པར་མི་འགྱུར། མོས་པར་མི་འགྱུར་ཞིང་། དེ་བཞིན་གཤེགས་པས་གསུངས་པའི་མདོ་སྡེ་འདི་ལྟ་བུ་འདི་དག་ཡང་དག་པ་ཇི་ལྟ་བ་བཞིན་དུ་བསྐུལ་བ་ན། བདག་ཉིད་རྨ་དང་
D220.063.0074a06.01བཅས་པར་ཤེས་ནས་སྨོད་པར་འགྱུར་ཏེ། གང་ཁོ་ནས་འཚོ་བར་བྱེད་པ་དེ་ཁོ་ནས་སྨོད་པར་འགྱུར་རོ། །ཀུན་དགའ་བོ་དེ་ལྟར་ཤེས་རབ་འཆལ་པ་རྣམས་ཀྱིས་འཛམ་བུའི་གླིང་གང་བར་འགྱུར་ན། ཀུན་དགའ་བོ་སྐྱེས་བུ་གཏི་མུག་དེ་དག་གི་སྤྱོད་ལམ་ཡོངས་སུ་བཙལ་བ་དེས་ཁྱོད་ལ་ཅི་བྱ། གསོལ་པ།
D220.063.0074a07.01