完整藏文原文 · 德格版页 当前仅加载第 63 函德格 76a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་དག་བསམ་གཏན་མི་སྒོམ་ན། །འཐོབ་པ་འབྱུང་བར་ག་ལ་འགྱུར། །ཐོབ་པ་མེད་པར་ཐོབ་སྨྲ་ཞིང་། །འཆི་བ་མྱ་ངན་འདས་སྨྲས་ནས། །དད་པས་མཆོད་རྟེན་བྱེད་བཅུག་པ། །དེ་དག་ངན་འགྲོར་འགྲོ་བར་འགྱུར། །འདི་འདྲའི་རྨོངས་པས་རྒས་པ་དག །ཕན་ཚུན་གུས་པ་མེད་པ་ཡིས། །
D220.063.0076a01.01བསྐལ་པ་བྱེ་བར་རྙེད་དཀའ་བའི། །བྱང་ཆུབ་ཉམས་པར་བྱེད་པར་འགྱུར། །དེ་ནས་གཞན་ཡང་ས་ཡི་ལྷ། །ཤཱཀྱ་སེང་གེ་སྐྱོབ་པ་ཡི། །དམ་ཆོས་འཁྲུག་པར་གྱུར་ཏོ་ཞེས། །འཇིགས་སུ་རུང་བའི་སྨྲེ་སྔགས་འདོན། །ས་ལྷ་ཆོ་ངེས་འདེབས་ཐོས་ནས། །གོང་མའི་ལྷ་རྣམས་སྐྱོ་བར་འགྱུར། །རྒྱལ་པོ་
D220.063.0076a02.01ཆེན་པོ་བཞི་པོ་ཡང་། །དེ་ཡི་ཚེ་ན་འོང་བར་འགྱུར། །ལྕང་ལོ་ཅན་གྱི་ཕོ་བྲང་ནས། །གནོད་སྦྱིན་ཚོགས་དག་ལྷགས་ནས་ནི། །ཀུན་ཏུ་སྨྲེ་ཞིང་ངུ་གདོང་གིས། །འཇིགས་སུ་རུང་བ་སྨྲ་བར་འགྱུར། །རིན་ཆེན་སྣ་ཚོགས་ཀུན་མཛེས་པས། །གྲོང་ཁྱེར་ཤིན་ཏུ་བརྒྱན་པ་དག །དེ་ཚེ་ཕྱག་དར་ཁྲོད་ལྟ་
D220.063.0076a03.01བུར། །ཐམས་ཅད་ཁ་དོག་ཉམས་པར་འགྱུར། །གྲོང་ཁྱེར་གཙོ་བོ་དེ་དག་ན། །དེ་རྣམས་དགའ་བ་མི་རྙེད་ཅིང་། །སྙིང་རྗེའི་ང་རོ་སྨྲེ་སྔགས་ཀྱིས། །དེ་དང་དེར་ནི་ཀུན་ཏུ་འདོང་། །དེ་ཚེ་དེ་དག་བརྡ་སྤྲོད་པ། །ཕན་ཚུན་ནུས་པ་མེད་ནས་ནི། །ང་ནི་གང་དུ་གཏམ་གྱུར་པ། །དེར་ནི་ལྷ་རྣམས་འདོང་བར་འགྱུར། །
D220.063.0076a04.01མཐོང་ནས་ཀྱང་ནི་ལྟུང་བ་དང་། །ཤིན་ཏུ་འཇིགས་པ་འབྱུང་བར་འགྱུར། །འཛམ་བུའི་གླིང་དུ་ཕྱིན་པ་དག །འཇིགས་པ་ཆེན་པོ་འདི་མཐོང་འགྱུར། །རྣམ་པར་ཉམས་པས་རྒྱལ་སྲས་རྣམས། །བདག་ཉིད་སོ་སོར་གདུང་བར་བྱེད། །ཞག་བདུན་དུ་ནི་གྲོང་ཁྱེར་དང་། །གྲོང་རྡལ་མྱ་ངན་གདུངས་པར་
D220.063.0076a05.01འགྱུར། །ཞག་བདུན་དུ་ནི་ལྷ་རྣམས་ཀྱང་། །ཀྱེ་མ་སངས་རྒྱས་ཀྱེ་དཔའ་བོ། །མངོན་སུམ་དུ་ནི་མཐོང་ངོ་ཞེས། །ཡང་དང་ཡང་དུ་ཆོ་ངེས་འདེབས། །མྱ་ངན་འདས་གཞན་གང་ཡིན་པ། །དེ་དག་རྣམས་ཀྱང་མཐོང་མི་འགྱུར། །མཉན་ཡོད་བཞུགས་པར་གང་དག་ཀྱང་། །བསྙེན་བཀུར་ཆེད་དུ་
D220.063.0076a06.01ལྷགས་པ་དག །གང་དུ་དེ་བཞིན་གཤེགས་པ་ཡིས། །བདག་ཅག་རྣམས་ལ་མངོན་སུམ་དུ། །བདེན་པ་བཞི་དག་གསུངས་པ་ཡི། །དེ་ཚེ་སྟོན་པའི་གདན་འདི་ཡིན། །དེ་དག་ས་གནས་དེ་ལ་ནི། །ཡང་དང་ཡང་དུ་ཆོ་ངེས་འདེབས། །གཞན་དག་ཀྱང་ནི་བལྟས་པ་ན། །ཕན་ཚུན་གུས་
D220.063.0076a07.01