完整藏文原文 · 德格版页 当前仅加载第 63 函德格 24b 版页；藏文 NFD、目录标记与异常页序保留在来源切片中，重复版页行以稳定序号区分。
འཕགས་པའི་ལམ་ལས་ཕྱི་རོལ་པ་ཞེས་བྱའོ། །དགེ་སྦྱོང་ཆུ་སྐྱར་ཞེས་བྱའོ། །དགེ་སྦྱོང་སུན་འབྱིན་པ་ཞེས་བྱ་སྟེ། དེ་དག་ངའི་བསྟན་པ་འདི་ལ་རབ་ཏུ་བྱུང་ནས་བསོད་ནམས་མ་ཡིན་པའི་ཕུང་པོ་མང་དུ་འཐོབ་པར་འགྱུར་རོ། །ཤཱ་རིའི་བུ་དེ་དག་ནི་དེ་བཞིན་གཤེགས་པའི་
D220.063.0024b01.01བསྟན་པ་ལ་ཐབ་ཁྲོལ་བ་ཡིན་ནོ། །ཤཱ་རིའི་བུ་དེ་དག་ནི་དེ་བཞིན་གཤེགས་པའི་བསྟན་པ་ལ་ཆོམ་རྐུན་ཆོས་སུན་འབྱིན་པ་ཡིན་ནོ། །ཤཱ་རིའི་བུ་སྐྱེས་བུ་དམ་པ་མ་ཡིན་པ་དེ་དག་ནི་ཚུལ་འཆོས་པ། འཚོ་བ་ལྷུར་ལེན་པ། འཇིག་རྟེན་གྱི་ཟང་ཟིང་གིས་བཀོལ་བ། ཟས་དང་བགོ་བ་
D220.063.0024b02.01ལྷུར་ལེན་པ་ཡིན་ནོ། །ཤཱ་རིའི་བུ་དཔེར་ན་མ་ནིང་ནི་བུད་མེད་ཀྱང་མ་ཡིན། སྐྱེས་པ་ཡང་མ་ཡིན་ནོ་ཞེས་བརྗོད་པར་བྱའོ། །ཤཱ་རིའི་བུ་དེ་བཞིན་དུ་ཚུལ་ཁྲིམས་འཆལ་པའི་དགེ་སློང་ཡང་ཁྱིམ་པ་ཡང་མ་ཡིན་དགེ་སྦྱོང་ཡང་མ་ཡིན་ནོ་ཞེས་བརྗོད་པར་བྱ་སྟེ། དེའི་ཐ་སྙད་ཀྱི་བདེན་པའི་ཚིག་གི་དོན་
D220.063.0024b03.01གྱི་{བླ་དགས་,བླ་དྭགས་}ནི་སེམས་ཅན་དམྱལ་བ་ཞེས་བྱ་བ་ཁོ་ན་ཡིན་ནོ། །ཤཱ་རིའི་བུ་དཔེར་ན་བྱ་མ་བྱི་ནི་འདབ་ཆགས་ཀྱི་བྲེལ་བ་བྱུང་ན་ནི་ཕུག་ཏུ་ཞུགས་ནས་བྱི་བའི་འདུ་ཤེས་འབྱིན་ནོ། །བྱི་བའི་བྲེལ་བ་བྱུང་ན་ནི་འདབ་ཆགས་རྣམས་ཀྱི་གྲངས་ཀྱི་ཁ་སྐོང་བར་བྱེད་དོ། །དེ་ལ་ནི་བྱ་བ་དང་བསྐྱོད་པའི་
D220.063.0024b04.01མཐུ་ཡོད་པ་མ་ཡིན། སྐད་དང་གདངས་ཆེན་པོ་འབྱིན་པ་མ་ཡིན། ཁ་དོག་བཟང་པོ་དང་ངན་པའི་གནས་རྣམས་བསྟན་དུ་མེད་དེ། འདི་ལྟར་མུན་ཁུང་ཉིད་ལ་སྟེན་པ་དང་། དེ་བདག་ཉིད་ཀྱི་རང་བཞིན་ཡང་དྲི་མི་ཞིམ་པ་ཡིན་ནོ། །ཤཱ་རིའི་བུ་དེ་བཞིན་དུ་ཚུལ་ཁྲིམས་འཆལ་པའི་
D220.063.0024b05.01དགེ་སློང་ཡང་བྱ་བ་དང་བསྐྱོད་པ་ལ་མཐུ་མེད་པར་འགྱུར་ཏེ། རྒྱལ་པོའི་ལས་ལ་ནི་དགེ་སྦྱོང་དང་ཐུན་མོང་བཟང་པོའི་ལས་ལ་ནི་ཁྱིམ་པ་དང་ཐུན་མོང་དུ་བྱེད་དེ། དེ་ལྟ་བས་ན་དེ་ནི་ཁྱིམ་པ་ཡང་མ་ཡིན་དགེ་སྦྱོང་ཡང་མ་ཡིན་པར་བརྗོད་པར་བྱའོ། །རོའམ་མགལ་མེའི་འཁོར་ལོ་བཞིན་དུ་
D220.063.0024b06.01བྱ་བ་དང་གཡོ་བ་ཡོངས་སུ་ཉམས་པར་དེ་ཉིད་ཀྱིས་ཚུལ་ཁྲིམས་ཀྱི་དྲི་ཡོད་པ་མ་ཡིན། ཏིང་ངེ་འཛིན་གྱི་དྲི་ཡོད་པ་མ་ཡིན། ཤེས་རབ་ཀྱི་དྲི་ཡོད་པ་མ་ཡིན། རྣམ་པར་གྲོལ་བའི་དྲི་ཡོད་པ་མ་ཡིན། རྣམ་པར་གྲོལ་བའི་ཡེ་ཤེས་མཐོང་བའི་དྲི་ཡོད་པ་མ་ཡིན་གྱི། གཞན་དུ་ན་དེ་ལ་
D220.063.0024b07.01