完整藏文原文 · 德格版页 当前仅加载第 63 函德格 73a 版页；藏文 NFD、目录标记与异常页序保留在来源切片中，重复版页行以稳定序号区分。
བོ་འདུས་བྱས་གང་ལ་དེ་བཞིན་གཤེགས་པའི་ཡེ་ཤེས་འཇུག་པ་དེ་ནི་རང་སངས་རྒྱས་ཐམས་ཅད་ཀྱིས་སམ། དགྲ་བཅོམ་པ་ཐམས་ཅད་ཀྱིས་ཀྱང་བསམ་པའམ་ཤེས་པར་མི་ནུས་སོ། །ཀུན་དགའ་བོ་དེ་བཞིན་གཤེགས་པས་མངོན་པར་མཁྱེན་པའི་ཆོས་གང་ཡིན་པ་དེ། གལ་ཏེ་དེ་
D220.063.0073a01.01བཞིན་གཤེགས་པས་རབ་ཏུ་བསྟན་ན་ཁྱེད་ཅག་ཀྱང་མོས་པར་འགྱུར་ན། དེ་བཞིན་གཤེགས་པས་གསུངས་པའི་ཡོན་ཏན་ལ་གང་དག་གིས་རྟོག་པར་མི་འགྱུར་བ་ལྟ་ཅི་སྨོས། ཀུན་དགའ་བོ་དེ་བཞིན་གཤེགས་པས་གསུངས་པའི་མདོ་སྡེ་དེ་ལྟ་བུ་དེ་ལ་དེའི་ཚེ་དགེ་སློང་དག་དད་པར་མི་འགྱུར་ན། གང་དག་དེ་
D220.063.0073a02.01བཞིན་གཤེགས་པས་སྐྱེས་བུ་བླུན་པོ་དེ་དག་གི་འགྲོ་བ་དེ་དག་ནི་འདིར་འགྱུར་རོ་ཞེས་འགྲོ་བ་ཐམས་ཅད་ལུང་བསྟན་པ་ལྟ་ཅི་སྨོས། དེ་ཅིའི་ཕྱིར་ཞེ་ན། ཀུན་དགའ་བོ་གང་གི་ཕྱིར་བདེན་པའི་ཡོན་ཏན་འདི་དག་གསུང་བ་ནི་དེ་ལྟར་འགྱུར་བའི་ཕྱིར་རོ། །ཀུན་དགའ་བོ་ད་ལྟར་གྱི་དགེ་སློང་ལེ་ལོ་ཅན་གང་ཡིན་
D220.063.0073a03.01པ་དེ་དག་ཐམས་ཅད་ནི་དེའི་ཚེ་བརྩོན་འགྲུས་རྩོམ་ན། ཚུལ་ཁྲིམས་མཐུ་ཅན་མ་ཡིན། སྤྱོད་པ་མཐུ་ཅན་མ་ཡིན། སྤྱོད་ལམ་དང་བརྩོན་འགྲུས་མཐུ་ཅན་མ་ཡིན། ཤེས་རབ་མཐུ་ཅན་མ་ཡིན་ནོ། །ཀུན་དགའ་བོ་གལ་ཏེ་དེ་བཞིན་གཤེགས་པས་སྐྱེས་བུ་བླུན་པོ་དེ་དག་གི་སྤྱོད་པ་ཐམས་ཅད་ལུང་
D220.063.0073a04.01བསྟན་ན། དེ་དག་དེ་བཞིན་གཤེགས་པའི་གསུང་ལ་མ་དད་པས་ལྷག་པར་ཡང་ལས་ཤིན་ཏུ་དྲག་པོ་མངོན་པར་འདུ་བྱེད་པར་འགྱུར་ཞིང་། ཀུན་དགའ་བོ་ཁྱེད་ཀྱང་ཡིད་མི་བདེ་བ་ཆེན་པོ་སྐྱེ་བར་འགྱུར་རོ། །ཀུན་དགའ་བོ་གང་ཡང་ཁྱེད་ཀྱིས་ཀྱང་འདི་དག་གཞལ་བར་མི་ནུས་ཏེ། ཇི་ཙམ་དུ་སྐྱེས་
D220.063.0073a05.01བུ་དམ་པ་མ་ཡིན་པ་སྡིག་པ་འདོད་པ་དེ་དག་དེའི་ཚེ་འབྱུང་ཞིང་། གང་ཡང་དེའི་ཚེ་སངས་རྒྱས་ཀྱི་གསུང་མི་ཚོལ་བར་འགྱུར་རོ། །ཀུན་དགའ་བོ་འདི་ཇི་སྙམ་དུ་སེམས། གདིང་བ་དང་། གཡོགས་པར་བཤམས་པའི་ཁྲི་གང་ཡིན་པ་དེ་ལ་ཕག་གི་ཕྲུག་གུ་འདུག་ཏུ་བཅུག་ན། ཇི་ག་དེ་དེ་ལ་འདུག་པར་འགྱུར་རམ།
D220.063.0073a06.01དགའ་བ་འཐོབ་པར་འགྱུར་རམ། མངོན་པར་དགའ་བ་སྐྱེ་བར་འགྱུར་རམ། གསོལ་པ། བཅོམ་ལྡན་འདས་དེ་ནི་མི་འགྱུར་ལགས་སོ། །བཀའ་སྩལ་པ། ཀུན་དགའ་བོ་དེ་བཞིན་དུ་སངས་རྒྱས་ཀྱི་བྱང་ཆུབ་འདི་ནི་མཁས་པས་རིག་པར་བྱ་བ་ཡིན་ནོ། །གང་དག་སངས་རྒྱས་ཀྱི་བྱང་ཆུབ་དེ་ལ་འཇུག་པར་
D220.063.0073a07.01