完整藏文原文 · 德格版页 当前仅加载第 63 函德格 67b 版页；藏文 NFD、目录标记与异常页序保留在来源切片中，重复版页行以稳定序号区分。
འཇིགས་པས་སྐྲག་ནས་རྙེད་པ་དང་། བཀུར་སྟི་ལ་ལྷག་པར་ཞེན་པར་འགྱུར་ཞིང་། དེ་ནི་དེའི་བར་དུ་གཅོད་པར་ཡང་འགྱུར་རོ། །ཤཱ་རིའི་བུ་ཅི་ནས་ཀྱང་བདག་ཏུ་ལྟ་བ་དང་ལྡན་པ་དང་། སེམས་ཅན་དུ་ལྟ་བ་དང་ལྡན་པ་དང་། སྲོག་ཏུ་ལྟ་བ་དང་ལྡན་པ་དང་། གང་ཟག་ཏུ་ལྟ་བ་དང་ལྡན་པ་
D220.063.0067b01.01དག །ཤཱ་རིའི་བུ་བསྟན་པ་འདི་ལ་རབ་ཏུ་བྱུང་ནས་རབ་ཏུ་བྱུང་བ་ཡིན་ནོ་ཞེས་ཐ་སྙད་འདོགས་པར་འགྱུར་ཏེ། སྐྱེས་བུ་བླུན་པོ་དེ་དག་ནི་འཕགས་པ་རྣམས་རབ་ཏུ་བྱུང་བའི་ཕྱིར་རབ་ཏུ་བྱུང་བ་མ་ཡིན་ནོ། །དེ་ཅིའི་ཕྱིར་ཞེ་ན། ཤཱ་རིའི་བུ་འདི་ནི་གཅེར་བུ་པའི་རབ་ཏུ་བྱུང་བ་ཡིན་ཏེ། འདི་ལྟ་སྟེ། གང་
D220.063.0067b02.01ཟག་ཏུ་ལྟ་བ་རྣམས་དང་། དམིགས་པའི་ལྟ་བ་ཅན་རྣམས་ཀྱི་རབ་ཏུ་བྱུང་བ་ལ་སྔོན་བསྟན་པ་ཡིན་པའི་ཕྱིར་རོ། །ཤཱ་རིའི་བུ་དེ་དག་ནི་སྐྱེ་བ་དེ་དང་དེ་དག་ཏུ་དེ་ལྟ་བུའི་ཁ་བྱའི་རབ་ཏུ་བྱུང་བར་གྱུར་ཏེ། དེའི་དེ་ཉིད་གཅེར་བུ་པའི་སྨྲ་བ་རྣམས་ཀྱི་རབ་ཏུ་བྱུང་བ་ཡིན་པར་བསྟན་གྱི་འཕགས་པ་རྣམས་ཀྱི་རབ་ཏུ་བྱུང་
D220.063.0067b03.01བ་ནི་མ་ཡིན་ནོ། །དེ་ཅིའི་ཕྱིར་ཞེ་ན། ཤཱ་རིའི་བུ་འདི་ལྟར་དམན་པའི་སེམས་ནི་རྒྱ་ཆེན་པོ་ལ་མི་འཇོག་ཅིང་མོས་པ་སྐྱེ་བར་མི་འགྱུར་ལ། དོན་དམ་པ་བདེན་པའི་ཚུལ་ལ་མི་གནས་པའི་ཕྱིར་རོ། །དེ་ཅིའི་ཕྱིར་ཞེ་ན། ཤཱ་རིའི་བུ་དེ་ནི་ཆོས་ཀྱིས་ཕོངས་པར་འགྱུར་བའི་ལས་ཡིན་ཏེ། སྔོན་སྡིག་པ་མི་དགེ་
D220.063.0067b04.01བའི་ལས་མངོན་པར་འདུས་བྱས་པ་དང་། འཕགས་པའི་ལམ་དང་མི་འཐུན་པར་བྱས་པ་དང་། དགེ་སློང་ཚུལ་ཁྲིམས་དང་ལྡན་པ་དག་ལ་མ་དད་པར་བྱས་པ་དང་། གཞན་དག་གི་ཚུལ་ཁྲིམས་ཉམས་པའམ། སྤྱོད་པ་ཉམས་པའམ། འཚོ་བ་ཉམས་པའི་རྒྱུ་དག་མངོན་སུམ་དུ་མ་
D220.063.0067b05.01མཐོང་བར་གླེངས་པ་དང་། རྣམ་པར་འཚེ་བའི་སེམས་ཀྱིས་མ་དད་པ་མང་དུ་བྱས་པ་དང་། གཞན་གྱི་བསྔགས་པ་མ་ཡིན་པ་བརྗོད་པ་དང་། དེས་སངས་རྒྱས་ཀྱིས་གསུངས་པའི་མདོ་སྡེའི་ཚིག་དང་། ཡི་གེ་རྣམས་ལ་མ་བརྟགས་པར་སྨད་པའི་ཕྱིར་རོ། །ཤཱ་རིའི་བུ་སྡིག་པ་མི་དགེ་བ་དེ་ལྟ་བུ་དེ་
D220.063.0067b06.01དག་གི་ཆོས་ཀྱིས་ཕོངས་པར་འགྱུར་བའི་ལས་བྱས་ཤིང་བསགས་པས་སངས་རྒྱས་ཀྱི་གསུང་དོན་དམ་པ་འདི་ལ་སེམས་མི་འཇུག་ཅིང་མ་དད་དེ། དེའི་རྣམ་པར་སྨིན་པ་གང་ཡིན་པས་འབད་བརྩལ་ཏེ་བརྩོན་འགྲུས་བརྩམས་ན་ཡང་དམིགས་པའི་གནས་སྐབས་ཙམ་ཡང་བཟུང་བར་མི་ནུས་ན།
D220.063.0067b07.01