完整藏文原文 · 德格版页 当前仅加载第 63 函德格 12a 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་ཀྱི་ཐམས་ཅད་དུ་འཛིན་པའི་འདུ་ཤེས་མེད་པ་དང་། གཉིས་ཀྱི་ལས་མེད་པ་དང་། གནས་མེད་པ་དང་། ཀུན་ཏུ་གནས་མེད་པ་སྟེ། དེ་ཉིད་ཀྱི་ཕྱིར་འཕགས་པ་རྣམས་ཀྱི་རྣམ་པར་མི་རྟོག་པ་ནི་དྲན་པ་ཉེ་བར་གཞག་པ་ཞེས་བྱའོ། །
D220.063.0012a01.01དེ་ལྟར་དེ་བཞིན་གཤེགས་པས་དྲན་པ་ཉེ་བར་གཞག་པ་གསུངས་པ་དངོས་པོའི་རྗེས་སུ་འགྲོ་བ་དེ་དག་ནི་དྲན་པ་ཉེ་བར་གཞག་པ་ཞེས་བྱའོ། །ཤཱ་རིའི་བུ་ཡང་སངས་རྒྱས་རྗེས་སུ་དྲན་པ་ཞེས་བྱ་བ་གང་ཞེ་ན། དངོས་པོ་མེད་པར་མཐོང་བ་ནི་སངས་རྒྱས་རྗེས་སུ་དྲན་
D220.063.0012a02.01པ་ཞེས་བྱའོ། །སངས་རྒྱས་ཀྱང་བསམ་གྱིས་མི་ཁྱབ་པ། མཚུངས་པ་མེད་པ། སེམས་པ་དེ་བཞིན་ཉིད་དང་བཅས་པ་ནི་སངས་རྒྱས་རྗེས་སུ་དྲན་པ་ཞེས་བྱའོ། །ཤཱ་རིའི་བུ་སེམས་པ་དེ་བཞིན་ཉིད་དང་བཅས་པ་གང་ཞེ་ན། སངས་རྒྱས་བཅོམ་ལྡན་འདས་རྣམས་
D220.063.0012a03.01ནི་རྟོག་པ་མེད་པ། རྣམ་པར་མི་རྟོག་པ། རྟོག་པ་དང་རྣམ་པར་རྟོག་པར་མེད་པ་ཡིན་ཏེ། དེས་ན་སངས་རྒྱས་རྗེས་སུ་དྲན་པ་ཞེས་བྱའོ། །རང་གི་ངོ་བོ་མཐོང་བས་སངས་རྒྱས་མཐོང་བ་ཡིན་ནོ། །རང་གི་ངོ་བོ་མཐོང་བ་གང་ཞེ་ན། དངོས་པོ་མེད་ལ་དངོས་པོ་མེད་པ་མཐོང་བ་
D220.063.0012a04.01ནི་སངས་རྒྱས་རྗེས་སུ་དྲན་པ་ཡིན་ནོ། །སངས་རྒྱས་མཐོང་བ་ལ་ནི་སེམས་དང་སེམས་ལས་བྱུང་བའི་ཆོས་རྣམས་ཀྱིས་རྗེས་སུ་དྲན་པའི་ལས་ཕྲ་རབ་ཙམ་ཡང་དམིགས་སུ་མེད་དེ། དེས་ན་སངས་རྒྱས་རྗེས་སུ་དྲན་པ་ཞེས་བྱའོ། །ཤཱ་རིའི་བུ་ཆོས་དེ་ནི་ཐ་སྙད་བཅད་པ་ཡིད་
D220.063.0012a05.01ལ་བྱེད་པ་ཚར་བཅད་པ་ཡིན་ཏེ་རྗེས་སུ་དྲན་པས་ཀྱང་རྗེས་སུ་དྲན་པར་བྱ་བར་སླ་བ་མ་ཡིན་པས་དེའི་ཕྱིར་སངས་རྒྱས་རྗེས་སུ་དྲན་པ་ཞེས་བྱའོ། །ཤཱ་རིའི་བུ་ཆོས་དེ་ནི་ཡིད་ལ་བྱེད་པ་ཐམས་ཅད་ཉེ་བར་ཞི་བ་ཡིན་ཏེ། དེ་ལ་གང་དག་མངོན་པར་བརྩོན་པ་དེ་དག་གི་སངས་རྒྱས་
D220.063.0012a06.01རྗེས་སུ་དྲན་པ་ནི་གང་དེ་བཞིན་གཤེགས་པ་ལ་གཟུགས་ཀྱི་མཚན་མར་ཡིད་ལ་མི་བྱེད་དོ། །དེ་ཅིའི་ཕྱིར་ཞེ་ན། ཤཱ་རིའི་བུ་རྣམ་པར་ཤེས་པ་ནི་རྟག་ཏུ་གཟུགས་ཀྱི་མཚན་མ་ཙམ་ལ་ཆུམས་པ་ཡིན་ནོ། །གཟུགས་མེད་པ་ལ་དམིགས་པ་དངོས་པོ་མེད་པ་ནི་སངས་རྒྱས་རྗེས་
D220.063.0012a07.01