完整藏文原文 · 德格版页 当前仅加载第 63 函德格 25b 版页；藏文 NFD、目录标记与异常页序保留在来源切片中，重复版页行以稳定序号区分。
སོང་ཡོངས་སུ་རྫོགས་པར་བྱ་བའི་ཕྱིར་ཞུགས་པ་ཡིན་ནོ། །ཤཱ་རིའི་བུ་གཞན་ཡང་ཚུལ་ཁྲིམས་འཆལ་པའི་དགེ་སློང་ནི་སྤྱི་བརྟོལ་ཅན་ཡིན། མུ་ཅོར་སྨྲ་བ་ཡིན། ཐུགས་ཐུབ་ཅན་ཡིན། ཕལ་པའི་དབང་པོ་ཅན་ཡིན་ནོ། །ལུས་ཀྱི་ལས་མི་གཙང་བ་རྣམས་དང་ལྡན་པ་ཡིན་ནོ། །ངག་གི་ལས་མི་
D220.063.0025b01.01གཙང་བ་རྣམས་དང་། ཡིད་ཀྱི་ལས་མི་གཙང་བ་རྣམས་དང་ལྡན་པ་ཡིན་ནོ། །སྤྱོད་ལམ་མི་གཙང་བ་རྣམས་དང་ལྡན་པ་ཡིན་ནོ། །ཆོས་གོས་མི་གཙང་བའི་དགོན་པ་དང་ལྡན་པ་ཡིན་ནོ། །{བརྫུན་,རྫུན་}དུ་སྨྲ་བ་ཡིན། ངག་མ་བསྡམས་པ་ཡིན། སེམས་ཀུན་ནས་ཉོན་མོངས་པ་ཅན་ཡིན་ནོ། །
D220.063.0025b02.01ཤཱ་རིའི་བུ་དཔེར་ན་ས་ལས་བྱས་པའི་སྣོད་སར་པ་ཞིག་ཡོད་ལ། དེར་སྐྱེས་པ་འགའ་ཞིག་གིས་ངན་སྐྱུགས་བླུགས་ནས་དེ་ཕོ་སྟེ། ཙན་དན་དམར་པོས་སླར་བཀང་ནས་ཙན་དན་དམར་པོ་དེ་ཡང་ཕོ་ན། ཤཱ་རིའི་བུ་འདི་ཇི་སྙམས་དུ་སེམས། ས་ལས་བྱས་པའི་སྣོད་སར་པ་དེ་ལ་འདི་ལྟར་
D220.063.0025b03.01ཙན་དན་གྱི་དྲིའམ། འོན་ཏེ་ངན་སྐྱུགས་ཀྱི་དྲི་དྲིའི་རང་བཞིན་གང་ཞིག་གི་མཐུ་ཡོད་པར་འགྱུར། བཅོམ་ལྡན་འདས་དོག་སའི་སྣོད་དེ་ངན་སྐྱུགས་ཀྱི་དྲི་གང་ལགས་པ་ཁོ་ནས་ཐོག་མར་བསྒོས་པས་དྲི་དེའི་རང་བཞིན་ཁོ་ནར་འགྱུར་ལགས་ཏེ། འདི་ལྟ་སྟེ་ངན་སྐྱུགས་ཀྱི་དྲི་ལགས་སོ། །
D220.063.0025b04.01ཙན་དན་གྱི་དྲི་ནི་མ་ལགས་ཏེ། དེས་ནི་ཙན་དན་དམར་པོའི་བགྱི་བ་དང་བསྒྲུབ་པ་རྔོ་མི་ཐོགས་ལགས་སོ། །ཤཱ་རིའི་བུ་དེ་བཞིན་དུ་འདི་ན་སེམས་ཅན་ཁ་ཅིག་དབང་པོ་ཡོངས་སུ་རྫོགས་ཤིང་ཡོངས་སུ་དག་སྟེ། དགེ་བའི་ཆོས་རྣམས་དང་ལྡན་ཞིང་། དེ་དད་པས་ཁྱིམ་ནས་ཁྱིམ་མེད་པར་
D220.063.0025b05.01རབ་ཏུ་འབྱུང་སྟེ། དེ་དག་ཁྱིམ་ནས་ཁྱིམ་མེད་པར་རབ་ཏུ་བྱུང་ནས་སྡིག་པའི་གྲོགས་པོའི་ལག་ཏུ་འདོང་བ་དང་། དབང་དུ་འདོང་བ་དང་། ཉེ་བར་འདོང་བར་འགྱུར་རོ། །ཤཱ་རིའི་བུ་སྡིག་པའི་གྲོགས་པོ་ཞེས་བྱ་བ་དེ་དག་གང་ཞེ་ན། ཤཱ་རིའི་བུ་སྡིག་པའི་གྲོགས་པོ་ནི་འདི་ལྟ་
D220.063.0025b06.01སྟེ། རྒོད་པ་དང་། ཕོ་ཐེག་ཆེ་བ་དང་། མི་བརྟན་པ་དང་། མུ་ཅོར་སྨྲ་བ་དང་། ཐུགས་ཐུབ་ཅན་དང་། ཚིག་ཟློས་བུ་ཅན་དང་། ལེ་ལོ་ཅན་དང་། བརྩོན་འགྲུས་ཞན་པ་དང་། བརྗེད་ངས་པ་དང་། སེམས་མཉམ་པར་མ་བཞག་པ་དང་། སེམས་འཁྲུག་པ་དང་། མཛེས་
D220.063.0025b07.01