完整藏文原文 · 德格版页 当前仅加载第 63 函德格 52a 版页；藏文 NFD、目录标记与异常页序保留在来源切片中，重复版页行以稳定序号区分。
སུ་མེད་པ་དོན་དམ་པ་སྟོང་པ་ཉིད་ཀྱིས་ཟིལ་གྱིས་མནན་ཅིང་ཟིལ་གྱིས་མནན་ནས་གཞན་ལ་ཆོས་སྟོན་པ་ན་སྙིང་པོར་འགྱུར་བ་གང་ཡིན་པ་དེ་ན་འདུག་ལ་སྦུན་པར་འགྱུར་བ་གང་ཡིན་པ་དེ་ནི་འདོར་བར་འགྱུར་རོ། །དེ་ཅིའི་ཕྱིར་ཞེ་ན། ཤཱ་རིའི་བུ་འདི་ལྟར་དེ་བཞིན་གཤེགས་པ་དགྲ་
D220.063.0052a01.01བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ནས་ཆོས་སྟོན་པར་མཛད་པ་ནི་ལོག་པའི་ལྟ་བ་ལ་བརྟེན་ནས་མ་ཡིན་ཏེ། བདག་ཏུ་སྨྲ་བ་ལ་མ་ཡིན། སེམས་ཅན་དུ་སྨྲ་བ་ལ་མ་ཡིན། སྲོག་ཏུ་སྨྲ་བ་
D220.063.0052a02.01ལམ་ཡིན། གང་ཟག་ཏུ་སྨྲ་བ་ལ་མ་ཡིན། རྟག་པར་སྨྲ་བ་ལ་མ་ཡིན། ཆད་པར་སྨྲ་བ་ལ་མ་ཡིན་ནོ། །དེ་ཅིའི་ཕྱིར་ཞེ་ན། ཤཱ་རིའི་བུ་འདི་ལྟར་དེ་ལྟ་བུ་ལ་ཞེན་པ་དེ་དག་ཐམས་ཅད་ནི་ལོག་པའི་ལྟ་བ་ཞེས་བྱའོ། །ཤཱ་རིའི་བུ་བདག་གི་འདུ་ཤེས་དང་། སེམས་ཅན་གྱི་འདུ་ཤེས་
D220.063.0052a03.01དང་། སྲོག་གི་འདུ་ཤེས་དང་། གང་ཟག་གི་འདུ་ཤེས་དང་། རྟག་པའི་འདུ་ཤེས་དང་། ཆད་པའི་འདུ་ཤེས་གང་ཡིན་པས་ནི་རྗེས་སུ་འཐུན་པའི་བཟོད་པ་སྐྱེ་བར་འགྱུར་བ་ཡང་གནས་མ་ཡིན་ཞིང་གོ་སྐབས་མེད་ན་འབྲས་བུ་ཐོབ་པར་འགྱུར་བ་ལྟ་ཅི་སྨོས་ཏེ། དེ་ནི་གནས་ཡོད་
D220.063.0052a04.01པ་མ་ཡིན་ནོ། །ཤཱ་རིའི་བུ་དེ་ལྟ་བས་ན་དེ་བཞིན་གཤེགས་པས་དེ་ལྟ་བུའི་ལྟ་བ་དང་ལྡན་པ་རྣམས་ལ་ནི་དད་པས་བྱིན་པ་རྗེས་སུ་མ་གནང་ངོ་། །དེ་ཅིའི་ཕྱིར་ཞེ་ན། ཤཱ་རིའི་བུ་འདི་ལྟར་རིགས་པ་མེད་པ། གྲོལ་བ་མེད་པ་དེ་དག་ནི་ཇི་སྲིད་དུ་ལུས་གསོ་བའི་དོན་དུ་བསྟན་པ་འདི་ལ་
D220.063.0052a05.01རབ་ཏུ་བྱུང་བ་ཡིན་པའི་ཕྱིར་རོ། །ཤཱ་རིའི་བུ་དེ་ལྟ་བས་ན་ངས་སྔོན་གྱི་མུ་སྟེགས་ཅན་བསྟན་པ་འདི་ལ་རབ་ཏུ་བྱུང་བ་གང་ཡིན་པ་དེ་ཟླ་བ་བཞིའི་གནས་བཅའ་བར་བྱའོ་ཞེས་གཞན་མུ་སྟེགས་ཅན་རྣམས་ཀྱི་གནས་བཅའ་བར་གསུངས་སོ། །དེ་ཅིའི་ཕྱིར་ཞེ་ན། ཤཱ་རིའི་བུ་གཞན་མུ་
D220.063.0052a06.01སྟེགས་ཅན་རྣམས་ནི་ཕལ་ཆེར་བདག་ཏུ་སྨྲ་བ་དང་། སེམས་ཅན་དུ་སྨྲ་བ་དང་། སྲོག་ཏུ་སྨྲ་བ་དང་། གང་ཟག་ཏུ་སྨྲ་བ་དང་། རྟག་པར་སྨྲ་བ་དང་། ཆད་པར་སྨྲ་བ་ཡིན་པའི་ཕྱིར་རོ། །ཤཱ་རིའི་བུ་ང་དང་ངའི་ཉན་ཐོས་རྣམས་ནི་བདག་མེད་པར་སྨྲ་བ། སྟོང་པ་ཉིད་དུ་སྨྲ་བ།
D220.063.0052a07.01