完整藏文原文 · 德格版页 当前仅加载第 63 函德格 15b 版页；藏文 NFD、目录标记与异常页序保留在来源切片中，重复版页行以稳定序号区分。
བྱེད། གཞན་དང་གཞན་དག་སྟོན་པར་བྱེད་པ་ན། བདེན་པ་ལ་དམིགས་པས་བཅིངས་ཤིང་ཞེན་པའི་འཇིག་རྟེན་པ་འདི་ཐམས་ཅད་མ་གཏོགས་པར་དངོས་པོ་ཅུང་ཟད་ཙམ་ཡང་མི་དམིགས་སོ། །དེ་དག་ནི་ཡང་དག་པའི་ལུས་ལ་གནས་པ་ཡིན་ཏེ། དེ་ནི་འཕགས་པའི་དགེ་
D220.063.0015b01.01འདུན་ཞེས་བྱའོ། །དེ་དག་ཐ་སྙད་དེ་ལ་ཡང་དམིགས་ལ། མིང་དང་མཚན་མས་མཚན་ཉིད་མེད་པ་འདོམས་པར་བྱེད། སྤྲོས་པ་མེད་པ་ཉིད་ཀུན་ཏུ་སྟོན་པར་བྱེད་དོ། །ཤཱ་རིའི་བུ་དེ་དག་ནི་དགེ་འདུན་དཀོན་མཆོག་ཡོན་གནས་ཀྱི་འོས་ཡིན་ཏེ། འདི་ལྟ་སྟེ་ཕྱིན་ཅི་མ་ལོག་པའི་
D220.063.0015b02.01དོན་གྱིས་དགེ་འདུན་ཞེས་བྱའོ། །ཤཱ་རིའི་བུ་དེ་བཞིན་དུ་དགེ་སློང་གིས་གནས་གང་ཡིད་ལ་བྱེད་པའི་གནས་དེ་ཉིད་ཀྱང་རང་གི་མཚན་ཉིད་སྟོང་པ་ཡིན་པར་ཤེས་བཞིན་དུ་དེ་སྐད་འདོམས་ཤིང་དེ་སྐད་རྗེས་སུ་སྟོན་པའི་དགེ་སློང་ནི་དགེ་བའི་བཤེས་གཉེན་ཞེས་བྱའོ། །ཤཱ་རིའི་བུ་ཐ་
D220.063.0015b03.01སྙད་ཀུན་ཏུ་ཆད་པ་ནི་འཕགས་པའི་དགེ་འདུན་ཞེས་བྱའོ། །དེ་ཅིའི་ཕྱིར་ཞེ་ན། ཤཱ་རིའི་བུ་འཕགས་པའི་ཆོས་འདུལ་བ་འདི་ལ་ནི་གང་ཡང་དག་པར་བཏགས་པར་གྱུར་པའི་ཐ་སྙད་ཀྱང་མི་དམིགས་པའི་ཕྱིར་རོ། །ཤཱ་རིའི་བུ་དེ་ལྟ་བས་ན་ཐ་སྙད་ཀུན་ཏུ་ཆད་པ་ནི་འཕགས་པའི་དགེ་
D220.063.0015b04.01འདུན་ཞེས་བྱའོ། །ཤཱ་རིའི་བུ་དེ་ལ་གང་དག་འདི་སྐད་ཅེས་ཅིའི་ཕྱིར་དགེ་འདུན་གྱི་ཐ་སྙད་ཅེས་བྱ་ཞེ་ན། གང་ལ་ཡང་དག་པར་བཏགས་པར་གྱུར་པའི་ཐ་སྙད་འགའ་ཡང་མི་དམིགས་པ་གང་ཡིན་པའོ་ཞེས་སྨྲ་ན། ཤཱ་རིའི་བུ་དེ་ལ་ང་ནི་འདི་སྐད་ཅེས་དགེ་འདུན་ནི་ཇི་ལྟ་བ་བཞིན་
D220.063.0015b05.01དུ་རྟོག་པའི་དོན་དང་། ཆགས་པའི་མཚན་མ་མེད་པ་སྒྲོགས་པའི་དོན་གྱི་དངོས་པོ་འགའ་ཡང་མི་དམིགས་པ་ཡིན་ཏེ། བློ་གཅིག་ཏུ་གྱུར་པའི་ཕྱིར་དང་། བཟོད་པ་གཅིག་པའི་ཕྱིར་དང་། རོ་གཅིག་པའི་ཕྱིར་རོ་ཞེས་གསུངས་ཏེ། ཐ་སྙད་གཅིག་པོ་དེ་ཡང་འཇིག་རྟེན་པའི་
D220.063.0015b06.01ཐ་སྙད་ཙམ་གྱིས་ཐ་སྙད་དུ་བྱེད་ཀྱི། དོན་དམ་པར་ནི་དགེ་འདུན་འགའ་ཡང་མེད་དོ། །གང་ཞིག་རྟག་པའམ། བརྟན་པའམ། ཐེར་ཟུག་པའམ། མི་འགྱུར་བའི་ཆོས་ཅན་གྱི་བཞི་པོ་དེ་ནི་འགའ་ཡང་དམིགས་སུ་མེད་དེ། འདི་ལྟ་སྟེ། ཆོས་ཤེས་བྱ་བའི་ཐ་སྙད་ཡང་
D220.063.0015b07.01