完整藏文原文 · 德格版页 当前仅加载第 63 函德格 24a 版页；藏文 NFD、目录标记与异常页序保留在来源切片中，重复版页行以稳定序号区分。
དབྱེ་ཡང་ལྷན་ཅིག་ཏུ་མི་བྱའོ། །དེ་ཅིའི་ཕྱིར་ཞེ་ན། འདི་ལྟར་སྐྱེས་བུ་བླུན་པོ་དེ་དག་ནི་ཡུན་རིང་པོར་གནོད་པ་དང་། ཕན་པ་མ་ཡིན་པ་དང་། བདེ་བ་མ་ཡིན་པ་དང་། སྡུག་བསྔལ་བ་དང་། ཉམས་པ་དང་། གཞན་གྱིས་ཟིལ་གྱིས་མནན་པ་དང་། ལོག་
D220.063.0024a01.01པར་ལྷུང་བ་ཀུན་ཏུ་རྫོགས་པར་འགྱུར་བ་ཡིན་པའི་ཕྱིར་རོ། །ཚུལ་ཁྲིམས་དང་ལྡན་པའི་དགེ་སློང་གང་ཡིན་པ་དག་ལ་གུས་པར་མི་བྱེད། དགེ་སྦྱོང་མ་ཡིན་པར་དགེ་སྦྱོང་དུ་ཁས་འཆེ། ཚངས་པར་སྤྱོད་པ་མ་ཡིན་པར་ཚངས་པར་སྤྱོད་པར་ཁས་འཆེ་ཞིང་བྱ་བ་དང་ལས་དང་། གསོ་སྦྱོང་བ་
D220.063.0024a02.01དང་། དགག་དབྱེ་རྣམས་འདྲལ་བར་བྱེད་དོ། །ཤཱ་རིའི་བུ་ངའི་བསྟན་པ་འདི་ལ་ཚུལ་ཁྲིམས་དང་ལྡན་པར་བཀུར་བའི་དགེ་སློང་གང་ཡིན་པ་དེ་དག་གིས་ཚུལ་ཁྲིམས་འཆལ་པའི་དགེ་སློང་རྣམས་མཐོང་ན་རྒྱང་རིང་པོ་ཁོ་ནར་ཡོངས་སུ་སྤོང་བར་འགྱུར་རོ། །དེ་ཅིའི་ཕྱིར་ཞེ་ན། ཤཱ་རིའི་བུ་
D220.063.0024a03.01འདི་ལྟར་ཚུལ་ཁྲིམས་འཆལ་པའི་དགེ་སློང་རྣམས་ཀྱི་ལྷུང་བཟེད་དམ་ཆོས་གོས་གང་ཡིན་པ་དེ་དག་དང་། ཚུལ་ཁྲིམས་དང་ལྡན་པའི་དགེ་སློང་རྣམས་ཀྱིར་འདྲེས་ན་དུག་དང་འདྲེས་པ་ལྟ་བུར་རིག་པར་བྱའོ། །ཤཱ་རིའི་བུ་ང་ནི་སྦྲུལ་གྱི་རོས་གང་བའམ། ཁྱི་རོས་གང་བའམ། མི་
D220.063.0024a04.01རོས་གང་བའི་ས་ལ་སྤྱོད་ལམ་བཞི་པོ་རྣམས་ལས་སྤྱོད་ལམ་གང་ཡང་རུང་བས་གནས་པར་ནི་སྤྲོ་ཡི། ཤཱ་རིའི་བུ་ང་ནི་ཚུལ་ཁྲིམས་འཆལ་པའི་དགེ་སློང་སྤྱོད་པ་ཉམས་པ། འཚོ་བ་ཉམས་པ། ལྟ་བ་ཉམས་པ་རྣམས་དང་། མཚན་གཅིག་གམ། ཉིན་གཅིག་གམ། སྐད་ཅིག་
D220.063.0024a05.01གམ། ཐ་ན་སེ་གོལ་གཏོགས་པ་ཙམ་ཡང་ལྷན་ཅིག་ཏུ་གནས་པར་ཡང་མི་སྤྲོའོ། །དེ་ཅིའི་ཕྱིར་ཞེ་ན། ཤཱ་རིའི་བུ་འདི་ལྟར་དེ་ལྟ་བུའི་དགེ་སློང་རྣམས་ནི་དགེ་སྦྱོང་ཐ་ཤལ་ཞེས་བྱའོ། །དགེ་སྦྱོང་བཀྲེན་པ་ཞེས་བྱའོ། །དགེ་སྦྱོང་ཕལ་པ་ཞེས་བྱའོ། །དགེ་སྦྱོང་སྤུན་པ་ཞེས་
D220.063.0024a06.01བྱའོ། །དགེ་སྦྱོང་རུལ་པ་ཞེས་བྱའོ། །དགེ་སྦྱོང་དྲི་མ་ཅན་ཞེས་བྱའོ། །དགེ་སྦྱོང་གི་སྙིགས་མ་ཞེས་བྱའོ། །དགེ་སྦྱོང་གི་དྲི་མ་ཞེས་བྱའོ། །དགེ་སྦྱོང་གདོལ་པ་ཞེས་བྱའོ། །དགེ་སྦྱོང་ཉམས་པ་ཞེས་བྱའོ། །དགེ་སྦྱོང་སྡིག་ཅན་ཞེས་བྱའོ། །དགེ་སྦྱོང་སྲེད་ཞེས་བྱའོ། །
D220.063.0024a07.01