完整藏文原文 · 德格版页 当前仅加载第 63 函德格 16a 版页；藏文 NFD、目录标记与异常页序保留在来源切片中，重复版页行以稳定序号区分。
དག་པར་བཏགས་པའི་ཐ་སྙད་གང་ཡིན་པ་དེ་ཡང་འཕགས་པ་རྣམས་ཀྱིས་སྨད་པ་ཡིན་ནོ། །འདི་ནི་སྐྱེས་པའོ། །འདི་ནི་བུད་མེད་དོ། །འདི་ནི་མ་ནིང་ངོ་། །འདི་ནི་ལྷའོ། །འདི་ནི་ཀླུའོ། །འདི་ནི་གནོད་སྦྱིན་ནོ། །འདི་ནི་དྲི་ཟའོ། །འདི་
D220.063.0016a01.01ནི་གྲུལ་བུམ་མོ། །འདི་ནི་ཆོས་སོ། །འདི་ནི་ཆོས་མ་ཡིན་པའོ་ཞེས་བྱ་བ་དེ་ལྟ་བུའི་ཆོས། དེ་རིང་དུ་སྤངས་ནས་གཞི་རྣམ་པ་དུ་མ་ལ་དམིགས་ཏེ། ཚིག་འདི་སྐད་ཅེས་དགེ་སློང་ཚུར་ཤོག །ཁྱོད་འདུག་ཤིག །འདིར་མལ་གྱིས་ཤིག །འདི་ནི་ཆེ་གེ་མོ་ཞིག་གོ་ཞེས་
D220.063.0016a02.01སྨྲ་ཞིང་{བརྫུན་,རྫུན་}གྱི་ཚིག་ཏུ་བཏགས་ནས་མིང་དང་མཚན་མར་ཐ་སྙད་དུ་བྱེད་དོ། །དེ་ཅིའི་ཕྱིར་ཞེ་ན། ཤཱ་རིའི་བུ་འདི་ལྟར་ཆོས་ཐམས་ཅད་ནི་མིང་དང་མཚན་མ་མེད་པ། མཚན་ཉིད་མེད་པ། ཡིད་ལ་བྱེད་པ་མེད་པ་ཡིན་ནོ། །ཤཱ་རིའི་བུ་འདི་ཇི་སྙམ་དུ་སེམས།
D220.063.0016a03.01ཆོས་གང་ཡང་ཡིད་ལ་བྱེད་པ་མེད་པ་དེ་ཐ་སྙད་ཀྱིས་ཐོག་ཏུ་ཕེབས་པར་བརྗོད་དུ་ཡོད་དམ། གསོལ་པ། བཅོམ་ལྡན་འདས་དེ་ནི་མ་ལགས་སོ། །བཀའ་སྩལ་པ། ཤཱ་རིའི་བུ་གང་ཞིག་འདི་སྐད་ཅེས་འདི་ནི་བུད་མེད་དོ། །འདི་ནི་སྐྱེས་པའོ། །འདི་ནི་མ་ནིང་ངོ་། །
D220.063.0016a04.01འདི་ནི་ལྷའོ། །འདི་ནི་ཀླུའོ། །འདི་ནི་གནོད་སྦྱིན་ནོ། །འདི་ནི་གྲུལ་བུམ་མོ། །འདི་ནི་ཆོས་སོ། །འདི་ནི་ཆོས་མ་ཡིན་པའོ་ཞེས་སྨྲ་ན། དེ་ནི་ངེས་པར་{བརྫུན་,རྫུན་}གྱི་ཚིག་སྨྲ་ཞིང་། ཡང་དག་པ་མ་ཡིན་པའི་མཐའ་ལ་ཞུགས་པ་ཡིན་པས་དེས་ན་དགེ་འདུན་ཞེས་
D220.063.0016a05.01མི་བྱ་སྟེ། ཤཱ་རིའི་བུ་ཕྱིན་ཅི་མ་ལོག་པ་ལ་ཞུགས་པས་དེའི་ཕྱིར་འཕགས་པའི་དགེ་འདུན་ཞེས་བྱའོ། །ཤཱ་རིའི་བུ་དེ་ལ་རེ་ཞིག་མི་དགེ་བ་ནི་འདི་ལྟ་བུ་ལ་དམིགས་པ་ཡིན་པར་ཤེས་པར་བྱ་སྟེ། འདི་ལྟ་སྟེ། མིང་དང་མཚན་མ་ཡིན་ཏེ། འདི་ནི་མི་དགེ་བ་ཐམས་ཅད་ཀྱི་རྩ་
D220.063.0016a06.01བ་ཡིན་ནོ། །ཤཱ་རིའི་བུ་འཕགས་པའི་ཆོས་འདུལ་བ་ལ་ནི་མིང་དང་མཚན་མ་རྣམས་རྒྱུན་ཆད་པ་ཡིན་ཏེ། མིང་གིས་རློམ་སེམས་སུ་མི་བྱེད་ན་དགེ་འདུན་དེ་ནི་འདི་ཡིན་ནོ། །འདི་ནི་འཕགས་པའི་དགེ་འདུན་ནོ། །འདི་ནི་ཀུན་རྫོབ་ཀྱི་དགེ་འདུན་ནོ། །འདི་ནི་འབྲས་བུའི་དགེ་
D220.063.0016a07.01