完整藏文原文 · 德格版页 当前仅加载第 62 函德格 212b 版页；藏文 NFD、目录标记与异常页序保留在来源切片中，重复版页行以稳定序号区分。
དུལ་བ་དང་། སེམས་འཇམ་པ་དང་། སེམས་དྲང་བ་དང་། སེམས་མཉེན་པ་དང་། སེམས་ཅང་ཤེས་པའི་ཕྱིར་ཐམས་ཅད་མཁྱེན་པའི་ཡེ་ཤེས་ཀྱི་ཡི་དམ་བརྟན་པོ་སྙིང་པོ་ལ་གནས་པའི་གོ་ཆ་བགོས་པས་ཐམས་ཅད་མཁྱེན་པའི་ཡེ་ཤེས། ཡེ་ཤེས་ཆེན་པོ་དེ་རྟོགས་པར་ནུས་སོ། །བྱང་
D216.062.0212b01.01ཆུབ་སེམས་དཔའ་དཔལ་འབྱུང་གིས་སྨྲས་པ། ཀྱེ་གྲོགས་པོ་དག་བསྐལ་པའི་གྲངས་ཀྱིས་ཡེ་ཤེས་ཆེན་པོ་དེ་རྟོགས་པར་མི་ནུས་ཀྱི། བསྐལ་པ་དཔག་ཏུ་མེད་པར་གོ་ཆ་བགོས་པས་ཐམས་ཅད་མཁྱེན་པའི་ཡེ་ཤེས་དེ་རྟོགས་པར་ནུས་སོ། །བྱང་ཆུབ་སེམས་དཔའ་དཔལ་གྱི་
D216.062.0212b02.01སྙིང་པོས་སྨྲས་པ། རིགས་ཀྱི་བུ་བྱང་ཆུབ་སེམས་དཔའ་བདག་གི་བདེ་བ་ལ་ཆགས་ཤིང་གནས་པས་ཡེ་ཤེས་ཆེན་པོ་དེ་རྟོགས་པར་མི་ནུས་ཀྱི། བདག་གི་བདེ་བ་ལ་མ་ཆགས་པས་ཐམས་ཅད་མཁྱེན་པའི་ཡེ་ཤེས་དེ་རྟོགས་པར་ནུས་ཏེ། གང་ཟང་ཟིང་མེད་པ་ལན་དུ་བྱ་བ་མ་ཡིན་པའི་བདེ་
D216.062.0212b03.01བ་དེ་སེམས་ཅན་ཐམས་ཅད་ལ་བསྟབས་སོ་ཞེས་སེམས་ཅན་ཐམས་ཅད་བདེ་ཞིང་བདེ་བ་དང་ལྡན་པ་ལ་གཞོག་པར་བྱེད་པ་དེས་ཐམས་ཅད་མཁྱེན་པའི་ཡེ་ཤེས་དེ་རྟོགས་པར་ནུས་སོ། །བྱང་ཆུབ་སེམས་དཔའ་པད་མ་བླ་མའི་དཔལ་གྱིས་སྨྲས་པ། བདག་ཉིད་མ་དུལ། མ་བསྲུངས།
D216.062.0212b04.01མ་བྱང་བ་དེས་ཕ་རོལ་མ་དུལ་མ་བསྲུངས། མ་བྱང་བ་དུལ་བར་བྱ་བ་དང་། ཞི་བར་བྱ་བའི་གནས་དེ་ནི་མེད་ཀྱིས། བདག་ཉིད་ཤིན་ཏུ་དུལ། ཤིན་ཏུ་བསྲུངས། ཤིན་ཏུ་བྱང་བ་དེས་ཕ་རོལ་མ་དུལ། མ་བསྲུངས། མ་བྱང་བ། དུལ་བར་བྱ་བ་དང་། ཞི་བར་བྱ་བའི་གནས་དེ་ནི་ཡོད་དོ་ཞེས་
D216.062.0212b05.01བཅོམ་ལྡན་འདས་ཀྱིས་ཀྱང་དེ་སྐད་གསུངས་ཏེ། དེ་བས་ན་དུལ་བ་དང་ཞི་གནས་ཀྱི་རྣལ་འབྱོར་ལ་ཞུགས་ཤིང་ཕ་རོལ་དུལ་བ་དང་། ཞི་གནས་དང་འཐུན་པར་བྱ་བ་ལ་མཁས་པས་ཡེ་ཤེས་ཆེན་པོ་དེ་རྟོགས་པར་ནུས་སོ། །བྱང་ཆུབ་སེམས་དཔའ་པད་མ་དཔལ་འབྱུང་གིས་སྨྲས་པ།
D216.062.0212b06.01ཀྱེ་གྲོགས་པོ་དག་འཇིག་རྟེན་གྱི་ཆོས་དང་འབྲེལ་པས་འཇིག་རྟེན་ལས་འདའ་བར་མི་ནུས་ཀྱི། གང་འཇིག་རྟེན་གྱི་ཆོས་དང་མ་འབྲེལ་བ་དེ་ནི་འཇིག་རྟེན་ལས་འདའ་བར་འགྱུར་རོ། །དེ་བས་ན་བྱང་ཆུབ་སེམས་དཔའ་གང་རྙེད་པ་དང་། མ་རྙེད་པ་དང་། གྲགས་པ་དང་། མ་གྲགས་པ་དང་།
D216.062.0212b07.01