完整藏文原文 · 德格版页 当前仅加载第 62 函德格 235b 版页；藏文 NFD、目录标记与异常页序保留在来源切片中，重复版页行以稳定序号区分。
འདས་པར་མི་འཛིན་ན་དེ་ལྟ་བུ་ནི་ཁྱོད་ལ་ཐུགས་བརྩེ་བར་བྱས་པ་ཡིན་ནོ། །དེ་ནས་འཇམ་དཔལ་གཞོན་ནུར་གྱུར་པ་ལ་རྒྱལ་པོ་མ་སྐྱེས་དགྲས་འདི་སྐད་ཅེས་གསོལ་ཏོ། །འཇམ་དཔལ་བདག་ལ་ཐུགས་བརྩེ་བའི་སླད་དུ་དགོངས་སུ་གསོལ། འཇམ་དཔལ་གྱིས་སྨྲས་པ། རྒྱལ་
D216.062.0235b01.01པོ་ཆེན་པོ་འདི་ལྟ་སྟེ། ཆོས་གང་ལ་ཡང་མངོན་པར་ཆགས་པའམ། ཡོངས་སུ་ལེན་པ་དེ་ནི་ཕན་པའམ་བདེ་བ་མ་ཡིན་ནོ། །རྒྱལ་པོ་ཆེན་པོ་གང་དུ་ཡང་གཡོ་བའམ། སེམས་པ་ནི་ཕན་པའམ་བདེ་བ་མ་ཡིན་གྱི། གང་གཡོ་བ་དང་སེམས་པ་ཡོངས་སུ་མི་འཛིན་ཅིང་མངོན་པར་
D216.062.0235b02.01ཆགས་པ་སྤོང་བ་དེ་ནི་ཕན་པ་དང་བདེ་བའོ། །རྒྱལ་པོ་ཆེན་པོ་གང་མི་འཁྲུག་པ་དེ་ནི་ཕན་པ་དང་བདེ་བའོ། །རྒྱལ་པོ་ཆེན་པོ་གང་སླར་འཁྲུག་པ་དེ་ནི་ཕན་པ་དང་བདེ་བ་མ་ཡིན་ནོ། །རྒྱལ་པོ་ཆེན་པོ་གང་མཐར་གཏུགས་པ་དེ་ནི་ཕན་པ་དང་བདེ་བའོ། །གང་སླར་ཡང་བྱ་བར་འགྱུར་
D216.062.0235b03.01བ་དེ་ནི་ཕན་པ་དང་བདེ་བ་མ་ཡིན་ནོ། །དེ་སྐད་ཅེས་སྨྲས་པ་དང་། འཇམ་དཔལ་གཞོན་ནུར་གྱུར་པ་ལ་རྒྱལ་པོ་མ་སྐྱེས་དགྲས་འདི་སྐད་ཅེས་གསོལ་ཏོ། །འཇམ་དཔལ་གང་འགྱུར་བ་མ་མཆིས་པའི་ཆོས་དེ་གང་ལགས། སྨྲས་པ། རྒྱལ་པོ་ཆེན་པོ་སྟོང་པ་ཉིད་ནི་བྱ་བ་ཡང་མེད།
D216.062.0235b04.01འགྱུར་བ་ཡང་མེད་དོ། །དེ་བཞིན་དུ་མཚན་མ་མེད་པ་དང་། སྨོན་པ་མེད་པ་དང་། མངོན་པར་འདུ་མི་བྱེད་པ་ནི་བྱ་བ་ཡང་མེད། འགྱུར་བ་ཡང་མེད་དོ། །རྒྱལ་པོ་ཆེན་པོ་ཇི་སྲིད་དུ་ལུས་དང་ངག་དང་། ཡིད་ཀྱིས་མངོན་པར་འདུ་བྱ་བ་མེད་པ་དེ་སྲིད་དུ་བྱ་བ་ཡང་མེད། འགྱུར་བ་
D216.062.0235b05.01ཡང་མེད་དོ། །རྒྱལ་པོ་ཆེན་པོ་གང་གི་ཚེ་ལུས་དང་། ངག་དང་། ཡིད་ཀྱིས་མི་བྱ། མངོན་པར་མི་བྱ་བ་དེ་ལ་ནི་བྱ་བ་ཡང་མེད། འགྱུར་བ་ཡང་མེད་དོ། །རྒྱལ་པོ་ཆེན་པོ་དེ་བས་ན་ཆོས་ཐམས་ཅད་ནི་མངོན་པར་འདུ་མི་བྱེད་པའི་མཚན་ཉིད་དེ། གང་མངོན་པར་འདུ་མི་
D216.062.0235b06.01བྱེད་པ་དེ་ཡང་དེའི་མཚན་ཉིད་མ་ཡིན་ནོ། །གསོལ་པ། འཇམ་དཔལ་ཇི་ལྟར་ན་མངོན་པར་འདུས་བྱས་པ་ལ་མངོན་པར་འདུས་མ་བྱས་པར་མོས་པ་ལགས། སྨྲས་པ། རྒྱལ་པོ་ཆེན་པོ་གང་གི་ཚེ་ན་འདས་པ་ལ་ཟད་པར་མི་སེམས། མ་འོངས་པ་ལ་མ་ཕྱིན་པར་མི་
D216.062.0235b07.01