完整藏文原文 · 德格版页 当前仅加载第 62 函德格 240b 版页；藏文 NFD、目录标记与异常页序保留在来源切片中，重复版页行以稳定序号区分。
བའི་རྣམ་པ་ཐམས་ཅད་མི་འཛིན་ཏོ། །རིགས་ཀྱི་བུ་དག་དེ་བཞིན་དུ་གཟུངས་ཀྱང་ཆོས་ཐམས་ཅད་མི་འཛིན་ཏོ། །རིགས་ཀྱི་བུ་དག་འདི་ལྟ་སྟེ། དཔེར་ན་རང་བཞིན་ནི་ཉེ་བའི་ཉོན་མོངས་པ་ཐམས་ཅད་མི་འཛིན་ཏོ། །རིགས་ཀྱི་བུ་དག་དེ་བཞིན་དུ་གཟུངས་ཀྱང་ཆོས་ཐམས་
D216.062.0240b01.01ཅད་མི་འཛིན་ཏོ། །རིགས་ཀྱི་བུ་དག་འདི་ལྟ་སྟེ། དཔེར་ན་ལམ་སྐྱོན་མེད་པར་གྱུར་པ་ནི་ཆོས་ཐམས་ཅད་ལ་བྱེད་པ་མེད་འཛིན་པ་མེད་དོ། །རིགས་ཀྱི་བུ་དག་དེ་བཞིན་དུ་གཟུངས་ཀྱང་ཆོས་ཐམས་ཅད་མི་འཛིན་ཏོ། །དེ་ལྟ་བས་ན་རིགས་ཀྱི་བུ་དག་གང་གཟུངས་དེ་ནི་མི་ཟད་པའོ། །
D216.062.0240b02.01གང་མི་ཟད་པ་དེ་ནི་ཚད་མེད་པའོ། །གང་ཚད་མེད་པ་དེ་ནི་ཀུན་གྱི་རྗེས་སུ་སོང་བའོ། །གང་ཀུན་གྱི་རྗེས་སུ་སོང་བ་དེ་ནི་ནམ་མཁའི་དབྱིངས་སོ། །དེ་ལྟ་སྟེ། རིགས་ཀྱི་བུ་དག་ནམ་མཁའི་དབྱིངས་དང་གཟུངས་དེ་གཉིས་ནི་རྣམ་པ་གཉིས་སུ་མེད་དོ། །འཇམ་དཔལ་
D216.062.0240b03.01གཞོན་ནུར་གྱུར་པས་གཟུངས་འདི་སྟོན་པ་བསྟན་པའི་ཚེ་འཁོར་དེ་ན་བྱང་ཆུབ་སེམས་དཔའ་ལྔ་བརྒྱས་གཟུངས་ཐོབ་པར་གྱུར་ཏོ། །གཞན་ཡང་ཐུན་དབུ་མ་ལ་འཇམ་དཔལ་གཞོན་ནུར་གྱུར་པས་བྱང་ཆུབ་སེམས་དཔའ་ལྔ་བརྒྱ་པོ་དེ་དག་ལ་བྱང་ཆུབ་སེམས་དཔའི་སྡེ་སྣོད་ཅེས་
D216.062.0240b04.01བྱ་བའི་ཆོས་ཀྱི་རྣམ་གྲངས་རྒྱ་ཆེར་བཤད་དེ། དེ་ལ་བྱང་ཆུབ་སེམས་དཔའི་སྡེ་སྣོད་ལ་འཇུག་པ་གང་ཞེ་ན། ཆོས་གང་འཇིག་རྟེན་པ་དང་། གང་འཇིག་རྟེན་ལས་འདས་པ་དང་། ཆོས་གང་འདུས་བྱས་པ་དང་། གང་འདུས་མ་བྱས་པ་དང་། ཆོས་གང་དགེ་བ་དང་། གང་མི་
D216.062.0240b05.01དགེ་བ་དང་། གང་ཁ་ན་མ་ཐོ་བ་དང་བཅས་པ་དང་། གང་ཁ་ན་མ་ཐོ་བ་མེད་པ་དང་། གང་ཟག་པ་དང་བཅས་པ་དང་། གང་ཟག་པ་མེད་པའི་ཆོས་གང་ཡང་བྱང་ཆུབ་སེམས་དཔའི་སྡེ་སྣོད་ཀྱི་རྗེས་སུ་མ་ཞུགས་པ་མེད་དེ། དེ་དག་ཐམས་ཅད་ནི་བྱང་ཆུབ་སེམས་དཔའི་སྡེ་སྣོད་ཀྱི་རྗེས་
D216.062.0240b06.01སུ་ཞུགས་སོ། །དེ་ཅིའི་ཕྱིར་ཞེ་ན། རིགས་ཀྱི་བུ་དག་བྱང་ཆུབ་སེམས་དཔའི་སྡེ་སྣོད་ནི་ཆོས་ཐམས་ཅད་རྟོགས་པ་ཡིན་ནོ། །རིགས་ཀྱི་བུ་དག་འདི་ལྟ་སྟེ། དཔེར་ན་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ན་གླིང་བཞི་པའི་འཇིག་རྟེན་གྱི་ཁམས་བྱེ་བ་ཕྲག་བརྒྱ་དང་།
D216.062.0240b07.01