完整藏文原文 · 德格版页 当前仅加载第 62 函德格 224b 版页；藏文 NFD、目录标记与异常页序保留在来源切片中，重复版页行以稳定序号区分。
སྐད་ཅེས་བཀའ་སྩལ་ཏོ། །མཽང་གལ་གྱི་བུ་ཁྱོད་ཀྱིས་ལྷུང་བཟེད་དེ་ཚོལ་ཅིག །དེ་ནས་ཚེ་དང་ལྡན་པ་མཽང་གལ་གྱི་བུ་ཆེན་པོས་ཏིང་ངེ་འཛིན་སྟོང་ཕྲག་བཅུ་ལ་ཞུགས་ནས་སངས་རྒྱས་ཀྱི་མཐུ་དང་། བདག་གི་རྫུ་འཕྲུལ་གྱི་སྟོབས་ཀྱིས་འོག་གི་ཕྱོགས་ཀྱི་ཆ་སངས་རྒྱས་ཀྱི་ཞིང་སྟོང་ཕྲག་བཅུར་
D216.062.0224b01.01སོང་ཡང་ལྷུང་བཟེད་དེའི་གནས་སམ་གཞིའང་མ་མཐོང་ནས་དེ་སླར་ཡང་བཅོམ་ལྡན་འདས་ཀྱི་སྤྱན་སྔར་འདུག་གོ། །འདུག་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གིས་ལྷུང་བཟེད་དེའི་གནས་སམ་གཞིའང་མ་མཐོང་ངོ་། །དེ་ནས་བཅོམ་ལྡན་འདས་
D216.062.0224b02.01ཀྱིས་ཚེ་དང་ལྡན་པ་རབ་འབྱོར་ལ་བཀའ་སྩལ་པ། རབ་འབྱོར་ཁྱོད་ཀྱིས་ལྷུང་བཟེད་དེ་ཚོལ་ཅིག །དེ་ནས་ཚེ་དང་ལྡན་པ་རབ་འབྱོར་གྱིས་ཏིང་ངེ་འཛིན་སྟོང་ཕྲག་བཅུ་གཉིས་ལ་ཞུགས་ནས་སངས་རྒྱས་ཀྱི་མཐུ་དང་། བདག་གི་རྫུ་འཕྲུལ་གྱི་སྟོབས་ཀྱིས་འོག་གི་ཕྱོགས་ཀྱི་ཆ་སངས་རྒྱས་ཀྱི་ཞིང་
D216.062.0224b03.01སྟོང་ཕྲག་བཅུ་གཉིས་སུ་སོང་ཡང་ལྷུང་བཟེད་དེ་མ་མཐོང་ནས་དེ་སླར་བཅོམ་ལྡན་འདས་ཀྱི་སྤྱན་སྔར་འདུག་གོ། །འདུག་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གིས་ལྷུང་བཟེད་དེའི་གནས་སམ་གཞིའང་མ་མཐོང་ངོ་། །དེ་བཞིན་ཉིད་དུ་ཉན་ཐོས་ཆེན་པོ་ལྔ་
D216.062.0224b04.01བརྒྱ་ཙམ་བདག་བདག་གི་རྫུ་འཕྲུལ་གྱི་སྟོབས་དང་། ལྷའི་མིག་གིས་ལྷུང་བཟེད་དེ་བཙལ་ཀྱང་མ་རྙེད་དོ། །དེ་ནས་ཚེ་དང་ལྡན་པ་རབ་འབྱོར་གྱིས་བྱང་ཆུབ་སེམས་དཔའ་བྱམས་པ་ལ་འདི་སྐད་ཅེས་སྨྲས་སོ། །བྱམས་པ་ཁྱོད་ནི་བཅོམ་ལྡན་འདས་ཀྱིས་བླ་ན་མེད་པ་ཡང་དག་པར་རྫོགས་
D216.062.0224b05.01པའི་བྱང་ཆུབ་ཏུ་སྐྱེ་བ་གཅིག་གིས་ཐོགས་པར་ལུང་བསྟན་ན། ལྷུང་བཟེད་དེ་གང་ན་འདུག་གལ་ན་འདུག་ཚོལ་ཅིག་ཅེས་དེ་སྐད་སྨྲས་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པས་ཚེ་དང་ལྡན་པ་རབ་འབྱོར་ལ་འདི་སྐད་ཅེས་སྨྲས་སོ། །བཙུན་པ་རབ་འབྱོར་བདག་ནི་དེ་བཞིན་
D216.062.0224b06.01གཤེགས་པས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སྐྱེ་བ་གཅིག་གིས་ཐོགས་པར་ལུང་བསྟན་མོད་ཀྱི། བདག་གིས་ནི་ཏིང་ངེ་འཛིན་དེ་དག་གི་མིང་ཡང་མ་འཚལ་ཏེ། འཇམ་དཔལ་གཞོན་ནུར་གྱུར་པ་ནི་ཏིང་ངེ་འཛིན་དེ་དག་ལ་མཉམ་པར་ཡང་གཞོག །ལྡང་བར་ཡང་བགྱིད་དོ། །ཡང་བཙུན་པ་རབ་
D216.062.0224b07.01