完整藏文原文 · 德格版页 当前仅加载第 62 函德格 231b 版页；藏文 NFD、目录标记与异常页序保留在来源切片中，重复版页行以稳定序号区分。
ཤཱ་རིའི་བུ་དེ་ནས་ཁྱེའུ་གསུམ་པོ་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཟིལ་གྱིས་གནོན་པ་ག་ལ་བ་དེར་དོང་སྟེ་ཕྱིན་པ་དང་། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས་མུ་ཏིག་གི་སེ་མོ་དོ་དེ་བཅོམ་ལྡན་འདས་ཀྱི་སྐུ་ལ་གཏོར་ཏོ། །ཤཱ་རིའི་བུ་དེའི་ཚེ་
D216.062.0231b01.01གང་ཉན་ཐོས་ཀྱི་སེམས་ཀྱིས་མུ་ཏིག་གི་སེ་མོ་དོ་གཏོར་བར་གྱུར་པ་དེ་དག་ནི་དེ་བཞིན་གཤེགས་པ་དེའི་ཕྲག་པ་གཉིས་ལ་འདུག་པར་གྱུར་ཏོ། །གང་ཁྱེའུ་དེས་ཐམས་ཅད་མཁྱེན་པའི་སེམས་ཀྱིས་མུ་ཏིག་གི་སེ་མོ་དོ་གཏོར་བར་གྱུར་པ་དེ་ནི་དེ་བཞིན་གཤེགས་པ་དེའི་དབུའི་གཙུག་གི་སྟེང་ན་མུ་
D216.062.0231b02.01ཏིག་གི་སེ་མོ་དོའི་ཁང་པ་བརྩེགས་མ་རྣམ་པ་སྣ་ཚོགས་བལྟ་ན་སྡུག་པ། གྲུ་བཞི་པ། ཀ་བ་བཞི་ཟུག་པ། ཀུན་ནས་རྣམ་པར་ཕྱེ་བར་གྱུར་ཅིང་། ཁང་པ་བརྩེགས་མ་དེ་ན་དེ་བཞིན་གཤེགས་པའི་སྐུ་སྐྱིལ་མོ་ཀྲུང་བཅས་ཤིང་བཞུགས་པར་ཡང་སྣང་ངོ་། །དེ་ནས་དེ་བཞིན་གཤེགས་
D216.062.0231b03.01པ་དེ་འཛུམ་པ་མཛད་དེ། ཆོས་ཉིད་ཀྱིས་སངས་རྒྱས་བཅོམ་ལྡན་འདས་རྣམས་ནམ་འཛུམ་པ་མཛད་པ་དེའི་ཚེ་འོད་ཟེར་ཁ་དོག་རྣམ་པ་སྣ་ཚོགས་པ་དུ་མ་དེ་བཞིན་གཤེགས་པའི་ཞལ་ནས་འབྱུང་སྟེ། འདི་ལྟ་སྟེ། སྔོན་པོ་དང་། སེར་པོ་དང་། དམར་པོ་དང་། དཀར་པོ་དང་། ཇ་
D216.062.0231b04.01གོང་དང་། ཤེལ་དང་། དངུལ་གྱི་ཁ་དོག་དག་གོ། །དེ་དག་གི་སྣང་བས་འཇིག་རྟེན་གྱི་ཁམས་མཐའ་ཡས་མུ་མེད་པར་ཁྱབ་པར་བྱས་ནས་ཚངས་པའི་འཇིག་རྟེན་གྱི་བར་དུ་སོང་སྟེ། ཉི་མ་དང་ཟླ་བའི་འོད་ཟིལ་གྱིས་མནན་ནས་སླར་ལོག་སྟེ། བཅོམ་ལྡན་འདས་ལ་
D216.062.0231b05.01ལན་གསུམ་བསྐོར་ནས་བཅོམ་ལྡན་འདས་ཀྱི་སྤྱི་བོར་མི་སྣང་བར་སོང་ངོ་། །དེ་ནས་བཅོམ་ལྡན་འདས་དེ་ལ་བཅོམ་ལྡན་འདས་ཀྱི་བསྙེན་བཀུར་བྱེད་པ་དགེ་སློང་བློ་གྲོས་རྒྱ་མཚོས་ཞུས་པ། དེ་བཞིན་གཤེགས་པ་རྒྱུ་མ་མཆིས་རྐྱེན་མ་མཆིས་པར་ནི་འཛུམ་པ་མི་མཛད་ན། བཅོམ་ལྡན་
D216.062.0231b06.01འདས་ཅིའི་རྒྱུ་ཅིའི་རྐྱེན་གྱིས་འཛུམ་པ་མཛད་ཅེས་དེ་སྐད་གསོལ་པ་དང་། བཅོམ་ལྡན་འདས་ཀྱིས་བསྙེན་བཀུར་བྱེད་པ་དེ་ལ་འདི་སྐད་ཅེས་བཀའ་སྩལ་ཏོ། །དགེ་སློང་ཁྱེའུ་འདི་གཉིས་ཀྱིས་ཉན་ཐོས་ཀྱི་སེམས་ཀྱིས་དེ་བཞིན་གཤེགས་པ་ལ་མུ་ཏིག་གི་སེ་མོ་དོ་གཉིས་
D216.062.0231b07.01