完整藏文原文 · 德格版页 当前仅加载第 62 函德格 216b 版页；藏文 NFD、目录标记与异常页序保留在来源切片中，重复版页行以稳定序号区分。
སྣང་བ་ཡིད་དུ་མི་འོང་བ་གང་ཡང་མིག་གིས་མཐོང་ཞིང་སྣང་བར་མི་འགྱུར། བདག་གི་རྣ་བའི་སེམས་ཡོངས་སུ་དག་པས་སྒྲ་ཡིད་དུ་མི་འོང་བ་གང་ཡང་རྣ་བས་ཐོས་ཤིང་གྲག་པར་མི་འགྱུར། དེ་བཞིན་དུ་དྲི་ཡང་མ་ཡིན། རོ་ཡང་མ་ཡིན། རེག་ཀྱང་མ་ཡིན། རང་གི་ཡུལ་གྱི་སེམས་
D216.062.0216b01.01ཡོངས་སུ་དག་པས་ཆོས་ཡིད་དུ་མི་འོང་བ་གང་ཡང་ཡིད་ལ་སྣང་བར་མི་འགྱུར། རང་གི་སེམས་ཡོངས་སུ་དག་པས་ཡིད་དགའ་བ་དང་། མི་དགའ་བ་དང་། མ་འབྲེལ་ཅིང་སེམས་ཅན་གང་ཡང་སངས་རྒྱས་ཀྱི་ཆོས་ཀྱི་སྣོད་མ་ཡིན་པར་མ་མཐོང་སྟེ། གང་ལོག་པར་ངེས་པ་དེ་དག་
D216.062.0216b02.01ཀྱང་སངས་རྒྱས་ཀྱི་ཆོས་ཀྱི་སྣོད་དུ་འགྱུར་བར་མཐོང་ཞིང་། གང་བདག་ཤིན་ཏུ་དགའ་བར་གྱུར་པའི་དངོས་པོ་དེ་དགའ་ཞིང་ཡོངས་སུ་གཏོང་ལ་བྱིན་ནས་ཀྱང་མི་འགྱོད་པ་ཡིན་ཏེ། དེ་ལྟར་སྤྱོད་པའི་བྱང་ཆུབ་སེམས་དཔའ་ནི་ཐམས་ཅད་མཁྱེན་པ་རྟོགས་པར་ནུས་སོ། །བྱང་ཆུབ་
D216.062.0216b03.01སེམས་དཔའ་རབ་དུ་དགའ་བའི་རྒྱལ་པོས་སྨྲས་པ། གང་གི་ཚེ་ན་སྤྱོས་པ་དང་། བརྒྱད་པ་དང་། སྨད་པ་དང་། བརྙས་པ་དང་། བརྡེགས་པ་དང་། ཚར་བཅད་ན་བྱང་ཆུབ་སེམས་དཔའ་རབ་ཏུ་དགའ་བ་སྐྱེད་ཅིང་གང་ཟག་དེ་ལ་ཡང་དགེ་བའི་བཤེས་གཉེན་དུ་འདུ་ཤེས་
D216.062.0216b04.01སྐྱེད་ལ། བཟོད་པར་བྱེད། བཟོད་པའི་མཐུ་སྟོན་ཅིང་རབ་ཏུ་དགའ་བ་སྐྱེས་ནས་སྤྱོ་བར་བྱེད་པ་འདི་སུ། གང་ལ་སྤྱོ་བར་བྱ་ཞེས་དེ་ཆོས་ཉིད་ཀྱི་རྗེས་སུ་འཇུག་པར་བྱེད། ནང་གི་སྟོང་པ་ཉིད་ལ་མོས་ཤིང་ཕྱིའི་སྟོང་པ་ཉིད་ལ་ཐེ་ཙོམ་མེད་པས་བདག་ཏུ་ལྟ་བའང་མི་སྐྱེད་ཅིང་བཟོད་ལ།
D216.062.0216b05.01རྐང་པ་དང་ལག་པ་ཡོངས་སུ་གཏོང་བ་དང་། མིག་དང་མགོ་ཡོངས་སུ་གཏོང་བ་དང་། ཆུང་མ་དང་། བུ་ཕོ་དང་བུ་མོ་ཡོངས་སུ་གཏོང་བ་དང་། རྒྱལ་སྲིད་ཡོངས་སུ་གཏོང་བས་རབ་ཏུ་དགའ་བ་ཡིན། ལུས་དང་སྲོག་ཡོངས་སུ་གཏོང་བས་དགའ་བ་ཡིན་ཏེ། འཁོར་ལོས་
D216.062.0216b06.01སྒྱུར་བའི་རྒྱལ་སྲིད་ཐོབ་པས་དགའ་བ་མ་ཡིན་གྱི། ལེགས་པར་བཤད་པ་ཚིགས་སུ་བཅད་པ་གཅིག་ཐོས་པས་ཤིན་ཏུ་དགའ་བ་ཡིན། བརྒྱ་བྱིན་ཐོབ་པས་དགའ་བ་མ་ཡིན་གྱི། གཞན་ཆོས་འཆད་པ་ལ་ཤིན་ཏུ་དགའ་བ་ཡིན། ཚངས་པ་ཐོབ་པས་དགའ་བ་མ་ཡིན་གྱི།
D216.062.0216b07.01