完整藏文原文 · 德格版页 当前仅加载第 62 函德格 252b 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱལ་པོ་ཆེན་པོ་དེ་བཞིན་དུ་བདག་དང་བདག་གིར་བྱ་བའི་ལྟ་བའི་བག་ལ་ཉལ་བ་དང་། འདོད་ཆགས་དང་། ཞེ་སྡང་དང་། གཏི་མུག་དག་འབྱུང་མོད་ཀྱི། སེམས་ཀྱི་ཆོས་ཉིད་ཀུན་ནས་ཉོན་མོངས་པར་མི་བྱེད་དོ། །རྒྱལ་པོ་ཆེན་པོ་ཁྱོད་ཀྱིས་དེ་ལ་འགྱོད་པར་མི་བྱ་སྟེ།
D216.062.0252b01.01རྒྱལ་པོ་ཆེན་པོ་སེམས་ནི་ཐོག་མའི་མཐའ་ནས་ཀྱང་མ་འཕོས་སོ། །རྒྱལ་པོ་ཆེན་པོ་སེམས་ནི་ཐ་མའི་མཐར་ཡང་མི་འཕོའོ། །རྒྱལ་པོ་ཆེན་པོ་སེམས་ནི་ད་ལྟར་ཡང་མི་གནས་སོ། །དེ་ལ་མཁས་པ་དག་ནི་ཆོས་ཐམས་ཅད་མ་འཕོས་པ། མི་འཕོ་བ། མི་གནས་པར་
D216.062.0252b02.01རྟོགས་ཏེ། དེས་དེ་ལྟར་ཤེས་ནས་ལྟ་བ་ལ་མངོན་པར་ཆགས་པར་ཡང་མི་བྱེད་དོ། །རྒྱལ་པོ་ཆེན་པོ་མངོན་པར་མ་ཆགས་ན་དག་པའོ། །རྒྱལ་པོ་ཆེན་པོ་ཆོས་ཐམས་ཅད་ནི་རྣམ་པར་དག་པའི་མཚན་ཉིད་དང་ལྡན་པ། དྲི་མ་མེད་པ། ཀུན་དུ་སྣང་བ་ཡིན་ཏེ། རྒྱལ་པོ་ཆེན་
D216.062.0252b03.01པོ་ཆོས་མེད་ན་གདགས་པ་ཡང་མེད་དེ། གདགས་པ་མེད་པར་ཡང་བཅོམ་ལྡན་འདས་ཀྱིས་བཀའ་སྩལ་ཏོ། །གང་ལམ་སྐྱོན་མེད་པ་དེ་ལ་ཡང་ཆོས་གང་ཡང་གདགས་པ་མེད་དོ། །རྒྱལ་པོ་ཆེན་པོ་གང་འདོགས་པའི་རྗེས་སུ་འབྲང་བ་དེ་དག་ནི་སྒྲིབ་པ་དང་བཅས་པ། རྡུལ་
D216.062.0252b04.01དང་བཅས་པ་ཡིན་ནོ། །གསོལ་པ། འཇམ་དཔལ་བདག་ནི་སྒྲིབ་པ་ཐམས་ཅད་བྱང་ལགས་ཏེ། གལ་ཏེ་འདིའི་བར་སྐབས་ཤིག་ཏུ་འགུམ་པའི་དུས་བགྱིས་སུ་ལགས་ན་བདག་ནི་སླར་མཚམས་སྦྱོར་བར་མི་འགྱུར་རོ། །འཇམ་དཔལ་གྱིས་སྨྲས་པ། རྒྱལ་པོ་ཆེན་པོ་ཆོས་
D216.062.0252b05.01ཐམས་ཅད་ཤིན་ཏུ་མྱ་ངན་ལས་འདས་པ་ལ་མྱ་ངན་ལས་འདའ་བར་རྟོག་པ་དེ་ཉིད་ཁྱོད་ཀྱི་དམིགས་པ་ཆེན་པོ་ཡིན་ནོ། །དེ་ཅིའི་ཕྱིར་ཞེ་ན། རྒྱལ་པོ་ཆེན་པོ་ཆོས་ཐམས་ཅད་ནི་ཤིན་ཏུ་མྱ་ངན་ལས་འདས་པ། རང་བཞིན་གྱིས་མ་སྐྱེས་པའོ། །དེ་ནས་རྒྱལ་པོ་མ་སྐྱེས་
D216.062.0252b06.01དགྲས་རིན་བརྒྱ་སྟོང་རི་བའི་རས་ཟུང་གཅིག་ཁྱེར་ཏེ་སྟན་ལས་ལངས་ནས་འཇམ་དཔལ་གཞོན་ནུར་གྱུར་པ་ལ་རས་ཟུང་གཅིག་པོ་དེ་ཕུལ་ལོ། །འཇམ་དཔལ་གཞོན་ནུར་གྱུར་པའི་ལུས་ལ་རས་ཟུང་གཅིག་པོ་དེ་ཕུལ་མ་ཐག་ཏུ་དེ་ནས་དེའི་ཚེ་འཇམ་དཔལ་གཞོན་ནུར་གྱུར་པས་
D216.062.0252b07.01