完整藏文原文 · 德格版页 当前仅加载第 62 函德格 253a 版页；藏文 NFD、目录标记与异常页序保留在来源切片中，重复版页行以稳定序号区分。
བདག་གི་ལུས་མི་སྣང་བར་བྱས་པ་དང་། རྒྱལ་པོ་མ་སྐྱེས་དགྲས་སླར་འཇམ་དཔལ་གཞོན་ནུར་གྱུར་པ་མ་མཐོང་ནས་སྟེང་གི་བར་སྣང་ལས་རྒྱལ་པོ་ཆེན་པོ་ཇི་ལྟར་འཇམ་དཔལ་གཞོན་ནུར་གྱུར་པའི་ལུས་མ་མཐོང་བ་དེ་བཞིན་དུ་འགྱོད་པ་དེ་ལ་ལྟོས་ཤིག །འགྱོད་པ་དེ་
D216.062.0253a01.01ཇི་ལྟར་མཐོང་བ་དེ་བཞིན་དུ་ཆོས་ཐམས་ཅད་ལ་ལྟོས་ཤིག །ཆོས་ཐམས་ཅད་ཇི་ལྟར་མཐོང་བ་དེ་བཞིན་དུ་རས་དེ་ལ་ལྟོས་ཤིག །གང་གིས་མ་མཐོང་བ་དེ་ལ་ཡང་དེ་བཞིན་དུ་བལྟ་བར་བྱ་མོད་ཀྱི། རྒྱལ་པོ་ཆེན་པོ་གང་གི་ལུས་མཐོང་བ་དེ་ལ་རས་ཟུང་གཅིག་པོ་འདི་ཕུལ་ཅིག་ཅེས་
D216.062.0253a02.01ཟེར་བའི་སྒྲ་ཐོས་ནས་དེའི་ཚེ་འཇམ་དཔལ་གཞོན་ནུར་གྱུར་པའི་དྲུང་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཡེ་ཤེས་དཔལ་གྱི་རྒྱལ་མཚན་ཞེས་བྱ་བ་ཞིག་འདུག་པར་གྱུར་ནས། རྒྱལ་པོ་མ་སྐྱེས་དགྲས་བྱང་ཆུབ་སེམས་དཔའ་ཡེ་ཤེས་དཔལ་གྱི་རྒྱལ་མཚན་ལ་རས་ཟུང་
D216.062.0253a03.01གཅིག་པོ་དེ་ཕུལ་བ་དང་དེས་མ་བླངས་ནས་འདི་སྐད་ཅེས་སྨྲས་སོ། །རྒྱལ་པོ་ཆེན་པོ་བདག་ནི་ཐར་བར་འདོད་པ་ལས་ཀྱང་མི་ལེན། ཡོངས་སུ་མྱ་ངན་ལས་འདའ་བར་འདོད་པ་ལས་ཀྱང་མི་ལེན་ཏོ། །རྒྱལ་པོ་ཆེན་པོ་བདག་ནི་སོ་སོའི་སྐྱེ་བོ་ལས་ཀྱང་མི་ལེན། སོ་སོའི་སྐྱེ་བོའི་ཆོས་
D216.062.0253a04.01དང་ལྡན་པ་ལས་ཀྱང་མི་ལེན། སློབ་པ་ལས་ཀྱང་མི་ལེན། སློབ་པའི་ཆོས་དང་ལྡན་པ་ལས་ཀྱང་མི་ལེན། དགྲ་བཅོམ་པ་ལས་ཀྱང་མི་ལེན། དགྲ་བཅོམ་པའི་ཆོས་དང་ལྡན་པ་ལས་ཀྱང་མི་ལེན། རང་སངས་རྒྱས་ལས་ཀྱང་མི་ལེན། རང་སངས་རྒྱས་ཀྱི་ཆོས་དང་
D216.062.0253a05.01ལྡན་པ་ལས་ཀྱང་མི་ལེན་ཏོ། །རྒྱལ་པོ་ཆེན་པོ་བདག་ནི་དེ་བཞིན་གཤེགས་པ་ལས་ཀྱང་མི་ལེན། དེ་བཞིན་གཤེགས་པའི་ཆོས་དང་ལྡན་པ་ལས་ཀྱང་མི་ལེན་ཏེ། རྒྱལ་པོ་ཆེན་པོ་བདག་ནི་གང་ཆོས་འདི་དག་དང་ལྡན་པ་ཡང་མ་ཡིན་ལ་དེ་དག་ལས་ལོག་པར་ཡང་མ་ཡིན་པ་དེ་དག་
D216.062.0253a06.01ལས་ལེན་ཅིང་། དེ་དག་ཇི་ལྟར་སྦྱིན་པར་བྱེད་པ་དེ་བཞིན་དུ་ལེན་ཏེ། རྒྱལ་པོ་ཆེན་པོ་སྦྱིན་པ་འདི་ནི་གཉིས་ལས་ཡོངས་སུ་དག་པའོ། །དེ་ནས་རྒྱལ་པོ་མ་སྐྱེས་དགྲས་བྱང་ཆུབ་སེམས་དཔའ་ཡེ་ཤེས་དཔལ་གྱི་རྒྱལ་མཚན་གྱི་ལུས་ལ་རས་ཟུང་གཅིག་པོ་དེ་ཕུལ་བ་དང་། དེ་
D216.062.0253a07.01