完整藏文原文 · 德格版页 当前仅加载第 62 函德格 249b 版页；藏文 NFD、目录标记与异常页序保留在来源切片中，重复版页行以稳定序号区分。
པ། འཇམ་དཔལ་དེ་མ་ལགས་སོ། །སྨྲས་པ། སེམས་བསྐྱེད་པས་བསྐྱེད་པ་ཡིན་ནམ། གསོལ་པ། འཇམ་དཔལ་དེ་མ་ལགས་སོ། །སྨྲས་པ། སེམས་འགགས་པས་བསྐྱེད་པ་ཡིན་ནམ། གསོལ་པ། འཇམ་དཔལ་དེ་མ་ལགས་སོ། །སྨྲས་པ། འདུས་མ་བྱས་པས་
D216.062.0249b01.01བསྐྱེད་པ་ཡིན་ནམ། གསོལ་པ། འཇམ་དཔལ་དེ་མ་ལགས་སོ། །སྨྲས་པ། འདུས་བྱས་ཀྱིས་བསྐྱེད་པ་ཡིན་ནམ། གསོལ་པ། འཇམ་དཔལ་དེ་མ་ལགས་སོ། །སྨྲས་པ། རྒྱལ་པོ་ཆེན་པོ་དེ་ཇི་སྙམ་དུ་སེམས། ཆོས་གང་ཆོས་གང་གིས་ཀྱང་བསྐྱེད་པར་མི་འགྱུར་བའི་
D216.062.0249b02.01ཆོས་དེས་ཆོས་གང་ཡང་བསལ་བར་ནུས་སམ། གསོལ་པ། འཇམ་དཔལ་དེ་མ་ལགས་སོ། །འཇམ་དཔལ་གྱིས་སྨྲས་པ། རྒྱལ་པོ་ཆེན་པོ་ངས་དེ་ལ་དགོངས་ཏེ་སངས་རྒྱས་བཅོམ་ལྡན་འདས་གང་གཱའི་ཀླུང་གི་བྱེ་མ་སྙེད་ཀྱིས་ཀྱང་ཁྱོད་ཀྱི་འགྱོད་པ་དེ་བསལ་བར་མི་
D216.062.0249b03.01ནུས་སོ་ཞེས་དེ་སྐད་སྨྲས་སོ། །རྒྱལ་པོ་ཆེན་པོ་གཞན་ཡང་བར་སྣང་གི་ནམ་མཁའ་འདི་ལ་གང་ལ་ལ་ཞིག་རྡུལ་ལམ། དུ་བའམ། མུན་པས་ཀུན་ནས་ཉོན་མོངས་པར་བྱེད་པར་འདོད་ན་རྒྱལ་པོ་ཆེན་པོ་དེ་ཇི་སྙམ་དུ་སེམས། བར་སྣང་གི་ནམ་མཁའ་ཀུན་ནས་
D216.062.0249b04.01ཉོན་མོངས་པར་བྱ་ནུས་སམ། གསོལ་པ། འཇམ་དཔལ་དེ་མ་ལགས་སོ། །སྨྲས་པ། རྒྱལ་པོ་ཆེན་པོ་གང་ལ་ལ་ཞིག་ངས་བར་སྣང་གི་ནམ་མཁའ་རྣམ་པར་སྦྱང་ངོ་ཞེས་དེ་སྐད་ཟེར་ན་བར་སྣང་གི་ནམ་མཁའ་རྣམ་པར་སྦྱང་བར་ནུས་སམ། གསོལ་པ། འཇམ་
D216.062.0249b05.01དཔལ་དེ་མ་ལགས་སོ། །སྨྲས་པ། དེ་བཞིན་དུ་དེ་བཞིན་གཤེགས་པས་ཆོས་ཐམས་ཅད་ནམ་མཁའ་དང་མཚུངས་པ། རང་བཞིན་གྱིས་ཀུན་ནས་ཉོན་མོངས་པ་མེད་པར་མངོན་པར་རྫོགས་པར་སངས་རྒྱས་ཏེ། ཆོས་གང་ཡང་ཉོན་མོངས་པའམ་བྱང་བར་མ་
D216.062.0249b06.01གཟིགས་ན་དེ་དག་གིས་ཇི་ཞིག་བསལ་བར་མཛད། རྒྱལ་པོ་ཆེན་པོ་ངས་ནི་དེ་ལ་ཡང་དགོངས་ཏེ་སངས་རྒྱས་བཅོམ་ལྡན་འདས་གང་གཱའི་ཀླུང་གི་བྱེ་མ་སྙེད་ཀྱིས་ཀྱང་ཁྱོད་ཀྱི་འགྱོད་པ་དེ་བསལ་མི་ནུས་སོ་ཞེས་དེ་སྐད་སྨྲའོ། །རྒྱལ་པོ་ཆེན་པོ་གཞན་ཡང་སངས་རྒྱས་
D216.062.0249b07.01