完整藏文原文 · 德格版页 当前仅加载第 62 函德格 222a 版页；藏文 NFD、目录标记与异常页序保留在来源切片中，重复版页行以稳定序号区分。
བ་ཡང་མེད། འོང་བ་ཡང་མེད་པ་དེ་བཞིན་དུ་ཆོས་ཐམས་ཅད་ཀྱང་དེའི་འགྲོས་ཅན་ཉིད་དོ། །སེམས་ཅན་ཐམས་ཅད་ཀྱང་དེའི་འགྲོས་ཅན་ཉིད་དོ། །སྨྲས་པ། འཇམ་དཔལ་ཆོས་ཐམས་ཅད་ཇི་ལྟ་བུའི་འགྲོས་ཅན་ལགས། སྨྲས་པ། རང་བཞིན་གནས་པའི་འགྲོས་ཅན་ནོ། །
D216.062.0222a01.01སྨྲས་པ། ཡང་སེམས་ཅན་ཐམས་ཅད་ཇི་ལྟ་བུའི་འགྲོས་ཅན་ལགས། སྨྲས་པ། ལས་ཀྱི་རྣམ་པར་སྨིན་པ་ཇི་ལྟ་བུའི་འགྲོས་ཅན་པ་དེ་བཞིན་ནོ། །སྨྲས་པ། འཇམ་དཔལ་འོ་ན་ཆོས་ཐམས་ཅད་ལས་ཀྱི་རྣམ་པར་སྨིན་པ་མ་མཆིས་པ་མ་ལགས་སམ། སྨྲས་པ། རིགས་ཀྱི་བུ་ཆོས་ཉིད་
D216.062.0222a02.01ལ་ནི་ལས་ཀྱི་རྣམ་པར་སྨིན་པ་མེད་དོ། །དེ་ཅིའི་ཕྱིར་ཞེ་ན། ཆོས་ཐམས་ཅད་ནི་ཆོས་ཉིད་ཀྱི་རྗེས་སུ་འཇུག་པའི་ཕྱིར་རོ། །སྨྲས་པ། འོ་ན་ཇི་ལྟར་ན་ལས་ཀྱི་རྣམ་པར་སྨིན་པ་ཇི་ལྟ་བུའི་འགྲོས་ཅན་པ་དེ་བཞིན་པ་ལགས། སྨྲས་པ། ལས་དེ་ཇི་ལྟ་བ་རྣམ་པར་སྨིན་པ་ཡང་དེ་བཞིན། དེའི་
D216.062.0222a03.01འགྲོ་བ་ཡང་དེ་བཞིན་ནོ། །སྨྲས་པ། འཇམ་དཔལ་ལས་ཇི་ལྟ་བུ་ལགས། རྣམ་པར་སྨིན་པ་ཇི་ལྟ་བུ་ལགས། འགྲོ་བ་ཇི་ལྟ་བུ་ལགས། སྨྲས་པ། དེ་བཞིན་ཉིད་ཇི་ལྟ་བར་ལས་ཀྱང་དེ་བཞིན། རྣམ་པར་སྨིན་པ་ཡང་དེ་བཞིན། འགྲོ་བ་ཡང་དེ་བཞིན་ནོ། །སྨྲས་པ།
D216.062.0222a04.01འཇམ་དཔལ་དེ་བཞིན་ཉིད་ལ་ནི་ལས་ཀྱང་མ་མཆིས། རྣམ་པར་སྨིན་པ་ཡང་མ་མཆིས། འགྲོ་བ་ཡང་མ་མཆིས་སོ། །སྨྲས་པ། རིགས་ཀྱི་བུ་ཇི་ལྟར་དེ་བཞིན་ཉིད་ལ་ལས་ཀྱང་མེད། རྣམ་པར་སྨིན་པ་ཡང་མེད། འགྲོ་བ་ཡང་མེད་པ་ལྟར་ལས་ཀྱི་རྣམ་པར་སྨིན་པའི་འགྲོ་བ་
D216.062.0222a05.01ཡང་དེ་བཞིན་དུ་ཤེས་པར་བྱའོ། །ལས་ཀྱི་རྣམ་པར་སྨིན་པའི་འགྲོ་བ་ནི་འོང་བ་མེད་པ་ཅན་འགྲོ་བ་མེད་པ་ཅན་ཡིན་ཏེ། དེ་ནི་དེ་བཞིན་ཉིད་ཀྱི་འགྲོས་ལས་འདའ་བར་མི་འགྱུར་རོ། །བསྟན་པ་འདི་བསྟན་པའི་ཚེ་སངས་རྒྱས་ཀྱི་མཐུས་ཚེ་དང་ལྡན་པ་ཤཱ་རིའི་བུ་དང་། ཚེ་དང་ལྡན་
D216.062.0222a06.01པ་དགའ་བོ་དང་། ཉན་ཐོས་ཆེན་པོ་གཞན་དག་ཀྱང་། བཅོམ་ལྡན་འདས་ཤཱཀྱ་ཐུབ་པའི་སྤྱན་སྔ་ན་བསྟན་པ་འདི་ལ་ཉན་ཏོ།། །།བམ་པོ་གཉིས་པ། དེ་ནས་བཅོམ་ལྡན་འདས་ལ་ཚེ་དང་ལྡན་པ་ཤཱ་རིའི་བུས་འདི་སྐད་ཅེས་གསོལ་ཏོ། །བཅོམ་ལྡན་འདས་ཆོས་ཉིད་ནི་
D216.062.0222a07.01